Klei Yap 8:18 - Klei Aê Diê Blŭ 2015

¹⁸ Leh anăn Kâo mă leh phung Lêwi hrô kơ jih jang phung anak kkiêng tal êlâo mơ̆ng phung ƀuôn sang Israel.

Klei Yap 8:18 Iomraidhean Croise

Klei Mphŭn Dơ̆ng 48:14

Y-Israel yơr kngan hnuă ñu leh anăn ênă ti boh kŏ Y-Êphraim adei mda. Leh anăn ñu ênă kngan điâo ñu ti boh kŏ Y-Manasê, tui si ñu čiăng, kyuadah Y-Manasê jing anak kkiêng tal êlâo.

Klei Yap 3:12

“Nĕ anei, Kâo mă leh phung Lêwi mơ̆ng krah phung ƀuôn sang Israel hrô anôk jih jang anak kkiêng tal êlâo, phung anak kkiêng tal êlâo mơ̆ng phung ƀuôn sang Israel. Phung Lêwi srăng jing dŏ Kâo,

Klei Yap 3:9

Brei ih jao phung Lêwi kơ Y-Arôn leh anăn kơ phung anak êkei ñu; kâo jao jih digơ̆ kơ ñu mơ̆ng krah phung ƀuôn sang Israel.

Klei Yap 8:17

Kyuadah jih jang phung anak kkiêng tal êlâo hlăm phung ƀuôn sang Israel jing dŏ Kâo, mnuih wăt hlô mnơ̆ng; hlăm hruê Kâo bi mdjiê leh jih jang phung anak kkiêng tal êlâo hlăm čar Êjip, Kâo pioh brei leh diñu kơ Kâo pô.

Klei Yap 8:19

Leh anăn Kâo brei leh phung Lêwi jing mnơ̆ng brei kơ Y-Arôn leh anăn kơ phung anak êkei ñu mơ̆ng krah phung ƀuôn sang Israel, ngă bruă kơ phung ƀuôn sang Israel ti sang čhiăm klei bi kƀĭn, leh anăn ngă klei bi doh klei soh phung ƀuôn sang Israel, čiăng amâo mâo ôh klei truh jhat ti krah phung ƀuôn sang Israel tơdah phung ƀuôn sang Israel nao giăm adŭ doh jăk.”