Philip 1:11 - Klei Aê Diê Blŭ 2015

¹¹ bŏ hŏng boh klei kpă ênô kbiă hriê mơ̆ng Yêsu Krist, pioh kơ klei guh kơang leh anăn klei bi mni kơ Aê Diê.

Philip 1:11 Iomraidhean Croise

Klei Mmuñ Hđăp 1:3

Ñu jing msĕ si sa ƀĕ ana kyâo pla giăm êa hnoh, mboh tơdah truh yan gơ̆; wăt hla ñu amâo thâo krô ôh, leh anăn jih klei ñu ngă srăng jing.

Y-Êsai 5:2

Ñu klei lăn, mă hĕ boh tâo, leh anăn pla ana boh kriăk ƀâo jăk hĭn. Ñu mdơ̆ng sa boh sang tum ti krah gơ̆, leh anăn klei ƀăng djiêt boh. Ñu čang hmăng kơ gơ̆ srăng mâo boh jăk, ƀiădah mâo knŏng boh jhat.

Y-Êsai 60:21

Hlăk anăn jih jang phung ƀuôn sang ih srăng jing kpă ênô sơăi; diñu srăng dưn čar nanao hlŏng lar. Diñu jing kƀiêng Kâo pla leh, bruă kngan Kâo ngă leh, čiăng kơ Kâo mâo klei guh kơang.

Y-Êsai 61:11

Kyuadah msĕ si lăn bi đuh mnơ̆ng, leh anăn msĕ si war djam bi čăt mjeh arăng rah leh hlăm ñu, msĕ snăn mơh Khua Yang Yêhôwa srăng bi truh klei kpă ênô leh anăn klei bi mni ti anăp jih jang găp djuê mnuih.

Y-Êsai 61:3

čiăng brei kơ phung kơŭ kyăm hlăm ƀuôn Siôn — čiăng brei kơ diñu kwang mnga hrô kơ hbâo, êa ƀâo mngưi klei hơ̆k hrô kơ klei kơŭ kyăm, čhiăm ao klei bi mni hrô kơ klei mĭn êdu ai. Arăng srăng pia diñu kyâo klei kpă ênô mnơ̆ng Yêhôwa pla leh, čiăng kơ Yêhôwa dưi mâo klei guh kơang.

Y-Mathiơ 5:16

Msĕ mơh brei klei mngač diih mtrang ti anăp mnuih, čiăng kơ diñu dưi ƀuh bruă jăk diih ngă leh anăn diñu mpŭ mni kơ Ama diih hlăm adiê.”

Y-Yôhan 15:16

Diih amâo tuôm ruah Kâo ôh, ƀiădah Kâo ruah leh diih leh anăn pioh brei diih čiăng kơ diih nao leh anăn mboh, leh anăn brei boh diih ăt dôk; čiăng kơ ya klei diih akâo kơ Ama hlăm anăn Kâo, Ñu dưi brei klei anăn kơ diih.

Y-Yôhan 15:2

Grăp adhan hlăm Kâo amâo mboh ôh, Ñu mă khăt hĕ, leh anăn grăp adhan mboh, Ñu lŏ mkra khăt, čiăng kơ gơ̆ dưi mboh lu hĭn.

Y-Yôhan 15:8

Kyuadah hlăm klei anei Ama Kâo mâo klei guh kơang: tơdah diih mboh lu, snăn diih jing phung ƀĭng kna Kâo.

Hră Y-Pôl Mơĭt kơ Phung Rôm 15:28

Snăn leh ruê̆ bruă anei, leh anăn jao leh mnơ̆ng arăng rĭng kơ digơ̆, kâo srăng weh kơ diih hlŏng nao kơ čar Êspañ.

Hră Y-Pôl Mơĭt kơ Phung Rôm 6:22

Ƀiădah ară anei kyuadah diih êngiê leh mơ̆ng klei soh diih leh anăn jing leh hlŭn kơ Aê Diê, boh tŭ dưn diih mâo ară anei hĭn jing klei doh jăk, leh anăn klei knhal tuč kơ klei anăn jing klei hdĭp hlŏng lar.

I Kôrantô 10:31

Snăn thâodah diih ƀơ̆ng huă mnăm, amâodah ya klei diih ngă, ngă bĕ jih čiăng bi guh kơang kơ Aê Diê.

