Klei Yap 8:17 - Klei Aê Diê Blŭ 2015

¹⁷ Kyuadah jih jang phung anak kkiêng tal êlâo hlăm phung ƀuôn sang Israel jing dŏ Kâo, mnuih wăt hlô mnơ̆ng; hlăm hruê Kâo bi mdjiê leh jih jang phung anak kkiêng tal êlâo hlăm čar Êjip, Kâo pioh brei leh diñu kơ Kâo pô.

Klei Yap 8:17 Iomraidhean Croise

Klei Mmuñ Hđăp 105:36

Yêhôwa bi mdjiê jih jang anak êkei kkiêng tal êlâo hlăm čar diñu, boh hlâo hlang jih klei ktang diñu.

Klei Mmuñ Hđăp 135:8

Ñu yơh čăm bi mdjiê phung anak êkei kkiêng tal êlâo hlăm čar Êjip, wăt mnuih leh anăn hlô mnơ̆ng.

Klei Mmuñ Hđăp 78:51

Ñu bi mdjiê jih jang anak êkei kkiêng tal êlâo hlăm čar Êjip, jing phŭn găp djuê digơ̆ hlăm sang čhiăm Y-Čam.

Klei Kbiă 12:29

Ti krah mlam Yêhôwa bi mdjiê jih jang phung anak khua hlăm čar Êjip, dơ̆ng mơ̆ng anak khua Pharaôn dôk gŭ ti jhưng mtao truh kơ anak khua phung mnă hlăm war mnă, wăt jih jang êđai khua hlô mnơ̆ng rông.

Klei Kbiă 13:2

“Brei ih pioh brei kơ Kâo jih jang anak êkei khua. Jih jang anak khua hlăm phung anak êkei Israel leh anăn jih jang êđai knô tal êlâo hlăm mnơ̆ng rông jing dŏ Kâo.”

Klei Kbiă 29:44

Kâo srăng pioh brei sang čhiăm klei bi kƀĭn leh anăn knưl. Kâo srăng pioh brei msĕ mơh Y-Arôn leh anăn phung anak êkei ñu, čiăng kơ diñu mă bruă kơ Kâo, jing phung khua ngă yang.

Y-Êsêkiêl 20:12

Leh anăn Kâo brei kơ diñu hruê sabat Kâo jing sa klei bi knăl hdơ̆ng Kâo hŏng diñu, čiăng kơ diñu thâo kơ Kâo gơ̆ Yêhôwa pioh brei diñu jing doh jăk.

Bruă Lêwi 27:26

Ƀiădah êđai tal êlâo mơ̆ng hlô mnơ̆ng diih jing leh dŏ Yêhôwa kyua gơ̆ jing êđai tal êlâo, amâo mâo pô dưi pioh brei gơ̆ ôh; thâodah êmô amâodah biăp, gơ̆ jing dŏ Yêhôwa.

Klei Yap 3:13

kyuadah jih jang anak kkiêng tal êlâo jing dŏ Kâo; ti hruê Kâo bi mdjiê jih jang anak kkiêng tal êlâo hlăm čar Êjip, Kâo pioh brei kơ Kâo pô leh jih jang anak kkiêng tal êlâo hlăm Israel, wăt mơ̆ng mnuih leh anăn hlô mnơ̆ng. Diñu srăng jing dŏ Kâo; Kâo jing Yêhôwa.”

Klei Yap 8:18

Leh anăn Kâo mă leh phung Lêwi hrô kơ jih jang phung anak kkiêng tal êlâo mơ̆ng phung ƀuôn sang Israel.

Y-Luk 2:23

(tui si Y-Môis čih leh hlăm klei bhiăn Khua Yang, “Grăp čô anak êkei kkiêng êlâo hĭn arăng srăng pioh brei doh jăk kơ Khua Yang”)

Y-Yôhan 10:36

diih lač mơ̆ kơ Pô Ama pioh brei leh anăn tiŏ hriê leh kơ lăn ala, ‘Ih blŭ mgao hŏng Aê Diê,’ kyuadah Kâo lač, ‘Kâo jing Anak Aê Diê’?

Y-Yôhan 17:19

Leh anăn kyua diñu Kâo bi doh Kâo pô, čiăng kơ diñu msĕ mơh mâo klei bi doh hlăm klei sĭt nik.

Hêbrơ 10:29

Ya klei phat kđi ktang hĭn diih mĭn srăng năng truh kơ pô juă leh Anak Aê Diê, bi čhŏ êrah klei bi mguôp bi doh ñu leh, leh anăn dlao wač kơ Yang Mngăt Jăk klei pap?

Hêbrơ 11:28

Hŏng klei đăo ñu mkra klei ƀơ̆ng Knăm Klei Găn leh anăn klei hƀrah êrah, čiăng kơ Pô Bi Rai anak kkiêng tal êlâo amâo ngă ôh kơ phung Israel.

Y-Yakơ 1:18

Tui si klei Ñu pô čiăng, Ñu lŏ bi kkiêng leh kơ drei hŏng klei Ñu blŭ sĭt nik, čiăng kơ drei jing boh hlâo hlang hlăm mnơ̆ng Ñu hrih.