Philip 1:21 - Klei Aê Diê Blŭ 2015

²¹ Kyuadah Krist jing klei hdĭp kâo; leh anăn klei djiê jing tŭ dưn hĭn.

Philip 1:21 Iomraidhean Croise

I Kôrantô 1:30

Aê Diê jing akŏ klei hdĭp diih hlăm Krist Yêsu, Pô Aê Diê mjing leh kơ drei klei thâo mĭn, klei kpă ênô, klei doh jăk, leh anăn klei bi tui.

I Kôrantô 3:22

thâodah Y-Pôl, Y-Apôlôs, Y-Sêphas, lăn ala, klei hdĭp, klei djiê, ênuk anei, amâodah ênuk êdei, jih jang jing dŏ diih sơăi.

II Kôrantô 5:1

Kyuadah drei thâo tơdah sang čhiăm anôk drei dôk ti lăn ala rai leh, drei mâo sang Aê Diê pô mkra, amâo djŏ kngan mnuih ngă ôh, dôk nanao hlŏng lar hlăm adiê.

II Kôrantô 5:6

Snăn drei bŏ hŏng klei knang nanao. Drei thâo êjai drei dôk hlăm asei mlei, drei dôk kbưi mơ̆ng Khua Yang,

II Kôrantô 5:8

Drei bŏ hŏng klei knang, leh anăn drei khăp hĭn kbiă mơ̆ng asei mlei anei leh anăn dôk mbĭt hŏng Khua Yang.

Galati 2:20

Arăng pơ̆ng leh kâo ti kyâo bi kal mbĭt hŏng Krist; snăn amâo djŏ ôh kâo pô dôk hdĭp, ƀiădah Krist dôk hdĭp hlăm kâo. Leh anăn klei kâo dôk hdĭp hlăm kđeh ară anei, jing kâo dôk hdĭp hŏng klei đăo kơ Anak Aê Diê, Pô khăp kơ kâo leh anăn jao leh Ñu pô kyua kâo.

Galati 6:14

Bi kơ kâo, kâo amâo srăng bi mni kơ kâo pô ôh, knŏng hlăm kyâo bi kal Khua Yang drei Yêsu Krist. Hŏng kyâo bi kal lăn ala djiê leh kơ kâo, leh anăn kâo djiê leh kơ lăn ala.

Philip 1:20

tui si klei kâo čiăng snăk leh anăn čang hmăng, kâo amâo srăng hêñ ôh, ƀiădah hŏng jih klei jhŏng sĭt ară anei leh anăn nanao msĕ mơh, Krist srăng mâo klei guh kơang hlăm asei mlei kâo, thâodah hŏng klei kâo hdĭp amâodah hŏng klei kâo djiê.

Philip 1:22

Tơdah kâo ăt dôk hdĭp hlăm kđeh, srăng mâo boh tŭ dưn mơ̆ng bruă kâo. Ƀiădah ya klei kâo srăng ruah kâo amâo dưi thâo ôh.

Philip 1:23

Mâo dua nah klei kpĭ kâo: kâo čiăng đuĕ nao dôk mbĭt hŏng Krist, kyuadah klei anăn jing jăk hĭn.

Philip 2:21

Jih jang diñu duah klei tŭ dưn kơ diñu pô, amâo djŏ ôh klei tŭ dưn kơ Yêsu Krist.

Kôlôs 3:4

Tơdah Krist, jing klei hdĭp diih, srăng bi êdah, hlăk anăn mơh diih srăng bi êdah mbĭt hŏng Ñu hlăm klei guh kơang.

Klei Bi Êdah 14:13

Leh anăn kâo hmư̆ asăp mơ̆ng adiê lač, “Čih bĕ klei anei: Mơ̆ng anei kơ anăp jăk mơak yơh phung djiê hlăm Khua Yang.” Mngăt Myang lač, “Sĭt nik, jăk mơak yơh, čiăng kơ diñu dưi mdei mơ̆ng bruă diñu, kyuadah bruă diñu ngă tui hlue diñu!”