Klei Yap 30:12 - Klei Aê Diê Blŭ 2015

¹² Ƀiădah tơdah ung ñu bi luč hĕ klei anăn hruê gơ̆ hmư̆, snăn jih jang klei ñu blŭ djŏ kơ klei ñu ƀuăn amâodah djŏ kơ mnơ̆ng ñu ƀuăn amâo srăng ăt dôk ôh; ung ñu bi luč leh klei anăn, leh anăn Yêhôwa srăng pap brei kơ ñu.

Klei Yap 30:12 Iomraidhean Croise

Y-Yêrêmi 44:17

Ƀiădah hmei srăng ngă jih klei hmei ƀuăn leh, čuh mnơ̆ng ƀâo mngưi kơ mtao mniê hlăm adiê leh anăn tuh mnơ̆ng myơr mnăm kơ ñu, msĕ si hmei ngă leh, wăt hmei, leh anăn phung aê hmei, phung mtao hmei, leh anăn phung khua hmei hlăm ƀuôn prŏng čar Yuđa leh anăn hlăm êlan prŏng ƀuôn Yêrusalem; kyuadah hlăk anăn hmei mâo mnơ̆ng ƀơ̆ng huă êbeh dlai, leh anăn mâo klei čăt đĭ, amâo mâo klei jhat truh ôh.

Y-Yêrêmi 44:19

Phung mniê lač, “Hlăk hmei čuh mnơ̆ng ƀâo mngưi kơ mtao mniê hlăm adiê leh anăn tuh mnơ̆ng myơr mnăm kơ ñu, ung hmei amâo thâo hĕ hmei ngă ƀêñ kơ ñu tui si rup ñu leh anăn tuh mnơ̆ng myơr mnăm kơ ñu?”

Klei Yap 15:25

Khua ngă yang srăng ngă klei bi doh klei soh kơ jih jang phung ƀuôn sang Israel bi kƀĭn, leh anăn diñu srăng mâo klei pap brei, kyuadah diñu ngă soh leh hŏng klei amâo čŏng čiăng, leh anăn diñu djă ba leh mnơ̆ng diñu myơr, sa mnơ̆ng myơr brei pui ƀơ̆ng kơ Yêhôwa, leh anăn mnơ̆ng diñu myơr kyua klei soh diñu ti anăp Yêhôwa kyua klei soh diñu amâo čŏng čiăng.

Klei Yap 15:28

Leh anăn khua ngă yang srăng ngă klei bi doh klei soh ti anăp Yêhôwa kơ mnuih ngă klei soh amâo čŏng čiăng, tơdah ñu tăm ngă soh hŏng klei amâo čiăng, čiăng ngă klei bi doh klei soh kơ ñu; leh anăn ñu srăng mâo klei pap brei.

Klei Yap 30:11

leh anăn ung ñu hmư̆ klei anăn leh anăn amâo blŭ kơ ñu ôh, leh anăn amâo hngah ôh kơ ñu; snăn jih jang klei ñu ƀuăn leh srăng ăt mâo ênoh, leh anăn jih jang mnơ̆ng ƀuăn ñu bi kuôl leh ñu pô srăng ăt mâo ênoh.

Klei Yap 30:13

Ung ñu dưi bi kjăp amâodah bi luč jih jang klei ñu ƀuăn leh anăn jih jang klei ñu kat asei bi kuôl kă kơ klei kăm ƀơ̆ng huă.

Klei Yap 30:5

Ƀiădah tơdah ama ñu bi êdah klei gơ̆ amâo tŭ ti hruê gơ̆ hmư̆ klei anăn, klei ñu ƀuăn leh, leh anăn mnơ̆ng ñu ƀuăn bi kuôl leh hŏng ñu pô amâo srăng ăt mâo ênoh ôh. Yêhôwa srăng pap brei kơ ñu, kyuadah ama ñu hngah leh kơ ñu.

Klei Yap 30:8

Ƀiădah tơdah ti hruê ung ñu hmư̆ klei anăn gơ̆ bi êdah klei amâo tŭ, snăn gơ̆ srăng bi luč hĕ klei ñu ƀuăn leh, leh anăn klei ñu blŭ amâo mĭn kbiă mơ̆ng ƀăng kƀông ñu, hŏng klei anăn ñu mâo klei bi kuôl leh ñu pô; leh anăn Yêhôwa srăng pap brei kơ ñu.

I Kôrantô 11:3

Ƀiădah kâo čiăng brei diih thâo săng kơ Krist jing Khua kơ grăp čô êkei, leh anăn ung jing khua kơ mô̆ ñu, leh anăn Aê Diê jing khua kơ Krist.

I Y-Samuel 1:23

Y-Êlkana, ung ñu lač kơ ñu, “Ngă bĕ tui si ih mĭn jăk. Dôk guôn bĕ tơl gơ̆ lui mam. Knŏng akâo kơ Yêhôwa bi sĭt klei Ñu blŭ.” Snăn mniê anăn dôk ti sang, leh anăn rông anak êkei ñu tơl gơ̆ lui mam.