Klei Yap 5:27 - Klei Aê Diê Blŭ 2015

²⁷ Tơdah leh gơ̆ brei mniê anăn mnăm êa, tơdah mniê anăn bi čhŏ leh ñu pô leh anăn amâo dôk sĭt suôr ôh hŏng ung ñu, êa bi truh klei tăm pah srăng mŭt hlăm ñu leh anăn mjing klei ruă kjham; tian ñu srăng bŏk, sang anak ñu srăng kdjuôt, leh anăn mniê anăn srăng jing mnơ̆ng tăm pah ti krah phung ƀuôn sang ñu.

Klei Yap 5:27 Iomraidhean Croise

Y-Yêrêmi 42:18

Kyuadah snei Yêhôwa kơ phung kahan Aê Diê Israel lač: ‘Msĕ si Kâo tuh leh klei Kâo ngêñ leh anăn ăl kơ phung dôk hlăm ƀuôn Yêrusalem, snăn mơh Kâo srăng tuh klei Kâo ngêñ kơ diih tơdah diih nao kơ čar Êjip. Diih srăng jing msĕ si hbâo, mnơ̆ng bi huĭ arăng, mnơ̆ng arăng tăm pah, leh anăn mnơ̆ng arăng djă djik djak. Diih amâo srăng lŏ ƀuh anôk anei ôh.’

Y-Yêrêmi 29:18

Kâo srăng tiŏ diñu hŏng đao gưm, klei ư̆ êpa, leh anăn klei ruă tưp, leh anăn Kâo srăng mjing diñu sa mnơ̆ng bi huĭ kơ jih jang phung ƀuôn ala mtao ti lăn ala, brei diñu jing sa mnơ̆ng arăng tăm pah, sa mnơ̆ng bi krưp, sa mnơ̆ng arăng djă djik djak, leh anăn klei arăng ƀuah ti krah jih jang găp djuê mnuih Kâo suôt diñu leh,

Y-Sakari 8:13

Msĕ si diih jing leh klei tăm pah ti krah phung găp djuê mnuih, Ơ sang Yuđa leh anăn sang Israel, msĕ snăn mơh Kâo srăng bi mtlaih diih, leh anăn diih srăng jing sa klei jăk jĭn. Đăm huĭ ôh, ƀiădah brei kngan diih jing ktang.”

Y-Yêrêmi 44:12

Kâo srăng mă phung Yuđa ăt dôk, phung ruah leh čiăng nao dôk ti čar Êjip, leh anăn srăng bi luč diñu; diñu srăng djiê hlăm čar Êjip; diñu srăng djiê hŏng đao gưm leh anăn hŏng klei ư̆ êpa, mơ̆ng pô điêt truh kơ pô prŏng, diñu srăng djiê hŏng đao gưm leh anăn klei ư̆ êpa; diñu srăng jing msĕ si hbâo, mnơ̆ng bi huĭ arăng, mnơ̆ng arăng tăm pah, leh anăn mnơ̆ng arăng djă djik djak.

Y-Yêrêmi 29:22

Kyua diñu jih jang phung arăng mă mđuĕ mơ̆ng čar Yuđa dôk hlăm čar Ƀaƀilôn srăng yua klei tăm pah anei, lač, ‘Yêhôwa brei ih jing msĕ si Y-Sêdêkia leh anăn Y-Ahap mtao Ƀaƀilôn ghang leh hlăm pui.’

Y-Yêrêmi 24:9

Kâo srăng mjing diñu klei bi huĭ kơ jih jang ƀuôn ala mtao ti lăn ala, brei jing sa klei hêñ, klei arăng djă djik djak, klei mưč, leh anăn klei tăm pah hlăm jih jang anôk Kâo srăng suôt diñu.

Y-Êsai 65:15

Phung Kâo ruah leh srăng yua anăn diih čiăng tăm pah kơ arăng, leh anăn Khua Yang Yêhôwa srăng bi mdjiê diih; ƀiădah Ñu srăng pia phung dĭng buăl Ñu hŏng anăn mkăn.

Klei Mtô Mñă Klei Bhiăn 28:37

Leh anăn diih srăng jing sa mnơ̆ng bi huĭ, sa klei bi hriêng, sa mnơ̆ng arăng djă djik djak ti krah jih jang phung ƀuôn sang Yêhôwa srăng atăt ba diih.

II Y-Pêtrôs 2:10

boh nik nak kơ phung tui klei kđeh čiăng čhŏ mrŏ, leh anăn bi êmut kơ klei phung khua kiă kriê. Phung anăn jhŏng leh anăn mgao, amâo huĭ ôh dlao wač kơ phung guh kơang,

II Kôrantô 2:16

Kơ phung dôk rai tuč, hmei jing mnâo mơ̆ng klei djiê brei klei djiê; kơ phung tlaih leh, hmei jing mnâo klei hdĭp brei klei hdĭp. Hlei năng dưi ngă bruă anăn?

Hră Y-Pôl Mơĭt kơ Phung Rôm 6:21

Ya boh tŭ dưn diih mâo mơ̆ng klei diih ngă anăn bi hêñ diih leh? Klei knhal tuč kơ klei anăn jing klei djiê.

Khua Pô Mtô 7:26

Kâo ƀuh leh mâo klei ênguôt ktrŏ hĭn kơ klei djiê, jing sa čô mniê mâo ai tiê mnêč leh anăn thâo mplư, leh anăn kngan ñu jing sa klei săng đai; pô bi mơak kơ Aê Diê dưi tlaih mơ̆ng ñu, ƀiădah ñu dưi mâo mă mnuih soh.

Klei Yap 5:20

Ƀiădah tơdah ih klah đuĕ wăt tơdah ih dôk ti gŭ klei dưi ung ih, leh anăn tơdah ih bi čhŏ hĕ ih pô, leh anăn sa čô êkei mkăn amâo djŏ ung ih ôh đih leh hŏng ih,”

Klei Yap 5:28

Ƀiădah tơdah mniê anăn amâo tuôm bi čhŏ ñu pô ôh leh anăn ñu jing êngeh, snăn ñu srăng jing êngiê, leh anăn ñu srăng kkiêng kơ phung anak.

Klei Mmuñ Hđăp 109:18

Ñu bi hơô ñu pô hŏng klei tăm pah msĕ si čhiăm ao ñu; klei tăm pah mŭt asei mlei ñu msĕ si êa, msĕ si êa prăi hlăm klang ñu.