Klei Yap 8:22 - Klei Aê Diê Blŭ 2015

²² Leh klei anăn phung Lêwi mŭt mă bruă diñu hlăm sang čhiăm klei bi kƀĭn đru Y-Arôn leh anăn phung anak êkei ñu; tui si Yêhôwa mtă leh kơ Y-Môis djŏ kơ phung Lêwi, snăn arăng ngă hŏng diñu.

Klei Yap 8:22 Iomraidhean Croise

II Klei Yăl Dliê 30:27

Phung khua ngă yang leh anăn phung Lêwi kgŭ dơ̆ng hơêč hmưi kơ phung ƀuôn sang. Aê Diê hmư̆ asăp diñu, leh anăn klei diñu wah lač truh kơ anôk doh jăk Yêhôwa hlăm adiê.

II Klei Yăl Dliê 31:2

Y-Hêsêkia lŏ bi mbha lu êpul phung khua ngă yang leh anăn phung Lêwi, grăp êpul tui si bruă diñu, phung khua ngă yang leh anăn phung Lêwi kơ bruă mnơ̆ng myơr čuh leh anăn mnơ̆ng myơr kơ klei êđăp ênang, čiăng mă bruă hlăm ƀăng jang anôk wăl Yêhôwa, čiăng myơr klei bi mni leh anăn klei hơêč hmưi.

Klei Kbiă 12:50

Jih jang phung ƀuôn sang Israel ngă snăn, djŏ tui si Yêhôwa mtă leh kơ Y-Môis leh anăn Y-Arôn.

Klei Yap 1:50

ƀiădah jao kơ phung Lêwi kiă sang čhiăm klei bi mguôp, jih jang mnơ̆ng yua hlăm sang čhiăm, leh anăn jih jang mnơ̆ng pioh kơ sang čhiăm anăn. Diñu srăng kkung sang čhiăm anăn leh anăn jih jang mnơ̆ng yua kơ sang čhiăm anăn, leh anăn diñu srăng mă bruă hlăm gơ̆ leh anăn dôk jŭm dar sang čhiăm.

Klei Yap 8:15

Leh klei anăn phung Lêwi srăng mŭt mă bruă hlăm sang čhiăm klei bi kƀĭn, tơdah ih bi doh diñu leh, leh anăn myơr diñu jing mnơ̆ng myơr hdai.

Klei Yap 8:21

Phung Lêwi bi doh diñu pô kơ klei soh, leh anăn boh čhiăm ao diñu; Y-Arôn myơr diñu jing mnơ̆ng myơr hdai ti anăp Yêhôwa, leh anăn Y-Arôn ngă klei bi doh klei soh diñu čiăng bi doh diñu.

Klei Yap 8:23

Yêhôwa lač kơ Y-Môis,