Philip 1:20 - Klei Aê Diê Blŭ 2015

²⁰ tui si klei kâo čiăng snăk leh anăn čang hmăng, kâo amâo srăng hêñ ôh, ƀiădah hŏng jih klei jhŏng sĭt ară anei leh anăn nanao msĕ mơh, Krist srăng mâo klei guh kơang hlăm asei mlei kâo, thâodah hŏng klei kâo hdĭp amâodah hŏng klei kâo djiê.

Philip 1:20 Iomraidhean Croise

Klei Mmuñ Hđăp 119:116

Krơ̆ng kâo tui si klei Ih ƀuăn, čiăng kơ kâo dưi dôk hdĭp; leh anăn đăm brei kâo hêñ ôh hlăm klei kâo čang hmăng.

Klei Mmuñ Hđăp 119:80

Brei ai tiê kâo gưt jih klei bhiăn Ih, čiăng kơ kâo amâo srăng hêñ ôh.

Klei Mmuñ Hđăp 25:2

Ơ Aê Diê kâo, kâo knang kơ Ih, đăm brei kâo hêñ ôh; đăm brei phung roh kâo dưi hŏng kâo ôh.

Klei Mmuñ Hđăp 62:5

Mngăt kâo dôk ñăt čang guôn knŏng kơ Aê Diê, mơ̆ng Ñu kbiă hriê klei kâo čang hmăng.

Klei Bi Hriêng 10:28

Klei phung kpă ênô čang hmăng srăng truh hŏng klei hơ̆k, ƀiădah klei phung ƀai čang guôn amâo srăng truh ôh.

Klei Bi Hriêng 23:18

Sĭt nik ih srăng mâo klei mưn êdei, leh anăn klei ih čang hmăng amâo srăng rai tuč ôh.

Y-Êsai 45:17

Ƀiădah Yêhôwa srăng bi mtlaih phung Israel hŏng klei bi mtlaih hlŏng lar. Diih amâo srăng hêñ amâodah rŭng răng ôh, hlăm jih jang ênuk hlŏng lar.

Y-Êsai 50:7

Kyuadah Khua Yang Yêhôwa đru kâo, kâo amâo mâo klei hêñ ôh; kyuanăn hŏng jih ai tiê kâo čuăn dôk kjăp msĕ si boh tâo, leh anăn kâo thâo arăng amâo srăng bi hêñ kâo ôh.

Y-Êsai 54:4

“Đăm huĭ ôh, kyuadah ih amâo srăng hêñ ôh; đăm rŭng răng ôh, kyuadah arăng amâo srăng bi hêñ ih ôh. Kyuadah ih srăng wơr bĭt klei ih hêñ êjai hlăk hđeh, leh anăn ih amâo srăng hdơr ôh kơ klei ih hêñ jing mniê djiê ung.

Y-Yôhan 21:19

Yêsu blŭ klei anăn čiăng bi êdah hŏng ya êlan Y-Pêtrôs srăng djiê bi guh kơang kơ Aê Diê. Leh Yêsu blŭ klei anăn, Ñu lač kơ Y-Pêtrôs, “Tui hlue Kâo bĕ.”

Bruă Phung Khua Ƀĭng Kna 20:24

Ƀiădah kâo amâo yap klei hdĭp kâo yuôm ôh, knŏng kâo čiăng bi leh jih bruă kâo mă tŭ leh mơ̆ng Khua Yang Yêsu, brei kâo hưn klei mrâo mrang jăk klei Aê Diê pap.

Bruă Phung Khua Ƀĭng Kna 21:13

Ƀiădah Y-Pôl lŏ wĭt lač, “Ya diih ngă, hia leh anăn bi ênguôt ai tiê kâo? Kyuadah kâo kăp tŭ amâo djŏ knŏng brei arăng krư̆ ôh, ƀiădah wăt kăp tŭ klei djiê ti ƀuôn Yêrusalem kyua anăn Khua Yang Yêsu.”

Bruă Phung Khua Ƀĭng Kna 4:31

Leh wah lač, anôk diñu bi kƀĭn ktư̆ mgei. Jih jang diñu bŏ hŏng Yang Mngăt Jăk, leh anăn hưn klei Aê Diê blŭ hŏng klei jhŏng.

Hră Y-Pôl Mơĭt kơ Phung Rôm 12:1

Ơ phung ayŏng adei, kâo kwưh kơ diih kyua klei Aê Diê pap, myơr bĕ asei mlei diih jing mnơ̆ng ngă yang hdĭp, doh jăk, bi mơak kơ Aê Diê. Klei anăn jing klei kkuh mpŭ djŏ kơ Aê Diê.

Hră Y-Pôl Mơĭt kơ Phung Rôm 5:5

leh anăn klei čang hmăng amâo bi hêñ drei ôh, kyuadah klei Aê Diê khăp tuh leh hlăm ai tiê drei hŏng Yang Mngăt Jăk Pô Aê Diê brei leh kơ drei.

Hră Y-Pôl Mơĭt kơ Phung Rôm 6:13

Đăm jao jơ̆ng kngan diih kơ klei soh jing mnơ̆ng klei wê yua ôh, ƀiădah jao bĕ diih pô kơ Aê Diê jing msĕ si phung mnuih kbiă lŏ hdĭp leh mơ̆ng phung djiê, leh anăn jao jơ̆ng kngan diih kơ Aê Diê jing mnơ̆ng klei kpă ênô yua.