II Kôrantô 9:10

Pô brei mjeh kơ pô rah leh anăn kpŭng kơ gơ̆ ƀơ̆ng srăng brei leh anăn bi lar mjeh diih, leh anăn srăng bi mđĭ lu boh tŭ dưn mơ̆ng klei kpă ênô diih.

Êphêsô 1:12

phung hmei čang hmăng leh êlâo hlăm Krist, Aê Diê čuăn ruah leh brei dôk hdĭp pioh bi mni kơ klei guh kơang Ñu.

Êphêsô 1:14

Yang Mngăt Jăk anăn jing mnơ̆ng ƀuăn rơ̆ng kơ klei drei dưn ngăn, tơl drei mă tŭ ngăn dưn anăn, pioh bi mni kơ klei guh kơang Ñu.

Êphêsô 2:10

Kyuadah drei jing bruă Ñu, Ñu hrih leh hlăm Krist Yêsu pioh kơ bruă jăk Aê Diê mkra leh mơ̆ng êlâo, čiăng brei drei tui ngă.

Êphêsô 5:9

(kyuadah boh klei mngač arăng ƀuh hlăm jih jang klei jăk, klei kpă, leh anăn klei sĭt nik.)

Philip 4:17

Amâo djŏ ôh kâo duah mnơ̆ng arăng myơr; ƀiădah kâo duah boh dưi mđĭ klei mưn kơ diih.

Kôlôs 1:10

čiăng kơ diih hdĭp năng kơ Khua Yang, bi mơak kơ Ñu hlăm jih jang klei, mâo boh tŭ dưn hlăm jih jang bruă jăk, lŏ bi mđĭ klei thâo kral Aê Diê.

Kôlôs 1:6

truh leh kơ diih, msĕ si truh leh sĭt nik tar ƀar lăn ala, mâo boh leh anăn hriê kơ prŏng, msĕ snăn mơh hlăm phung diih, mơ̆ng hruê diih hmư̆ leh anăn thâo săng klei Aê Diê pap tui si klei sĭt nik,

II Têsalônik 1:12

čiăng kơ anăn Khua Yang drei Yêsu dưi mâo klei guh kơang hlăm diih, leh anăn diih mâo klei guh kơang hlăm Ñu, tui si klei pap mơ̆ng Aê Diê drei leh anăn Khua Yang Yêsu Krist.

Y-Tit 3:14

Brei phung đăo tinăn gĭr ngă bruă jăk čiăng dưi đru mtam tơdah mâo klei kƀah jêč, snăn đăm diñu kƀah mboh klei thâo đru.

Hêbrơ 12:11

Êjai tŭ jih jang klei mkra mjuăt mâo klei ruă leh anăn amâo mơak ôh; ƀiădah êdei mâo boh klei êđăp ênang kbiă hriê mơ̆ng klei kpă kơ phung tŭ leh klei mkra mjuăt anăn.

I Y-Pêtrôs 2:12

Brei diih dôk dơ̆ng ƀơ̆ng huă jăk nanao ti krah phung amâo đăo, čiăng kơ tơdah diñu mčeh kơ diih jing mnuih ngă jhat, diñu dưi ƀuh bruă jăk diih ngă leh anăn mpŭ mni kơ Aê Diê ti hruê Ñu srăng lŏ hriê.

I Y-Pêtrôs 2:5

Diih msĕ si boh tâo hdĭp, brei Aê Diê mdơ̆ng diih pô hlăm sa boh sang myang, čiăng jing phung khua ngă yang doh jăk, čiăng myơr mnơ̆ng ngă yang myang bi mơak kơ Aê Diê hlăm Yêsu Krist.

I Y-Pêtrôs 2:9

Ƀiădah diih jing sa phung găp djuê Aê Diê ruah leh, phung khua ngă yang kơ mtao, sa phung găp djuê doh jăk, phung ƀuôn sang Aê Diê pô, čiăng kơ diih dưi hưn bruă yuôm bhăn Pô iêô leh diih kbiă mơ̆ng klei mmăt truh kơ klei mngač yuôm bhăn Ñu.

I Y-Pêtrôs 4:14

Tơdah arăng dlao wač kơ diih kyua anăn Krist, diih mâo klei jăk jĭn, kyuadah Mngăt Myang guh kơang, jing Mngăt Myang Aê Diê dôk ti diih.