Klei Yap 5:16 - Klei Aê Diê Blŭ 2015

¹⁶ Khua ngă yang srăng brei mniê anăn nao giăm leh anăn brei ñu dôk dơ̆ng ti anăp Yêhôwa.

Klei Yap 5:16 Iomraidhean Croise

Y-Yêrêmi 17:10

Kâo jing Yêhôwa Pô kăp ksiêm klei mĭn leh anăn lông dlăng ai tiê arăng, čiăng brei kơ grăp čô tui si êlan ñu êbat, tui si boh mơ̆ng klei ñu ngă.”

Bruă Lêwi 1:3

Tơdah mnơ̆ng ñu myơr jing sa mnơ̆ng myơr čuh hŏng êmô, brei ñu myơr sa drei knô amâo mâo anôk jhat ôh. Brei ñu myơr gơ̆ ti ƀăng bhă sang čhiăm klei bi kƀĭn, čiăng ñu dưi mâo klei tŭ ti anăp Yêhôwa.

Klei Yap 5:15

hlăk anăn êkei anăn srăng atăt mô̆ gơ̆ kơ khua ngă yang, leh anăn djă ba mnơ̆ng myơr kyua ñu tui si klei bhiăn, sa kdrêč hlăm pluh êphah kpŭng ƀhĭ mdiê ôrgơ; gơ̆ amâo srăng hlĭng êa boh ôliwơ leh anăn mnơ̆ng ƀâo mngưi ti dlông dŏ anăn ôh, kyuadah dŏ anăn jing mnơ̆ng myơr kpŭng ƀhĭ kơ klei trih, mnơ̆ng myơr kpŭng ƀhĭ kơ klei bi hdơr, čiăng bi hdơr kơ klei wê.

Klei Yap 5:17

Khua ngă yang srăng mă êa doh jăk hlăm sa boh čeh lăn, leh anăn mă đa đa ƀruih mơ̆ng tria hlăm sang čhiăm leh anăn dưm gơ̆ hlăm êa.

Hêbrơ 13:4

Brei jih jang mnuih mpŭ kơ klei bi dôk ung mô̆, đăm bi čhŏ jhưng pĭt diih ôh, kyuadah Aê Diê srăng phat kđi phung knhông leh anăn phung tlĕ piu.