Klei Yap 9:8 - Klei Aê Diê Blŭ 2015

⁸ Y-Môis lač kơ diñu, “Guôn bĕ, čiăng kâo dưi hmư̆ ya klei Yêhôwa srăng mtă djŏ kơ diih.”

Klei Yap 9:8 Iomraidhean Croise

II Klei Yăl Dliê 20:17

Diih amâo srăng bi blah ôh; dăp bĕ kahan diih, dôk sa anôk, leh anăn kăp dlăng klei Yêhôwa dưi hlăm klei Ñu bi blah brei kơ diih, Ơ phung Yuđa leh anăn phung dôk hlăm ƀuôn Yêrusalem. Đăm huĭ ôh, leh anăn đăm êdu ai ôh; mgi nao bi tuôm hŏng diñu bĕ, leh anăn Yêhôwa srăng dôk mbĭt hŏng diih.’ ”

Klei Mmuñ Hđăp 25:14

Yêhôwa bi êdah klei hgăm Ñu kơ phung huĭ mpŭ kơ Ñu, Ñu brei digơ̆ thâo kral klei Ñu bi mguôp.

Klei Mmuñ Hđăp 85:8

Kâo srăng hmư̆ ya klei Aê Diê Yêhôwa srăng lač; kyuadah Ñu srăng blŭ klei êđăp ênang kơ phung ƀuôn sang Ñu, kơ phung doh jăk Ñu, ƀiădah đăm brei diñu lŏ wĭt ngă klei mluk ôh.

Klei Kbiă 14:13

Y-Môis lač kơ phung ƀuôn sang, “Đăm huĭ ôh! Dôk kjăp leh anăn kăp dlăng klei bi mtlaih Yêhôwa srăng brei kơ diih hruê anei; kyuadah phung Êjip diih ƀuh hruê anei, diih amâo srăng lŏ ƀuh diñu ôh.

Klei Kbiă 18:15

Y-Môis lač kơ kmha ñu, “Kyuadah phung ƀuôn sang hriê kơ kâo čiăng êmuh kơ Aê Diê.

Y-Êsêkiêl 2:7

Brei ih hưn klei Kâo blŭ kơ diñu, thâodah diñu dôk hmư̆ amâodah hngah dôk hmư̆, kyuadah diñu jing sa boh sang khăng bi kdơ̆ng.

Y-Êsêkiêl 3:17

“Ơ anak mnuih, Kâo mjing ih leh sa čô pô gak kơ sang Israel; tơdah ih hmư̆ sa klei blŭ mơ̆ng ƀăng êgei Kâo, brei ih hưn kơ diñu klei Kâo brei diñu răng.

Bruă Lêwi 24:12

Arăng krư̆ gơ̆ tơl klei Yêhôwa čiăng srăng bi êdah kơ diñu.

Klei Yap 15:34

Arăng krư̆ ñu, kyuadah ka klă ôh ya arăng srăng ngă kơ ñu.

Klei Yap 27:5

Y-Môis ba klei diñu ti anăp Yêhôwa,

Klei Yap 9:7

leh anăn phung mnuih anăn lač kơ Y-Môis, “Hmei jing čhŏ leh kyua sô̆ asei mlei mnuih djiê; si ngă arăng ghă hmei myơr mnơ̆ng myơr kơ Yêhôwa ti hruê bi kčah leh ti krah phung ƀuôn sang Israel?”

Klei Yap 9:9

Yêhôwa lač kơ Y-Môis,

Y-Yôhan 17:8

Kyuadah Kâo brei leh kơ diñu klei blŭ Ih brei leh kơ Kâo, leh anăn diñu mă tŭ leh klei blŭ anăn, leh anăn diñu thâo sĭt nik kơ Kâo kbiă hriê mơ̆ng Ih. Leh anăn diñu đăo kơ Ih tiŏ hriê Kâo leh.

Y-Yôhan 7:17

Tơdah sa čô mnuih čiăng ngă tui si klei Aê Diê čiăng, gơ̆ srăng thâo thâodah klei Kâo mtô kbiă hriê mơ̆ng Aê Diê amâodah Kâo blŭ tui si klei dưi Kâo pô.

Bruă Phung Khua Ƀĭng Kna 20:27

Kyuadah kâo amâo hngah ôh hưn kơ diih jih klei Aê Diê čuăn.

I Kôrantô 11:23

Kyuadah kâo mă tŭ leh mơ̆ng Khua Yang klei kâo mtô leh mơh kơ diih: êjai mlam arăng lhiăr kơ Ñu, Khua Yang Yêsu mă kpŭng.

I Kôrantô 4:4

Kâo amâo ƀuh ôh sa mta klei soh hlăm kâo, ƀiădah amâo djŏ kyua klei anăn ôh kâo mâo leh klei yap kpă. Khua Yang yơh jing Pô phat kđi kâo.