Klei Yap 5:19 - Klei Aê Diê Blŭ 2015

¹⁹ Khua ngă yang srăng brei mniê anăn kat asei leh anăn lač kơ ñu, “Tơdah amâo mâo sa čô êkei tuôm đih leh hŏng ih ôh, leh anăn tơdah ih amâo tuôm klah đuĕ ngă klei čhŏ ôh êjai ih dôk ti gŭ klei dưi ung ih, ih srăng jing êngiê kơ êa klei phĭ anei bi truh klei tăm pah.

Klei Yap 5:19 Iomraidhean Croise

Klei Yap 5:12

“Lač bĕ kơ phung ƀuôn sang Israel, ‘Tơdah mô̆ sa čô êkei klah đuĕ leh anăn amâo dôk sĭt suôr ôh hŏng gơ̆,

Klei Yap 5:18

Khua ngă yang srăng brei mniê dôk dơ̆ng ti anăp Yêhôwa, ruh hĕ ƀŭk ti boh kŏ mniê, leh anăn dưm ti kngan mniê mnơ̆ng myơr kpŭng ƀhĭ kơ klei bi hdơr, anăn jing mnơ̆ng myơr kpŭng ƀhĭ kơ klei trih. Khua ngă yang srăng djă hlăm kngan ñu êa klei phĭ bi truh klei tăm pah.

Klei Yap 5:28

Ƀiădah tơdah mniê anăn amâo tuôm bi čhŏ ñu pô ôh leh anăn ñu jing êngeh, snăn ñu srăng jing êngiê, leh anăn ñu srăng kkiêng kơ phung anak.

Y-Mathiơ 26:63

Ƀiădah Yêsu dôk ñăt. Khua ngă yang prŏng lač kơ Ñu, “Kâo mtă kơ ih hŏng anăn Aê Diê hdĭp, hưn bĕ kơ hmei djŏ mơ̆ ih jing Yang Krist, Anak Aê Diê?”

Hră Y-Pôl Mơĭt kơ Phung Rôm 7:2

Snăn tui si klei bhiăn, mniê đuôm hŏng ung ñu êjai gơ̆ dôk hdĭp; ƀiădah tơdah ung ñu djiê, ñu tlaih leh mơ̆ng klei bhiăn bi đuôm ñu hŏng ung.