Hră Y-Pôl Mơĭt kơ Phung Rôm 6:19

Kâo blŭ msĕ si mnuih kyuadah klei thâo săng diih điêt. Msĕ si hlăk êlâo diih jao leh jơ̆ng kngan diih kơ klei čhŏ leh anăn klei soh čiăng ngă soh lu hĭn nanao, snăn yơh ară anei jao bĕ jơ̆ng kngan diih kơ klei kpă ênô čiăng mâo klei doh jăk.

Hră Y-Pôl Mơĭt kơ Phung Rôm 8:19

Kyuadah jih jang mnơ̆ng hrih leh gĭr dôk čang hmăng kơ hruê phung anak Aê Diê srăng bi êdah.

Hră Y-Pôl Mơĭt kơ Phung Rôm 9:33

tui si Klei Aê Diê Blŭ čih leh, “Nĕ anei, Kâo dưm hlăm ƀuôn Siôn sa klŏ boh tâo srăng bi têč hnêč lu mnuih, sa klŏ boh tâo srăng bi êbuh diñu; ƀiădah hlei pô đăo kơ ñu amâo srăng luč klei čang hmăng ôh.”

I Kôrantô 15:31

Ơ phung ayŏng adei, kâo dôk ti anăp klei djiê grăp hruê, sĭt nik msĕ si diih jing klei guh kơang kơ kâo hlăm Krist Yêsu, Khua Yang drei!

I Kôrantô 6:20

Kyuadah Aê Diê blei leh diih hŏng sa ênoh. Snăn bi guh kơang bĕ Aê Diê hlăm asei mlei diih.

I Kôrantô 7:34

Snăn mâo klei mdê plah wah mniê mâo ung hŏng mniê êra hrông. Mniê amâo mâo ung leh anăn mniê êra hrông uêñ kơ bruă Khua Yang, čiăng dưi jing doh jăk hlăm asei mlei leh anăn mngăt. Ƀiădah mniê mâo ung uêñ kơ bruă lăn ala, čiăng dưi bi mơak kơ ung ñu.

II Kôrantô 10:8

Wăt tơdah kâo bi mni kơ kâo pô êgao hnơ̆ng ƀiă kyua klei dưi Khua Yang brei leh kơ kâo čiăng đru diih hriê kơ prŏng, amâo djŏ pioh bi rai diih ôh, kâo amâo srăng hêñ ôh.

II Kôrantô 3:12

Kyua hmei mâo klei čang hmăng msĕ snăn, hmei mâo klei jhŏng,

II Kôrantô 4:10

hmei djă nanao hlăm asei mlei hmei klei Yêsu djiê, čiăng kơ klei hdĭp Yêsu msĕ mơh dưi bi êdah hlăm asei mlei hmei.

II Kôrantô 5:15

Ñu djiê kyua jih jang, čiăng kơ phung dôk hdĭp amâo srăng lŏ dôk hdĭp kơ diñu pô ôh, ƀiădah kơ Pô djiê leh anăn kbiă lŏ hdĭp leh kyua diñu.

II Kôrantô 7:14

Tơdah kâo bi mni leh kơ kâo pô kyua diih ti anăp ñu, kâo amâo mâo klei hêñ ôh; ƀiădah msĕ si jih jang klei hmei blŭ leh kơ diih jing sĭt, msĕ snăn mơh klei hmei bi mni kơ diih ti anăp Y-Tit bi êdah leh jing sĭt.

II Kôrantô 7:4

Kâo mâo klei knang snăk kơ diih; kâo bi mni kơ kâo pô lu snăk kyua diih; kâo bŏ hŏng klei bi juh. Kâo bŏ hŏng klei hơ̆k mơak ti krah klei knap mñai hmei.

Philip 1:14

Leh anăn kyua klei arăng krư̆ kâo mâo lu hĭn hlăm phung ayŏng adei thâo knang hĭn kơ Khua Yang, leh anăn mâo klei jhŏng hĭn hưn klei Aê Diê blŭ amâo huĭ ôh.

Philip 2:17

Wăt tơdah êrah kâo srăng tuh msĕ si mnơ̆ng myơr mnăm ti dlông mnơ̆ng ngă yang myơr leh anăn klei đăo diih, kâo hơ̆k leh anăn mơak mbĭt hŏng diih jih jang.

Kôlôs 1:24

Ară anei kâo hơ̆k mơak hlăm klei knap mñai kâo tŭ kyua diih, leh anăn hlăm asei mlei kâo, kâo bi ênŭm ya klei knap mñai ăt kƀah hlăm klei knap mñai Krist tŭ leh kyua asei mlei Ñu, jing Phung Sang Aê Diê.

I Têsalônik 5:23

Akâo kơ Aê Diê pô jing akŏ kơ klei êđăp ênang bi doh jăk diih kluôm ênŭm; leh anăn akâo kơ Ñu mgang pioh mngăt, ai mĭn, leh anăn asei mlei diih amâo mâo klei ƀuah ôh ti hruê Khua Yang drei Yêsu Krist srăng lŏ hriê.

I Y-Pêtrôs 4:16

Ƀiădah lĕ tơdah sa čô tŭ klei knap mñai kyua ñu jing pô đăo kơ Krist, đăm brei ñu hêñ ôh, ƀiădah brei ñu mpŭ mni kơ Aê Diê kyua ñu mâo anăn Krist.

I Y-Yôhan 2:28

Ơ phung anak điêt, ară anei dôk bĕ hlăm Ñu, čiăng kơ tơdah Ñu srăng bi êdah, drei dưi mâo klei knang, amâo hêñ kyua dôk kbưi mơ̆ng Ñu, ti hruê Ñu lŏ hriê.