Klei Yap 6:5 - Klei Aê Diê Blŭ 2015

⁵ Êjai jih jang hruê klei ñu ƀuăn kơ klei pioh brei ñu pô, ñu amâo dưi kuêh ôh ƀŭk ñu; tơl bi jih hruê ñu pioh brei ñu pô kơ Yêhôwa, ñu srăng jing doh jăk; brei ñu lui ƀŭk ñu dlông.

Klei Yap 6:5 Iomraidhean Croise

Y-Êsêkiêl 44:20

Diñu amâo dưi kuêh ƀŭk diñu amâodah lui ƀŭk diñu dlông ôh; diñu srăng knŏng kăp triêl ƀơ ƀiă ƀŭk diñu.

Klei Yap 6:4

Êjai jih hruê klei pioh brei ñu pô, ñu amâo dưi ƀơ̆ng ôh sa mnơ̆ng kbiă hriê mơ̆ng phŭn boh kriăk ƀâo, wăt asăr mjeh amâodah klĭt.

Bruă Phung Khua Ƀĭng Kna 18:18

Leh klei anăn Y-Pôl lŏ dôk sui ƀiă ti ƀuôn Kôrantô. Leh anăn ñu lui phung ayŏng adei, đĭ kŭmpăn nao kơ čar Siri, H'Prisil leh anăn Y-Akilas nao mbĭt, leh ñu kuêh ƀŭk ñu ti ƀuôn Sankrê, kyuadah ñu ngă leh klei ƀuăn.

Phung Khua Phat Kđi 13:5

kyuadah nĕ anei, ih srăng ba tian leh anăn kkiêng kơ sa čô anak êkei. Amâo dưi brei mta dhŏng kuêh boh kŏ ñu ôh, kyuadah anak anăn srăng jing sa čô Nasirê kơ Aê Diê mơ̆ng hruê ih kkiêng kơ ñu; leh anăn ñu srăng dơ̆ng bi mtlaih phung Israel mơ̆ng kngan phung Philistin.”

Phung Khua Phat Kđi 16:17

Gơ̆ hưn jih klei gơ̆ mĭn leh anăn lač kơ ñu, “Dhŏng ƀơ̆ng amâo tuôm kuêh ƀŭk ti boh kŏ kâo ôh; kyuadah kâo jing sa čô Nasirê pioh kơ Aê Diê dơ̆ng mơ̆ng tian amĭ kâo. Tơdah leh arăng kuêh ƀŭk kâo, hlăk anăn klei ktang kâo srăng kbiă, kâo srăng jing awăt leh anăn jing msĕ si mnuih mkăn.”

Phung Khua Phat Kđi 16:19

Ñu brei gơ̆ pĭt ti pha ñu, leh anăn ñu iêô sa čô êkei leh anăn brei pô anăn kuêh hĕ kjuh pha ƀŭk ti boh kŏ gơ̆. Leh anăn ñu dơ̆ng bi awăt gơ̆, klei ktang gơ̆ kbiă mơ̆ng gơ̆.

I Y-Samuel 1:11

Ñu blŭ klei ƀuăn leh anăn lač, “Ơ Yêhôwa kơ phung kahan, tơdah sĭt nik Ih srăng dlăng kơ klei knap mñai dĭng buăl mniê Ih leh anăn hdơr kơ kâo, leh anăn amâo wơr bĭt ôh dĭng buăl mniê Ih, ƀiădah srăng brei kơ dĭng buăl mniê Ih sa čô anak êkei, snăn kâo srăng brei gơ̆ kơ Yêhôwa jih jang hruê gơ̆ dôk hdĭp, leh anăn arăng amâo srăng kuêh ƀŭk gơ̆ ôh.”