Klei Yap 6:9 - Klei Aê Diê Blŭ 2015

⁹ Tơdah sa čô djiê bhiâo riâo rit giăm ñu, leh anăn ñu bi čhŏ boh kŏ ñu pioh brei leh, snăn ñu srăng kuêh ƀŭk ñu ti hruê klei bi doh ñu. Ñu srăng kuêh gơ̆ ti hruê tal kjuh.

Klei Yap 6:9 Iomraidhean Croise

Y-Êsêkiêl 44:27

Ti hruê ñu mŭt hlăm anôk doh jăk hlăm wăl ti lam čiăng mă bruă hlăm anôk doh jăk, brei ñu myơr mnơ̆ng myơr kyua klei soh kơ ñu pô, Yêhôwa Aê Diê lač.

Bruă Lêwi 14:8

Pô čiăng mâo klei bi doh srăng boh čhiăm ao ñu, leh anăn kuêh hĕ jih ƀŭk ñu, mnei hlăm êa, snăn ñu srăng jing doh. Leh klei anăn ñu dưi lŏ mŭt hlăm wăl, ƀiădah srăng dôk ti êngao sang čhiăm ñu êjai kjuh hruê.

Bruă Lêwi 14:9

Ti hruê tal kjuh ñu srăng kuêh jih ƀŭk ti boh kŏ ñu; ñu srăng kuêh jih mlâo kang leh anăn mlâo pŭk ală ñu, jih jang mlâo asei mlei ñu. Ñu srăng boh čhiăm ao ñu, leh anăn mnei hlăm êa, snăn ñu srăng jing doh.

Klei Yap 6:18

Mnuih Nasirê srăng kuêh boh kŏ ñu pioh brei leh kơ Yêhôwa ti ƀăng bhă sang čhiăm klei bi kƀĭn; ñu srăng mă ƀŭk mơ̆ng boh kŏ ñu pioh brei leh kơ Yêhôwa, leh anăn dưm gơ̆ ti dlông pui dôk ti gŭ mnơ̆ng ngă yang myơr kơ klei êđăp ênang.

Klei Yap 6:8

Êjai jih jang hruê klei pioh brei ñu pô, ñu jing doh jăk kơ Yêhôwa.

Bruă Phung Khua Ƀĭng Kna 18:18

Leh klei anăn Y-Pôl lŏ dôk sui ƀiă ti ƀuôn Kôrantô. Leh anăn ñu lui phung ayŏng adei, đĭ kŭmpăn nao kơ čar Siri, H'Prisil leh anăn Y-Akilas nao mbĭt, leh ñu kuêh ƀŭk ñu ti ƀuôn Sankrê, kyuadah ñu ngă leh klei ƀuăn.

Bruă Phung Khua Ƀĭng Kna 21:27

Tơdah giăm ruê̆ kjuh hruê anăn, phung Yuđa mơ̆ng čar Asi ƀuh leh Y-Pôl hlăm sang kkuh mpŭ, mčhur phung lu ngă klei bi rŭng leh anăn mă Y-Pôl,

Klei Mtô Mñă Klei Bhiăn 21:12

snăn brei diih atăt ba ñu kơ sang diih, leh anăn ñu srăng kuêh hĕ ƀŭk ñu leh anăn khăt kkâo kngan ñu.