Klei Yap 7:43 - Klei Aê Diê Blŭ 2015

⁴³ mnơ̆ng ñu myơr jing sa boh hlao prăk boh ktrŏ gơ̆ sa êtuh tlâo pluh sêkel, sa boh hmăm prăk boh ktrŏ gơ̆ kjuh pluh sêkel tui si sêkel hlăm adŭ doh jăk, jih dua dŏ anăn bŏ hŏng kpŭng ƀhĭ bi lŭk hŏng êa boh ôliwơ jing mnơ̆ng myơr kpŭng ƀhĭ;

Klei Yap 7:43 Iomraidhean Croise

Bruă Lêwi 14:10

Ti hruê tal sa păn ñu srăng mă dua drei êđai biăp knô amâo mâo anôk jhat ôh, leh anăn sa drei biăp ana mâo sa thŭn amâo mâo anôk jhat ôh, mnơ̆ng myơr kpŭng ƀhĭ tlâo kdrêč hlăm pluh êphah kpŭng ƀhĭ bi lŭk hŏng êa prăi, leh anăn sa hnơ̆ng êa boh ôliwơ.

Bruă Lêwi 2:5

Tơdah mnơ̆ng ih myơr jing mnơ̆ng myơr kpŭng ƀhĭ đeh hŏng gŏ čao, gơ̆ srăng jing kpŭng ƀhĭ amâo mâo kpei ôh bi lŭk leh hŏng êa boh ôliwơ.

Klei Yap 7:44

sa boh jam mah boh ktrŏ gơ̆ pluh sêkel bŏ hŏng mnơ̆ng ƀâo mngưi;

Y-Mathiơ 14:8

Leh amĭ ñu mtrŭt ñu, mniê anăn lač, “Ba bĕ kơ kâo tinei mtam boh kŏ Y-Yôhan Pô Ngă Ƀaptem dưm hlăm sa boh hlao.”

Hêbrơ 1:9

Ih khăp leh kơ klei kpă ênô, leh anăn bi êmut leh kơ klei soh. Kyuanăn Aê Diê, Aê Diê Ih, trôč leh êa ƀâo mngưi klei hơ̆k mơak kơ Ih kdlưn hĭn kơ phung ƀĭng găp Ih.”

I Y-Yôhan 2:27

Bi kơ diih, klei trôč êa ƀâo mngưi diih mă tŭ leh mơ̆ng Ñu dôk hlăm diih, leh anăn amâo yuôm ôh arăng lŏ mtô kơ diih. Msĕ si klei Ñu trôč êa ƀâo mngưi mtô kơ diih jih jang klei, leh anăn jing klei sĭt nik, amâo jing klei luar ôh, tui si Ñu mtô leh kơ diih, dôk bĕ hlăm Ñu.