Klei Yap 3:41 - Klei Aê Diê Blŭ 2015

⁴¹ Brei ih mă pioh phung Lêwi kơ Kâo — Kâo jing Yêhôwa — hrô kơ jih jang phung anak êkei kkiêng tal êlâo hlăm phung ƀuôn sang Israel, leh anăn mă pioh hlô mnơ̆ng rông phung Lêwi hrô kơ jih jang hlô mnơ̆ng rông mđai tal êlâo mơ̆ng phung ƀuôn sang Israel.”

Klei Yap 3:41 Iomraidhean Croise

Klei Yap 18:15

Grăp čô mnuih arăng kkiêng tal êlâo, grăp mnơ̆ng mđai tal êlâo, dŏ anăn diñu myơr kơ Yêhôwa, srăng jing dŏ ih; ƀiădah ih srăng brei digơ̆ lŏ bi tui anak mnuih arăng kkiêng tal êlâo, leh anăn êđai tal êlâo hlô mnơ̆ng amâo doh.

Klei Yap 3:12

“Nĕ anei, Kâo mă leh phung Lêwi mơ̆ng krah phung ƀuôn sang Israel hrô anôk jih jang anak kkiêng tal êlâo, phung anak kkiêng tal êlâo mơ̆ng phung ƀuôn sang Israel. Phung Lêwi srăng jing dŏ Kâo,

Klei Yap 3:13

kyuadah jih jang anak kkiêng tal êlâo jing dŏ Kâo; ti hruê Kâo bi mdjiê jih jang anak kkiêng tal êlâo hlăm čar Êjip, Kâo pioh brei kơ Kâo pô leh jih jang anak kkiêng tal êlâo hlăm Israel, wăt mơ̆ng mnuih leh anăn hlô mnơ̆ng. Diñu srăng jing dŏ Kâo; Kâo jing Yêhôwa.”

Klei Yap 3:42

Snăn Y-Môis čih yap jih jang phung anak kkiêng tal êlâo hlăm phung ƀuôn sang Israel, tui si Yêhôwa mtă leh kơ ñu.

Klei Yap 3:45

“Mă pioh bĕ phung Lêwi hrô kơ jih jang phung anak kkiêng tal êlâo hlăm phung ƀuôn sang Israel, leh anăn hlô mnơ̆ng phung Lêwi rông hrô kơ hlô mnơ̆ng phung ƀuôn sang; leh anăn phung Lêwi srăng jing dŏ Kâo. Kâo jing Yêhôwa.

Klei Yap 8:16

Kyuadah Kâo pô brei leh ênŭm jih jang diñu kơ Kâo mơ̆ng krah phung ƀuôn sang Israel hrô kơ jih jang phung anak kkiêng tal êlâo mơ̆ng jih jang phung ƀuôn sang Israel.

Y-Mathiơ 20:28

msĕ si Anak Mnuih hriê leh amâo djŏ čiăng kơ arăng mă bruă kơ Ñu ôh, ƀiădah čiăng mă bruă kơ arăng, leh anăn jao klei hdĭp Ñu pô jing ênoh bi tui kơ lu mnuih.”

I Y-Timôthê 2:6

Pô jao leh Ñu pô jing ênoh bi tui kơ jih jang mnuih. Snăn jing klei hưn bi sĭt kơ hdră Aê Diê čiăng ngă hlăm ênuk djŏ.