Philip 1:22 - Klei Aê Diê Blŭ 2015

²² Tơdah kâo ăt dôk hdĭp hlăm kđeh, srăng mâo boh tŭ dưn mơ̆ng bruă kâo. Ƀiădah ya klei kâo srăng ruah kâo amâo dưi thâo ôh.

Philip 1:22 Iomraidhean Croise

Klei Mphŭn Dơ̆ng 21:26

Y-Abimêlek lač, “Kâo amâo thâo ôh hlei ngă klei anăn, kăn ih hưn kơ kâo rei, kăn kâo hmư̆ klei anei lei tơl hruê anei kâo thâo.”

Klei Mphŭn Dơ̆ng 39:8

Ƀiădah ñu hngah leh anăn lač kơ mô̆ khua ñu, “Nĕ anei, khua kâo amâo uêñ ôh ya dŏ dôk hŏng kâo hlăm sang, leh anăn gơ̆ jao leh jih jang mnơ̆ng gơ̆ mâo hlăm kngan kâo.

Klei Mmuñ Hđăp 71:18

Tơdah kâo mduôn leh anăn ƀŭk kô̆ leh, đăm lui kâo ôh, Ơ Aê Diê, tơl kâo hưn leh klei ktang Ih kơ jih jang ênuk anei, klei myang Ih kơ phung ênuk êdei.

Klei Kbiă 32:1

Tơdah phung ƀuôn sang ƀuh Y-Môis sui trŭn mơ̆ng čư̆, diñu bi kƀĭn jŭm Y-Arôn leh anăn lač kơ gơ̆, “Ngă brei kơ drei sa čô yang srăng nao ti anăp drei; kyuadah Y-Môis anăn, pô bi kbiă leh drei mơ̆ng čar Êjip, drei amâo thâo ôh ya klei truh leh kơ ñu.”

Bruă Phung Khua Ƀĭng Kna 3:17

Ară anei, Ơ phung ayŏng adei, kâo thâo kơ diih leh anăn phung khua diih ngă klei anăn hŏng klei amâo thâo săng ôh.

Hră Y-Pôl Mơĭt kơ Phung Rôm 1:13

Ơ phung ayŏng adei, kâo čiăng kơ diih thâo jêñ jêñ leh kâo mĭn čiăng nao kơ diih, čiăng kơ kâo dưi pĕ boh mơ̆ng diih msĕ si mơ̆ng phung tue mkăn; ƀiădah kâo mâo klei ghă tơl hruê anei.

Hră Y-Pôl Mơĭt kơ Phung Rôm 11:2

Aê Diê amâo tuôm hngah ôh kơ phung ƀuôn sang Ñu thâo kral leh mơ̆ng êlâo. Diih amâo thâo hĕ ya Klei Aê Diê Blŭ čih djŏ kơ Y-Êli, si ñu kčŭt kơ Aê Diê brei bi kdơ̆ng hŏng phung Israel?

II Kôrantô 10:3

Kyuadah wăt tơdah hmei dôk hdĭp hlăm kđeh, hmei amâo bi blah tui si klei bhiăn kđeh ôh.

Galati 2:20

Arăng pơ̆ng leh kâo ti kyâo bi kal mbĭt hŏng Krist; snăn amâo djŏ ôh kâo pô dôk hdĭp, ƀiădah Krist dôk hdĭp hlăm kâo. Leh anăn klei kâo dôk hdĭp hlăm kđeh ară anei, jing kâo dôk hdĭp hŏng klei đăo kơ Anak Aê Diê, Pô khăp kơ kâo leh anăn jao leh Ñu pô kyua kâo.

Philip 1:23

Mâo dua nah klei kpĭ kâo: kâo čiăng đuĕ nao dôk mbĭt hŏng Krist, kyuadah klei anăn jing jăk hĭn.

Philip 1:24

Ƀiădah yuôm hĭn kơ diih tơdah kâo ăt dôk hdĭp hlăm asei mlei.

Kôlôs 2:1

Snăn, kâo čiăng brei diih thâo si klei suăi kâo bi blah kyua diih, leh anăn kyua phung dôk ti ƀuôn Laôdisê, leh anăn kyua jih jang phung amâo tuôm ƀuh ƀô̆ mta kâo ôh,

I Y-Pêtrôs 4:2

čiăng kơ êjai ñu ăt dôk hdĭp hlăm kđeh, ñu amâo lŏ hdĭp tui si klei mnuih tluh ôh, ƀiădah tui si klei Aê Diê čiăng.