Klei Yap 8:11 - Klei Aê Diê Blŭ 2015

¹¹ leh anăn Y-Arôn srăng myơr phung Lêwi ti anăp Yêhôwa jing mnơ̆ng myơr hdai mơ̆ng phung ƀuôn sang Israel, čiăng kơ diñu dưi mă bruă kơ Yêhôwa.

Klei Yap 8:11 Iomraidhean Croise

Klei Kbiă 29:24

Brei ih dưm jih mnơ̆ng anăn hlăm kngan Y-Arôn leh anăn hlăm kngan phung anak êkei ñu, leh anăn brei ih hdai digơ̆ jing mnơ̆ng myơr hdai ti anăp Yêhôwa.

Bruă Lêwi 7:30

ñu srăng djă ba hŏng kngan ñu pô mnơ̆ng myơr brei pui ƀơ̆ng kơ Yêhôwa; ñu srăng djă ba prăi mbĭt hŏng kdrêč đah da, čiăng kơ arăng dưi hdai kdrêč đah da jing mnơ̆ng myơr hdai ti anăp Yêhôwa.

Bruă Lêwi 7:34

Kyuadah kdrêč đah da arăng hdai leh anăn mra arăng myơr leh, Kâo mă mơ̆ng phung ƀuôn sang Israel mơ̆ng mnơ̆ng ngă yang diñu myơr kơ klei êđăp ênang, leh anăn Kâo brei digơ̆ kơ khua ngă yang Y-Arôn leh anăn phung anak êkei ñu, anăn jing sa klei bhiăn dôk nanao phung anak Israel srăng tui hlue.

Bruă Lêwi 8:27

Ñu dưm jih jang mnơ̆ng anăn hlăm kngan Y-Arôn leh anăn hlăm kngan phung anak êkei ñu, leh anăn hdai digơ̆ jing sa mnơ̆ng myơr hdai ti anăp Yêhôwa.

Bruă Lêwi 8:29

Y-Môis mă kdrêč đah da leh anăn hdai gơ̆ jing mnơ̆ng myơr hdai ti anăp Yêhôwa; gơ̆ jing kdrêč kơ Y-Môis, tui si Yêhôwa mtă leh kơ Y-Môis.

Klei Yap 6:20

Khua ngă yang srăng hdai dŏ anăn jing mnơ̆ng myơr hdai ti anăp Yêhôwa; dŏ anăn jing kdrêč doh jăk pioh kơ khua ngă yang, mbĭt hŏng đah da hdai leh, leh anăn pha myơr leh. Leh klei anăn mnuih Nasirit dưi mnăm kpiê.

Klei Mtô Mñă Klei Bhiăn 10:8

Hlăk anăn Yêhôwa pioh brei găp djuê Lêwi, čiăng kkung hip klei bi mguôp Yêhôwa, čiăng dôk ti anăp Yêhôwa, čiăng mă bruă kơ Ñu leh anăn čiăng hơêč hmưi hlăm anăn Ñu truh ti hruê anei.