Klei Yap 5:25 - Klei Aê Diê Blŭ 2015

²⁵ Khua ngă yang srăng mă mơ̆ng kngan mniê anăn mnơ̆ng myơr kpŭng ƀhĭ kơ klei trih, leh anăn srăng hdai mnơ̆ng myơr kpŭng ƀhĭ ti anăp Yêhôwa leh anăn ba gơ̆ kơ knưl.

Klei Yap 5:25 Iomraidhean Croise

Klei Kbiă 29:24

Brei ih dưm jih mnơ̆ng anăn hlăm kngan Y-Arôn leh anăn hlăm kngan phung anak êkei ñu, leh anăn brei ih hdai digơ̆ jing mnơ̆ng myơr hdai ti anăp Yêhôwa.

Bruă Lêwi 8:27

Ñu dưm jih jang mnơ̆ng anăn hlăm kngan Y-Arôn leh anăn hlăm kngan phung anak êkei ñu, leh anăn hdai digơ̆ jing sa mnơ̆ng myơr hdai ti anăp Yêhôwa.

Klei Yap 5:15

hlăk anăn êkei anăn srăng atăt mô̆ gơ̆ kơ khua ngă yang, leh anăn djă ba mnơ̆ng myơr kyua ñu tui si klei bhiăn, sa kdrêč hlăm pluh êphah kpŭng ƀhĭ mdiê ôrgơ; gơ̆ amâo srăng hlĭng êa boh ôliwơ leh anăn mnơ̆ng ƀâo mngưi ti dlông dŏ anăn ôh, kyuadah dŏ anăn jing mnơ̆ng myơr kpŭng ƀhĭ kơ klei trih, mnơ̆ng myơr kpŭng ƀhĭ kơ klei bi hdơr, čiăng bi hdơr kơ klei wê.

Klei Yap 5:18

Khua ngă yang srăng brei mniê dôk dơ̆ng ti anăp Yêhôwa, ruh hĕ ƀŭk ti boh kŏ mniê, leh anăn dưm ti kngan mniê mnơ̆ng myơr kpŭng ƀhĭ kơ klei bi hdơr, anăn jing mnơ̆ng myơr kpŭng ƀhĭ kơ klei trih. Khua ngă yang srăng djă hlăm kngan ñu êa klei phĭ bi truh klei tăm pah.

Klei Yap 5:24

leh anăn ñu srăng brei mniê anăn mnăm êa klei phĭ bi truh klei tăm pah, leh anăn êa bi truh klei tăm pah srăng mŭt hlăm ñu brei mâo klei ruă kjham.

Klei Yap 5:26

Khua ngă yang srăng mă sa kpăt mnơ̆ng myơr kpŭng ƀhĭ, jing kdrêč bi hdơr, leh anăn čuh gơ̆ ti dlông knưl; leh klei anăn ñu srăng brei mniê mnăm êa anăn.