Klei Yap 6:3 - Klei Aê Diê Blŭ 2015

³ ñu srăng kăm kpiê leh anăn êa kpiê mrâo djiêt. Ñu amâo dưi mnăm êa msăm mơ̆ng kpiê, kăn dưi mnăm êa msăm mơ̆ng kpiê. Ñu amâo dưi mnăm ôh djăp mta kpiê amâodah ƀơ̆ng boh kriăk ƀâo mrâo amâodah krô leh.

Klei Yap 6:3 Iomraidhean Croise

Bruă Lêwi 10:9

“Đăm ih mnăm ôh kpiê amâodah kpiê ktang mkăn, ih amâodah phung anak êkei ih mbĭt hŏng ih tơdah diih mŭt hlăm sang čhiăm klei bi kƀĭn, huĭdah diih srăng djiê. Klei anăn srăng jing sa klei bhiăn nanao hlăm jih jang ênuk diih.

Y-Amôs 2:11

Mơ̆ng phung anak êkei diih Kâo mjing leh phung khua pô hưn êlâo, leh anăn đa đa phung êkei hlăk ai Kâo mjing phung Nasirit. Amâo djŏ hĕ snăn, Ơ phung anak čô Israel?” Yêhôwa lač.

Y-Amôs 2:12

“Ƀiădah diih bi mnăm leh kpiê kơ phung Nasirit, leh anăn diih mtă leh kơ phung khua pô hưn êlâo, ‘Đăm diih hưn êlâo ôh.’

Klei Yap 6:4

Êjai jih hruê klei pioh brei ñu pô, ñu amâo dưi ƀơ̆ng ôh sa mnơ̆ng kbiă hriê mơ̆ng phŭn boh kriăk ƀâo, wăt asăr mjeh amâodah klĭt.

Y-Luk 1:15

Kyuadah gơ̆ srăng jing prŏng ti anăp Khua Yang. Gơ̆ amâo srăng mnăm ôh kpiê boh kriăk ƀâo amâodah kpiê ktang, leh anăn gơ̆ srăng bŏ hŏng Yang Mngăt Jăk dơ̆ng mơ̆ng tian amĭ gơ̆.

Y-Luk 21:34

“Ƀiădah răng bĕ kơ diih pô, huĭdah ai tiê diih jing ktrŏ hŏng klei huă ƀơ̆ng mnăm lu, leh anăn klei uêñ hnĭng kơ klei hdĭp anei, leh anăn hruê anăn truh kơ diih bhiâo riâo rit msĕ si jal.

Êphêsô 5:18

Đăm kpiê ruă ôh, kyuadah klei anăn bi mbŭk diih; ƀiădah brei diih bŏ hŏng Yang Mngăt Jăk.

I Têsalônik 5:22

brei diih hngah jih jang klei jhat.

I Y-Timôthê 5:23

Đăm lŏ mnăm knŏng êa ôh, ƀiădah mnăm ƀiă êa kpiê kyua êhŭng ih leh anăn kyua klei ih ruă jêñ jêñ.

Hêbrơ 9:10

Ƀiădah mnơ̆ng anăn knŏng blŭ djŏ kơ mnơ̆ng ƀơ̆ng huă, mnơ̆ng mnăm, leh anăn klei bi doh mdê mdê, klei bhiăn djŏ kơ kđeh tơl truh ênuk klei bi mlih mrâo.

Phung Khua Phat Kđi 13:14

Ñu amâo dưi ƀơ̆ng mnơ̆ng mơ̆ng phŭn boh kriăk ƀâo ôh, kăn brei ñu mnăm kpiê amâodah kpiê ktang rei, leh anăn đăm brei ñu ƀơ̆ng mnơ̆ng čhŏ ôh. Brei ñu ngă tui hlue jih klei kâo mtă leh kơ ñu.”

Phung Khua Phat Kđi 13:4

Kyuanăn răng bĕ, đăm mnăm kpiê amâodah kpiê ktang ôh, leh anăn đăm ƀơ̆ng mnơ̆ng čhŏ ôh,