Klei Yap 5:8 - Klei Aê Diê Blŭ 2015

⁸ Ƀiădah tơdah mnuih anăn tla amâo mâo găp djuê giăm dưi mă tŭ mnơ̆ng arăng tla wĭt kyua klei soh anăn ôh, mnơ̆ng tla wĭt anăn arăng srăng ba kơ Yêhôwa brei kơ khua ngă yang, lŏ thiăm sa drei biăp knô kơ klei bi doh klei soh, hŏng biăp anăn khua ngă yang srăng ngă klei bi doh klei soh kơ ñu.

Klei Yap 5:8 Iomraidhean Croise

II Bruă Mtao 12:16

Prăk arăng myơr kyua klei jing soh leh, leh anăn prăk myơr kyua klei soh, arăng amâo ba kơ sang Yêhôwa ôh; prăk anăn pioh kơ phung khua ngă yang.

Bruă Lêwi 5:16

Msĕ mơh brei gơ̆ lŏ bi wĭt kyua klei ngă amâo djŏ hŏng mnơ̆ng doh jăk, leh anăn srăng thiăm sa kdrêč hlăm êma, leh anăn brei kơ khua ngă yang. Leh anăn khua ngă yang srăng ngă klei bi doh klei soh gơ̆ hŏng biăp knô jing mnơ̆ng myơr kyua klei gao klei bhiăn, leh anăn gơ̆ srăng mâo klei pap brei.

Bruă Lêwi 6:5

amâodah kyua mnơ̆ng ñu kat asei leh hŏng klei luar, brei ñu lŏ bi wĭt gơ̆ ênŭm, leh anăn brei ñu lŏ thiăm sa kdrêč hlăm êma, leh anăn brei kơ pô gơ̆ hlăm hruê ñu myơr mnơ̆ng myơr kyua klei gao klei bhiăn.

Bruă Lêwi 7:7

Mnơ̆ng myơr kyua klei gao klei bhiăn jing msĕ si mnơ̆ng myơr kyua klei soh, mâo sa klei bhiăn kơ digơ̆; khua ngă yang pô ngă bruă klei bi doh kơ klei soh anăn srăng mâo mnơ̆ng myơr anăn.

Klei Yap 5:7

ñu srăng hưn klei soh ñu ngă leh; leh anăn ñu srăng lŏ tla wĭt ênŭm, lŏ thiăm kơ dŏ anăn sa kdrêč hlăm êma, leh anăn srăng jao mnơ̆ng anăn kơ pô ñu bi msoh leh.

Klei Yap 5:9

Jih jang mnơ̆ng myơr, jih jang mnơ̆ng doh jăk mơ̆ng phung ƀuôn sang Israel, mnơ̆ng diñu ba kơ khua ngă yang srăng jing dŏ gơ̆;