Kôlôs 3:3 - Klei Aê Diê Blŭ 2015

³ Kyuadah diih djiê leh, leh anăn klei hdĭp diih mdăp leh mbĭt hŏng Krist hlăm Aê Diê.

Kôlôs 3:3 Iomraidhean Croise

Y-Mathiơ 11:25

Hlăk anăn Yêsu blŭ snei, “Kâo bi mni kơ Ih, Ơ Ama, Khua Yang adiê leh anăn lăn ala, kyuadah Ih mdăp klei anei kơ phung thâo mĭn leh anăn thâo săng, ƀiădah bi êdah leh kơ phung hđeh điêt;

Y-Yôhan 14:19

Adôk ƀiă leh anăn lăn ala amâo srăng lŏ ƀuh Kâo ôh, ƀiădah diih srăng ƀuh Kâo. Kyuadah Kâo dôk hdĭp, diih srăng dôk hdĭp msĕ mơh.

Y-Yôhan 3:16

Kyuadah Aê Diê khăp êdimi kơ lăn ala, tơl Ñu brei Anak Ñu pô mâo knŏng sa čô, čiăng kơ hlei pô đăo kơ Anak Ñu anăn amâo rai tuč ôh, ƀiădah mâo klei hdĭp hlŏng lar.

Y-Yôhan 4:14

ƀiădah hlei pô mnăm êa Kâo brei amâo srăng lŏ mhao ôh; êa Kâo brei srăng jing hlăm ñu sa bĭt akŏ êa bluh truh kơ klei hdĭp hlŏng lar.”

Y-Yôhan 5:21

Kyuadah msĕ si Ama bi kbiă lŏ hdĭp phung djiê leh anăn brei klei hdĭp kơ diñu, msĕ snăn mơh Anak brei klei hdĭp kơ hlei pô gơ̆ čiăng.

Y-Yôhan 5:24

Kâo lač kơ diih klei sĭt nik, hlei pô hmư̆ klei Kâo blŭ leh anăn đăo kơ Pô tiŏ hriê Kâo, mâo leh klei hdĭp hlŏng lar; ñu amâo srăng truh kơ klei phat kđi ôh, ƀiădah ñu găn leh klei djiê nao kơ klei hdĭp.

Y-Yôhan 5:40

ƀiădah diih hngah amâo čiăng hriê kơ Kâo ôh čiăng mă tŭ klei hdĭp.

Hră Y-Pôl Mơĭt kơ Phung Rôm 5:10

Kyuadah tơdah êjai drei jing roh hŏng Aê Diê, klei djiê Anak Aê Diê bi grăng drei leh hŏng Ñu, kdlưn hĭn mơh leh bi grăng, drei srăng mâo klei bi mtlaih kyua klei hdĭp Gơ̆.

Hră Y-Pôl Mơĭt kơ Phung Rôm 5:21

snăn kyua msĕ si klei soh kiă kriê hŏng klei djiê, msĕ snăn mơh klei pap dưi kiă kriê hŏng klei kpă ênô leh anăn bi truh klei hdĭp hlŏng lar hlăm Yêsu Krist Khua Yang drei.

Hră Y-Pôl Mơĭt kơ Phung Rôm 6:11

Snăn brei diih msĕ mơh yap diih pô djiê leh kơ klei soh, leh anăn dôk hdĭp kơ Aê Diê hlăm Krist Yêsu.

Hră Y-Pôl Mơĭt kơ Phung Rôm 6:2

Hơăi, amâo djŏ ôh! Si drei phung djiê leh kơ klei soh ăt dôk hdĭp hlăm klei soh lĕ?

Hră Y-Pôl Mơĭt kơ Phung Rôm 8:2

Kyuadah klei bhiăn Yang Mngăt Jăk brei klei hdĭp hlăm Krist Yêsu bi êngiê leh kâo mơ̆ng klei bhiăn klei soh leh anăn klei djiê.

I Kôrantô 15:45

Snei Klei Aê Diê Blŭ čih leh, “Mnuih tal êlâo Y-Ađam jing mngăt hdĭp; Y-Ađam knhal tuč jing mngăt brei klei hdĭp.”

