Klei Yap 4:15 - Klei Aê Diê Blŭ 2015

¹⁵ Tơdah leh Y-Arôn leh anăn phung anak êkei ñu guôm adŭ doh jăk leh anăn jih jang mnơ̆ng yua kơ adŭ doh jăk, êjai phung ƀuôn sang đuĕ nao, phung anak êkei Y-Kôhat srăng hriê kkung dŏ anei, ƀiădah diñu amâo dưi ruêh ôh mnơ̆ng doh jăk, huĭdah diñu djiê. Anăn jing mnơ̆ng hlăm sang čhiăm klei bi kƀĭn phung anak êkei Y-Kôhat srăng kkung.

Klei Yap 4:15 Iomraidhean Croise

II Y-Samuel 15:24

Y-Abiathar truh leh anăn Y-Sadôk truh msĕ mơh, mbĭt hŏng jih jang phung Lêwi kkung hip klei Aê Diê bi mguôp. Diñu mtrŭn hip Aê Diê ti gŭ, tơl jih jang phung ƀuôn sang kbiă leh mơ̆ng ƀuôn.

II Y-Samuel 6:13

Tơdah phung kkung hip Yêhôwa čhuang leh năm knhuang, ñu ngă yang hŏng sa drei êmô leh anăn sa drei êđai êmô êmŏng.

I Bruă Mtao 8:3

Jih jang phung khua mduôn Israel truh, leh anăn phung khua ngă yang kkung hip.

I Klei Yăl Dliê 15:15

Phung Lêwi kkung hip Aê Diê ti mra diñu hŏng giê, tui si klei Yêhôwa blŭ mtă leh kơ Y-Môis.

I Klei Yăl Dliê 15:2

Leh anăn Y-Đawit lač, “Amâo mâo phung mkăn ôh, knŏng phung Lêwi dưi kkung hip Aê Diê, kyuadah Yêhôwa ruah leh diñu brei kkung hip Yêhôwa leh anăn mă bruă kơ ñu hlŏng lar.”

I Klei Yăl Dliê 23:26

Snăn phung Lêwi amâo lŏ kkung ôh sang čhiăm amâodah mnơ̆ng pioh kơ bruă hlăm sang čhiăm” —

Klei Kbiă 19:12

Brei ih bi kčah knông jŭm dar čư̆ kơ phung ƀuôn sang. Brei ih lač, ‘Răng bĕ diih, đăm đĭ ti dlông čư̆ ôh, kăn ruêh knông čư̆ rei. Hlei pô ruêh čư̆ arăng srăng bi djiê.

Klei Kbiă 19:21

Yêhôwa lač kơ Y-Môis, “Trŭn nao bĕ kơ phung ƀuôn sang brei diñu răng, huĭdah diñu hung êgao anôk bi kčah čiăng dlăng kơ Yêhôwa, leh anăn lu hlăm phung diñu srăng djiê.

Klei Kbiă 27:7

Arăng srăng hrô giê kkung hlăm ƀăng kwang, leh anăn giê kkung srăng dôk tĭng dua nah djiêô knưl čiăng yua kkung gơ̆.

Bruă Lêwi 16:13

leh anăn dưm mnơ̆ng ƀâo mngưi ti dlông pui ti anăp Yêhôwa, čiăng kơ săp mnơ̆ng ƀâo mngưi dưi guôm kđhăp klei pap brei ti dlông mdhă klei hưn, huĭdah ñu djiê.

Klei Yap 1:50

ƀiădah jao kơ phung Lêwi kiă sang čhiăm klei bi mguôp, jih jang mnơ̆ng yua hlăm sang čhiăm, leh anăn jih jang mnơ̆ng pioh kơ sang čhiăm anăn. Diñu srăng kkung sang čhiăm anăn leh anăn jih jang mnơ̆ng yua kơ sang čhiăm anăn, leh anăn diñu srăng mă bruă hlăm gơ̆ leh anăn dôk jŭm dar sang čhiăm.

