Klei Yap 32:4 - Klei Aê Diê Blŭ 2015

⁴ čar anăn Yêhôwa mblah dưi leh ti anăp phung Israel bi kƀĭn, jing sa boh čar kơ êmô biăp; leh anăn phung dĭng buăl ih mâo lu êmô biăp.”

Klei Yap 32:4 Iomraidhean Croise

I Klei Yăl Dliê 4:41

Phung anăn arăng čih anăn leh truh hlăm ênuk Y-Hêsêkia mtao Yuđa, leh anăn bi rai jih phung Mêunim dôk tinăn wăt sang čhiăm digơ̆, leh anăn dôk ti anôk digơ̆, kyuadah tinăn mâo kdrăn rơ̆k kơ biăp diñu.

Y-Yêrêmi 50:19

Kâo srăng lŏ atăt wĭt Israel kơ kdrăn rơ̆k ñu pô, leh anăn diñu srăng ƀơ̆ng rơ̆k ti čư̆ Karmel leh anăn hlăm čar Basan, leh anăn mngăt ñu srăng hrăp ti kbuôn čar Êphraim leh anăn čar Galaat.

Y-Mika 7:14

Kiă kriê phung ƀuôn sang ih hŏng giê knuăk ih, jih jang biăp jing ngăn dưn ih, phung dôk hjăn hlăm kmrơ̆ng ti krah Karmel; brei diñu ƀơ̆ng rơ̆k ti čar Basan leh anăn hlăm čar Galaat msĕ si ênuk đưm đă.

Klei Yap 21:24

Israel koh ñu hŏng đao gưm leh anăn plah mă ala čar ñu mơ̆ng êa krông Arnôn truh kơ êa krông Jabôk, truh kơ ala čar phung Amôn; kyuadah knông ala čar phung Amôn jing kjăp ktang.

Klei Yap 21:34

Ƀiădah Yêhôwa lač kơ Y-Môis, “Đăm huĭ kơ ñu ôh, kyuadah Kâo jao ñu leh, leh anăn jih jang phung ƀuôn sang ñu, wăt ala čar ñu hlăm kngan ih; brei ih ngă kơ ñu msĕ si ih ngă leh kơ Y-Sihôn mtao phung Amôrit, pô dôk ti ƀuôn Hêsbôn.”

Klei Yap 21:35

Snăn diñu koh gơ̆, phung anak êkei gơ̆, leh anăn jih jang phung ƀuôn sang gơ̆, tơl amâo lŏ mâo adôk sa čô mnuih tlaih ôh kơ gơ̆; leh anăn diñu plah mă ala čar gơ̆.

Klei Yap 32:5

Diñu lač, “Tơdah hmei mâo klei pap ti anăp ală ih, brei čar anei jing dŏ kơ phung dĭng buăl ih; đăm brei hmei găn êa krông Yurdan ôh.”

Klei Mtô Mñă Klei Bhiăn 4:38

êjai suôt phung găp djuê mnuih ti anăp diih prŏng hĭn leh anăn ktang hĭn kơ diih, čiăng atăt diih mŭt, čiăng brei čar digơ̆ jing ngăn dưn kơ diih msĕ si truh leh hruê anei.