I Kôrantô 2:14

Mnuih yang đar amâo mă tŭ ôh klei Yang Mngăt Jăk Aê Diê brei, kyuadah klei anăn jing klei khŏ kơ ñu, leh anăn ñu amâo dưi thâo săng klei anăn ôh, kyuadah hŏng klei mĭn myang yơh arăng dưi ksiêm klei anăn.

II Kôrantô 5:14

Klei Krist khăp kpĭ hmei, kyuadah hmei thâo klă, sĭt sa čô djiê leh kyua jih jang snăn jih jang djiê leh.

II Kôrantô 5:7

kyuadah drei êbat hŏng klei đăo, amâo djŏ ôh hŏng klei ƀuh.

Galati 2:20

Arăng pơ̆ng leh kâo ti kyâo bi kal mbĭt hŏng Krist; snăn amâo djŏ ôh kâo pô dôk hdĭp, ƀiădah Krist dôk hdĭp hlăm kâo. Leh anăn klei kâo dôk hdĭp hlăm kđeh ară anei, jing kâo dôk hdĭp hŏng klei đăo kơ Anak Aê Diê, Pô khăp kơ kâo leh anăn jao leh Ñu pô kyua kâo.

Êphêsô 3:9

leh anăn brei jih jang mnuih thâo săng ya hdră klei hgăm anăn, mdăp leh êjai lu ênuk hlăm Aê Diê, Pô hrih leh jih jang mnơ̆ng,

Philip 4:7

Leh anăn klei êđăp ênang Aê Diê êgao hĭn kơ jih jang klei thâo săng, srăng kiă kriê ai tiê leh anăn klei mĭn diih hlăm Krist Yêsu.

Kôlôs 1:5

kyua klei čang hmăng pioh leh kơ diih hlăm adiê. Diih hmư̆ leh klei anăn mơ̆ng êlâo hlăm klei blŭ sĭt nik jing klei mrâo mrang jăk

Kôlôs 2:20

Tơdah diih djiê leh mbĭt hŏng Krist kơ klei bhiăn lăn ala, si ngă klei bhiăn anei lŏ mgô̆ diih hdĭp msĕ si diih ăt jing dŏ lăn ala?

Kôlôs 2:3

Jih jang hjiê klei thâo mĭn leh anăn klei thâo săng mdăp leh hlăm Ñu.

Kôlôs 3:4

Tơdah Krist, jing klei hdĭp diih, srăng bi êdah, hlăk anăn mơh diih srăng bi êdah mbĭt hŏng Ñu hlăm klei guh kơang.

Hêbrơ 7:25

Kyua anăn Ñu dưi bi mtlaih hlŏng lar phung nao giăm Aê Diê hlăm Ñu, kyuadah Ñu dôk hdĭp nanao đru wah lač brei kơ digơ̆.

I Y-Pêtrôs 3:4

ƀiădah mprăp bĕ ti lam hgăm hlăm ai tiê hŏng mnơ̆ng amâo thâo rai tuč ôh, jing knuih êdu leh anăn êđăp ênang. Klei anăn jing yuôm snăk ti anăp Aê Diê.

I Y-Pêtrôs 4:2

čiăng kơ êjai ñu ăt dôk hdĭp hlăm kđeh, ñu amâo lŏ hdĭp tui si klei mnuih tluh ôh, ƀiădah tui si klei Aê Diê čiăng.

I Y-Yôhan 3:2

Ơ phung kâo khăp, ară anei drei jing anak Aê Diê; ya klei drei srăng jing ka bi êdah ôh. Ƀiădah klei anei drei thâo: tơdah Ñu bi êdah, drei srăng jing msĕ si Ñu, kyuadah drei srăng ƀuh Ñu msĕ si Ñu jing.

Klei Bi Êdah 2:17

Hlei pô mâo knga, brei ñu hmư̆ klei Mngăt Myang lač kơ Phung Sang Aê Diê. Kơ hlei pô dưi, Kâo srăng brei kơ ñu kpŭng mana hgăm, leh anăn Kâo srăng brei kơ ñu sa boh tâo kô̆, ti boh tâo kô̆ anăn arăng čih leh sa anăn mrâo amâo mâo mnuih thâo ôh, knŏng pô mă tŭ thâo.’ ”