Klei Yap 32:23 - Klei Aê Diê Blŭ 2015

²³ Ƀiădah tơdah diih amâo srăng ngă snăn ôh, diih ngă soh leh hŏng Yêhôwa; leh anăn brei diih thâo sĭt klei soh diih srăng bi êdah.

Klei Yap 32:23 Iomraidhean Croise

Klei Mphŭn Dơ̆ng 13:13

Phung mnuih ƀuôn Sôdôm măk ƀai leh anăn ngă soh prŏng snăk hŏng Yêhôwa.

Klei Mphŭn Dơ̆ng 4:7

Tơdah ih ngă jăk, amâo djŏ hĕ Kâo srăng tŭ ih? Tơdah ih amâo ngă jăk ôh, klei soh dôk kăp ti ƀăng bhă čiăng mă ih, ƀiădah brei ih dưi hŏng ñu.”

Klei Mphŭn Dơ̆ng 44:16

Y-Yuđa lač, “Ya hmei dưi lač kơ khua kâo? Ya klei hmei dưi blŭ? Si hmei dưi mgang hmei pô? Aê Diê ƀuh leh klei wê phung dĭng buăl ih. Nĕ anei, hmei jing hlŭn khua kâo, hmei leh anăn pô hlăm kdô ñu anăn arăng ƀuh kčok.”

II Y-Samuel 3:39

Leh anăn hruê anei kâo jing awăt, wăt tơdah jing mtao arăng trôč êa ƀâo mngưi dưn. Phung anak êkei Y-Sêruia anei jing khăng đei kơ kâo. Brei Yêhôwa bi wĭt kơ pô ngă jhat tui si klei ƀai ñu!”

I Bruă Mtao 2:32

Yêhôwa srăng bi wĭt klei ñu tuh êrah ti dlông boh kŏ ñu pô, kyuadah êjai ama kâo Y-Đawit amâo thâo ôh, ñu ngă leh anăn bi mdjiê hŏng đao gưm dua čô êkei kpă hĭn leh anăn jăk hĭn kơ ñu pô, Y-Apner anak êkei Y-Ner khua kahan phung Israel, leh anăn Y-Amasa anak êkei Y-Jêther khua kahan phung Yuđa.

I Bruă Mtao 2:33

Snăn êrah digơ̆ srăng lŏ wĭt ti dlông boh kŏ Y-Jôap leh anăn ti dlông boh kŏ phung anak čô ñu nanao hlŏng lar. Ƀiădah kơ Y-Đawit leh anăn kơ phung anak čô ñu, kơ sang ñu, leh anăn kơ jhưng mtao ñu srăng mâo klei êđăp ênang mơ̆ng Yêhôwa nanao hlŏng lar.”

Klei Mmuñ Hđăp 139:11

Tơdah kâo lač: “klei mmăt srăng guôm kâo, leh anăn klei mngač jŭm kâo jing hĕ mlam”,

Klei Mmuñ Hđăp 140:11

Đăm brei pô mčeh luar dôk kjăp hlăm čar ôh; leh anăn brei klei jhat tiŏ amâo mdei mnuih jhŏng ƀai čiăng bi luč ñu.

Klei Mmuñ Hđăp 90:8

Ih dưm leh klei wê hmei ti anăp Ih, leh anăn klei mngač ƀô̆ mta Ih bi êdah klei soh hgăm hmei.

Klei Bi Hriêng 13:21

Klei knap mñai tiŏ phung ngă soh, ƀiădah klei đĭ kyar jing klei mưn kơ phung kpă ênô.

Klei Bi Hriêng 24:16

kyuadah wăt tơdah sa čô mnuih kpă lĕ buh kjuh blư̆, ñu ăt lŏ kgŭ mơh, ƀiădah klei knap mñai srăng bi rai phung ƀai.

Klei Bi Hriêng 5:22

Klei wê pô soh ngă jing kđông ƀêč kơ ñu, klei soh ñu pô ngă srăng mă čăp ñu.

Y-Êsai 3:11

Knap mñai yơh kơ phung ƀai; srăng jing jhat kơ diñu, kyuadah arăng srăng ngă kơ diñu ya klei kngan ñu ngă leh.

Y-Êsai 59:12

Kyuadah klei hmei gao klei bhiăn jing lu ti anăp Ih, leh anăn klei soh hmei hưn bi kdơ̆ng hŏng hmei. Klei hmei gao klei bhiăn dôk nanao mbĭt hŏng hmei, leh anăn hmei thâo kral klei wê hmei:

Y-Yôna 1:7

Leh anăn diñu bi lač hdơ̆ng diñu, “Bơ bĕ, brei drei bi mđăo čiăng thâo kyua hlei pô klei jhat anei truh kơ drei.” Snăn diñu bi mđăo, leh anăn klei mđăo lĕ djŏ kơ Y-Yôna.

Hră Y-Pôl Mơĭt kơ Phung Rôm 2:9

Srăng mâo klei knap mñai leh anăn klei rŭng răng kơ grăp čô mnuih ngă klei ƀai, kơ phung Yuđa êlâo leh anăn wăt kơ phung Grĕk mơh.

I Kôrantô 4:5

Snăn đăm phat kđi arăng ôh êlâo hruê bi kčah, êlâo Khua Yang srăng truh. Ñu srăng bi mngač jih jang klei mdăp leh hlăm klei mmăt, leh anăn srăng bi êdah klei ai tiê arăng čuăn. Hlăk anăn grăp čô srăng mă tŭ klei Aê Diê bi mni năng kơ pô.

Y-Yôsuê 7:18

Ñu brei boh gŏ Y-Sapdi hriê giăm sa čô sa čô, leh anăn Yêhôwa ktrâo kơ Y-Akan anak êkei Y-Karmi, čô Y-Sapdi, čĕ Y-Sêra, mơ̆ng găp djuê Yuđa.