Klei Yap 33:4 - Klei Aê Diê Blŭ 2015

⁴ êjai phung Êjip dôk dơr jih jang anak diñu kkiêng tal êlâo phung Yêhôwa bi mdjiê leh ti krah diñu; Yêhôwa phat kđi msĕ mơh kơ phung yang diñu.

Klei Yap 33:4 Iomraidhean Croise

Klei Mmuñ Hđăp 105:36

Yêhôwa bi mdjiê jih jang anak êkei kkiêng tal êlâo hlăm čar diñu, boh hlâo hlang jih klei ktang diñu.

Klei Kbiă 12:12

Kyuadah mlam anăn Kâo srăng găn tar čar Êjip, leh anăn Kâo srăng bi mdjiê jih jang anak khua hlăm čar Êjip, wăt mnuih leh anăn mnơ̆ng rông; leh anăn Kâo srăng ngă klei phat kđi bi kdơ̆ng hŏng jih jang yang čar Êjip. Kâo jing Yêhôwa.

Klei Kbiă 18:11

Ară anei kâo thâo kơ Yêhôwa jing prŏng hĭn kơ jih jang phung yang mkăn, kyuadah Ñu bi mtlaih phung ƀuôn sang mơ̆ng kngan phung Êjip tơdah phung Êjip ngă kơ diñu hŏng klei mgao.”

Y-Êsai 19:1

Klei ktrŏ djŏ kơ čar Êjip: Nĕ anei, Yêhôwa đĭ ti knam nao pral, nao kơ čar Êjip. Rup yang čar Êjip srăng ktư̆ yơ̆ng ti anăp Ñu, leh anăn ai tiê phung Êjip srăng dlưh.

Y-Sôphôni 2:11

Yêhôwa srăng jing Pô bi huĭ snăk kơ diñu tơdah Ñu srăng bi mdjiê hŏng klei ư̆ êpa jih jang yang ti lăn ala, leh anăn phung găp djuê mnuih srăng buôn kkuh ti anăp Ñu, grăp čô hlăm anôk gơ̆ pô, hlăm jih plao ksĭ hlăm jih jang lăn čar.

Klei Yap 3:13

kyuadah jih jang anak kkiêng tal êlâo jing dŏ Kâo; ti hruê Kâo bi mdjiê jih jang anak kkiêng tal êlâo hlăm čar Êjip, Kâo pioh brei kơ Kâo pô leh jih jang anak kkiêng tal êlâo hlăm Israel, wăt mơ̆ng mnuih leh anăn hlô mnơ̆ng. Diñu srăng jing dŏ Kâo; Kâo jing Yêhôwa.”