Klei Yap 1:51

Tơdah sang čhiăm đuĕ nao, phung Lêwi srăng ruh gơ̆; tơdah truh anôk lŏ mdơ̆ng sang čhiăm, phung Lêwi srăng mdơ̆ng gơ̆. Tơdah pô mkăn hriê giăm, brei arăng bi mdjiê ñu.

Klei Yap 10:21

Leh anăn phung Kôhat đuĕ nao, kkung ba mnơ̆ng doh jăk, leh anăn arăng mdơ̆ng leh sang čhiăm êlâo kơ diñu truh.

Klei Yap 18:3

Diñu srăng đru bruă ih leh anăn ngă jih bruă djŏ kơ sang čhiăm; ƀiădah diñu amâo dưi nao giăm kơ mnơ̆ng yua hlăm adŭ doh jăk amâodah kơ knưl ôh, huĭdah diñu leh anăn ih djiê.

Klei Yap 3:38

Phung dôk ti anăp sang čhiăm tĭng ngŏ ti anăp sang čhiăm klei bi kƀĭn phă yang hruê ƀlĕ mâo Y-Môis, Y-Arôn leh anăn phung anak êkei ñu, mâo bruă kiă kriê klei kkuh mpŭ hlăm adŭ doh jăk, jih bruă djŏ kơ phung ƀuôn sang Israel; leh anăn tơdah pô mkăn hriê giăm sang čhiăm, brei arăng bi mdjiê gơ̆.

Klei Yap 4:14

leh anăn diñu srăng dưm ti dlông dŏ anăn jih jang mnơ̆ng yua kơ knưl pioh yua kơ bruă tinăn, kpur pui, awak rưng, kdroh, hmăm, jih jang mnơ̆ng yua kơ knưl; leh anăn diñu srăng lang ti dlông dŏ anăn mnơ̆ng guôm ngă hŏng klĭt jăk siam, leh anăn srăng hrô giê kkung gơ̆.

Klei Yap 4:19

ƀiădah ngă snei kơ diñu čiăng kơ diñu dôk hdĭp leh anăn amâo djiê ôh tơdah diñu nao giăm mnơ̆ng doh jăk hĭn. Y-Arôn leh anăn phung anak êkei ñu srăng mŭt leh anăn ktrâo bruă kơ grăp čô diñu,

Klei Yap 4:20

ƀiădah diñu amâo srăng mŭt ôh čiăng dlăng kơ mnơ̆ng doh jăk, wăt tơdah bhiâo dưn, huĭdah diñu djiê.”

Klei Yap 7:9

Ƀiădah ñu amâo brei ôh kơ phung anak êkei Y-Kôhat, kyuadah arăng jao kơ diñu răng kriê leh anăn kkung ti mra mnơ̆ng doh jăk.

Klei Mtô Mñă Klei Bhiăn 31:9

Y-Môis čih leh klei bhiăn anei leh anăn jao kơ phung khua ngă yang phung anak êkei Lêwi, phung kkung hip klei bi mguôp Yêhôwa, leh anăn kơ jih jang phung khua mduôn Israel.

Y-Yôsuê 4:10

Kyuadah phung khua ngă yang kkung hip dôk dơ̆ng ti krah êa krông Yurdan, tơl ngă leh jih klei Yêhôwa mtă brei Y-Yôsuê lač kơ phung ƀuôn sang, tui si jih klei Y-Môis mtă leh kơ Y-Yôsuê. Phung ƀuôn sang găn hŏng klei ruăt.

I Y-Samuel 6:19

Yêhôwa bi mdjiê đa đa phung êkei ƀuôn Bet-Sêmes kyuadah diñu iêp dlăng hlăm lam hip Yêhôwa. Ñu bi mdjiê kjuh pluh čô digơ̆. Leh anăn phung ƀuôn sang čŏk hia, kyuadah Yêhôwa bi mdjiê lu čô ti krah phung mnuih ƀuôn sang.