Klei Yap 3:8 - Klei Aê Diê Blŭ 2015

⁸ Digơ̆ srăng mâo bruă hŏng jih jang mnơ̆ng yua hlăm sang čhiăm klei bi kƀĭn, leh anăn đru bruă phung ƀuôn sang Israel êjai digơ̆ mă bruă ti sang čhiăm.

Klei Yap 3:8 Iomraidhean Croise

I Klei Yăl Dliê 23:27

kyuadah tui si klei Y-Đawit blŭ knhal tuč jing ênoh yap phung Lêwi mơ̆ng dua pluh thŭn kơ dlông —

II Klei Yăl Dliê 29:11

Ơ phung anak êkei kâo, đăm ngă klei amâo uêñ ôh, kyuadah Yêhôwa ruah leh diih brei dôk dơ̆ng ti anăp Ñu, čiăng mă bruă kơ Ñu, leh anăn jing phung dĭng buăl Ñu leh anăn čuh mnơ̆ng ƀâo mngưi kơ Ñu.”

Y-Êsai 52:11

Đuĕ bĕ, đuĕ bĕ, kbiă bĕ mơ̆ng anôk anăn! Đăm ruêh sa mta mnơ̆ng amâo doh ôh! Kbiă bĕ mơ̆ng krah ñu, bi doh bĕ diih pô, Ơ phung djă čhiên mngan Yêhôwa!

Klei Yap 10:17

Tơdah arăng ruh hĕ sang čhiăm, phung anak êkei Y-Gersôn leh anăn phung anak êkei Y-Mêrari, phung kkung ba sang čhiăm, đuĕ nao.

Klei Yap 10:21

Leh anăn phung Kôhat đuĕ nao, kkung ba mnơ̆ng doh jăk, leh anăn arăng mdơ̆ng leh sang čhiăm êlâo kơ diñu truh.

Klei Yap 3:7

Digơ̆ srăng mă bruă kơ ñu leh anăn kơ jih jang phung bi kƀĭn ti anăp sang čhiăm klei bi kƀĭn, êjai digơ̆ mă bruă ti sang čhiăm.

Klei Yap 3:9

Brei ih jao phung Lêwi kơ Y-Arôn leh anăn kơ phung anak êkei ñu; kâo jao jih digơ̆ kơ ñu mơ̆ng krah phung ƀuôn sang Israel.

Klei Yap 31:30

Mơ̆ng dŏ mkrah kơ phung ƀuôn sang Israel brei ih mă sa hlăm êma pluh, mnuih, êmô, aseh dliê, biăp, leh anăn jih jang hlô mnơ̆ng, leh anăn brei dŏ anăn kơ phung Lêwi phung mâo bruă hŏng sang čhiăm Yêhôwa.”

Klei Yap 4:15

Tơdah leh Y-Arôn leh anăn phung anak êkei ñu guôm adŭ doh jăk leh anăn jih jang mnơ̆ng yua kơ adŭ doh jăk, êjai phung ƀuôn sang đuĕ nao, phung anak êkei Y-Kôhat srăng hriê kkung dŏ anei, ƀiădah diñu amâo dưi ruêh ôh mnơ̆ng doh jăk, huĭdah diñu djiê. Anăn jing mnơ̆ng hlăm sang čhiăm klei bi kƀĭn phung anak êkei Y-Kôhat srăng kkung.

Klei Yap 4:28

Anăn bruă phung găp djuê phung anak êkei Y-Gersôn hlăm sang čhiăm klei bi kƀĭn, leh anăn diñu srăng ngă bruă tui si Y-Ithamar anak êkei khua ngă yang Y-Arôn dlăng.”

Klei Yap 4:33

Anăn jing bruă kơ phung găp djuê anak êkei Y-Mêrari, jih jang bruă diñu hlăm sang čhiăm klei bi kƀĭn, tui si Y-Ithamar anak êkei khua ngă yang Y-Arôn gai.”