Klei Yap 4:5 - Klei Aê Diê Blŭ 2015

⁵ Tơdah phung ƀuôn sang đuĕ nao, Y-Arôn leh anăn phung anak êkei ñu srăng mŭt ruh hĕ čhiăm păng leh anăn guôm hip klei bi mguôp hŏng dŏ anăn.

Klei Yap 4:5 Iomraidhean Croise

I Klei Yăl Dliê 15:15

Phung Lêwi kkung hip Aê Diê ti mra diñu hŏng giê, tui si klei Yêhôwa blŭ mtă leh kơ Y-Môis.

I Klei Yăl Dliê 23:26

Snăn phung Lêwi amâo lŏ kkung ôh sang čhiăm amâodah mnơ̆ng pioh kơ bruă hlăm sang čhiăm” —

II Klei Yăl Dliê 3:14

Leh anăn ñu ngă čhiăm păng hŏng čhiăm piơk leh anăn hrah jŭ, leh anăn hrah huč hŏng kbuă điêt aruăt, leh anăn đêč rup čêrubim ti čhiăm anăn.

Klei Kbiă 36:35

Ñu ngă sa blah čhiăm păng hŏng čhiăm piơk, hrah jŭ, hrah huč, leh anăn kbuă điêt aruăt, mâo rup čêrubim hŏng klei mbruă snăk.

Klei Kbiă 40:3

Brei ih dưm tinăn hip klei bi mguôp, leh anăn gang hip hŏng čhiăm păng.

Klei Kbiă 40:5

Brei ih dưm knưl mah pioh čuh mnơ̆ng ƀâo mngưi ti anăp hip klei bi mguôp, leh anăn yuôl čhiăm păng ti ƀăng bhă mŭt sang čhiăm.

Y-Êsai 25:7

Ti čư̆ anei Ñu srăng bi rai mnơ̆ng guôm jih jang phung ƀuôn sang, čhiăm anăn guôm jih jang phung găp djuê mnuih.

Bruă Lêwi 16:2

Yêhôwa lač kơ Y-Môis, “Lač bĕ kơ Y-Arôn ayŏng ih, đăm brei ñu mŭt tui si ñu čiăng ôh hlăm anôk doh jăk hĭn tĭng lam čhiăm păng ti anăp kđhăp klei pap brei ti dlông hip klei bi mguôp, huĭdah ñu djiê; kyuadah Kâo srăng bi êdah hlăm knam ti kđhăp klei pap brei.

Klei Yap 10:14

Čhiăm gru kơ phung êkei Yuđa đuĕ nao êlâo tui si phung diñu; Y-Nahsôn anak êkei Y-Aminadap jing khua kơ phung kahan diñu.

Klei Yap 4:15

Tơdah leh Y-Arôn leh anăn phung anak êkei ñu guôm adŭ doh jăk leh anăn jih jang mnơ̆ng yua kơ adŭ doh jăk, êjai phung ƀuôn sang đuĕ nao, phung anak êkei Y-Kôhat srăng hriê kkung dŏ anei, ƀiădah diñu amâo dưi ruêh ôh mnơ̆ng doh jăk, huĭdah diñu djiê. Anăn jing mnơ̆ng hlăm sang čhiăm klei bi kƀĭn phung anak êkei Y-Kôhat srăng kkung.

Klei Yap 4:4

Anei bruă jao phung anak êkei Y-Kôhat hlăm sang čhiăm klei bi kƀĭn: djŏ kơ mnơ̆ng doh jăk hĭn.

Klei Yap 7:9

Ƀiădah ñu amâo brei ôh kơ phung anak êkei Y-Kôhat, kyuadah arăng jao kơ diñu răng kriê leh anăn kkung ti mra mnơ̆ng doh jăk.

Y-Mathiơ 27:51

Leh anăn nĕ anei, čhiăm păng hlăm Sang Kkuh Mpŭ kơhiêk mdua mơ̆ng dlông truh ti gŭ; lăn ktư̆ yơ̆ng, lu boh tâo kđang;

Klei Mtô Mñă Klei Bhiăn 31:9

Y-Môis čih leh klei bhiăn anei leh anăn jao kơ phung khua ngă yang phung anak êkei Lêwi, phung kkung hip klei bi mguôp Yêhôwa, leh anăn kơ jih jang phung khua mduôn Israel.

Hêbrơ 10:20

hŏng êlan mrâo leh anăn hdĭp Ñu pŏk leh kơ drei găn čhiăm păng, čiăng lač hŏng êlan asei mlei Ñu pô,

Hêbrơ 9:3

Ti tluôn čhiăm păng tal dua mâo adŭ arăng pia Adŭ Doh Jăk Hĭn,

I Y-Samuel 6:19

Yêhôwa bi mdjiê đa đa phung êkei ƀuôn Bet-Sêmes kyuadah diñu iêp dlăng hlăm lam hip Yêhôwa. Ñu bi mdjiê kjuh pluh čô digơ̆. Leh anăn phung ƀuôn sang čŏk hia, kyuadah Yêhôwa bi mdjiê lu čô ti krah phung mnuih ƀuôn sang.