Klei Yap 4:32 - Klei Aê Diê Blŭ 2015

³² leh anăn kmeh wăl jŭm dar mbĭt hŏng mdhô̆, giê knơ̆ng, klei kă, mbĭt hŏng jih jang dŏ digơ̆ leh anăn jih jang mnơ̆ng yua kơ digơ̆. Brei ih hưn anăn dŏ dô ih jao diñu kkung.

Klei Yap 4:32 Iomraidhean Croise

I Klei Yăl Dliê 9:29

Đa đa phung mkăn arăng mdưm bruă kiă jhưng mdhô̆, leh anăn kiă jih jang čhiên mngan doh jăk, wăt kpŭng ƀhĭ, kpiê, êa boh ôliwơ, mnơ̆ng ƀâo mngưi, leh anăn êsŭn êya.

Klei Kbiă 25:9

Brei diih ngă sang čhiăm leh anăn mnơ̆ng yua tinăn tui si rup Kâo srăng ktrâo brei kơ ih.”

Klei Kbiă 27:9

“Brei ih ngă wăl sang čhiăm. Tĭng dhŭng wăl srăng mâo čhiăm hŏng kbuă điêt aruăt, boh găn diñu sa êtuh heh kơ sa nah.

Klei Kbiă 38:17

Mdhô̆ kơ kmeh arăng ngă hŏng kông, knuăk kmeh leh anăn klei hyuă arăng ngă hŏng prăk, leh anăn luôm êdŭk hŏng prăk. Jih jang kmeh anôk wăl mâo klei hyuă ngă hŏng prăk.

Klei Kbiă 38:21

Nĕ anei ênoh tĭng mnơ̆ng yua kơ sang čhiăm, čiăng lač sang čhiăm klei bi mguôp, arăng yap leh tui si klei Y-Môis mtă, pioh kơ bruă phung Lêwi răng kriê, tui si Y-Ithamar anak êkei khua ngă yang Y-Arôn gai.

Klei Yap 3:36

Bruă jao kơ phung anak êkei Y-Mêrari jing bruă hŏng mdhă sang čhiăm, giê kal, kmeh, mdhô̆, leh anăn jih jang mnơ̆ng yua kơ diñu; jih bruă djŏ kơ mnơ̆ng anei;

Klei Yap 3:8

Digơ̆ srăng mâo bruă hŏng jih jang mnơ̆ng yua hlăm sang čhiăm klei bi kƀĭn, leh anăn đru bruă phung ƀuôn sang Israel êjai digơ̆ mă bruă ti sang čhiăm.

Klei Yap 4:31

Anei mnơ̆ng arăng jao kơ diñu kkung, jing jih jang bruă diñu hlăm sang čhiăm klei bi kƀĭn: mdhă sang čhiăm, mbĭt hŏng giê kkung, kmeh, leh anăn mdhô̆ gơ̆,

Klei Yap 4:33

Anăn jing bruă kơ phung găp djuê anak êkei Y-Mêrari, jih jang bruă diñu hlăm sang čhiăm klei bi kƀĭn, tui si Y-Ithamar anak êkei khua ngă yang Y-Arôn gai.”

Klei Yap 4:49

Tui si klei Yêhôwa mtă kơ Y-Môis, arăng mdưm diñu, grăp čô kơ bruă diñu pô pioh yua leh anăn kkung dŏ dô; snăn arăng čih yap leh diñu tui si klei Yêhôwa mtă leh kơ Y-Môis.

Klei Yap 7:1

Ti hruê leh Y-Môis mdơ̆ng sang čhiăm, trôč leh êa ƀâo mngưi leh anăn pioh brei gơ̆ mbĭt hŏng jih jang mnơ̆ng yua kơ gơ̆, trôč leh êa ƀâo mngưi leh anăn pioh brei knưl mbĭt hŏng jih jang mnơ̆ng yua kơ gơ̆,

Klei Yap 7:8

Ñu brei pă boh êdeh leh anăn sa păn drei êmô kơ phung anak êkei Y-Mêrari tui si bruă diñu, ti gŭ klei Y-Ithamar anak êkei khua ngă yang Y-Arôn kiă kriê.