Klei Yap 3:25 - Klei Aê Diê Blŭ 2015

²⁵ Bruă jao kơ phung anak êkei Y-Gersôn hlăm sang čhiăm klei bi kƀĭn jing bruă hŏng sang čhiăm, sang čhiăm mbĭt hŏng mnơ̆ng guôm ñu, čhiăm păng ƀăng bhă sang čhiăm klei bi kƀĭn,

Klei Yap 3:25 Iomraidhean Croise

I Klei Yăl Dliê 23:32

Snăn yơh digơ̆ srăng djă bruă sang čhiăm klei bi kƀĭn leh anăn adŭ doh jăk, leh anăn srăng đru phung anak êkei Y-Arôn, phung ayŏng adei digơ̆ hlăm bruă kơ sang Yêhôwa.”

II Klei Yăl Dliê 31:2

Y-Hêsêkia lŏ bi mbha lu êpul phung khua ngă yang leh anăn phung Lêwi, grăp êpul tui si bruă diñu, phung khua ngă yang leh anăn phung Lêwi kơ bruă mnơ̆ng myơr čuh leh anăn mnơ̆ng myơr kơ klei êđăp ênang, čiăng mă bruă hlăm ƀăng jang anôk wăl Yêhôwa, čiăng myơr klei bi mni leh anăn klei hơêč hmưi.

Klei Kbiă 25:9

Brei diih ngă sang čhiăm leh anăn mnơ̆ng yua tinăn tui si rup Kâo srăng ktrâo brei kơ ih.”

Klei Kbiă 40:19

Ñu mblang čhiăm ti dlông sang čhiăm, leh anăn ñu tlŭm čhiăm ti dlông tui si Yêhôwa mtă leh kơ Y-Môis.

Klei Kbiă 40:28

Ñu yuôl čhiăm păng ti ƀăng bhă mŭt sang čhiăm.

Klei Yap 1:50

ƀiădah jao kơ phung Lêwi kiă sang čhiăm klei bi mguôp, jih jang mnơ̆ng yua hlăm sang čhiăm, leh anăn jih jang mnơ̆ng pioh kơ sang čhiăm anăn. Diñu srăng kkung sang čhiăm anăn leh anăn jih jang mnơ̆ng yua kơ sang čhiăm anăn, leh anăn diñu srăng mă bruă hlăm gơ̆ leh anăn dôk jŭm dar sang čhiăm.

Klei Yap 10:17

Tơdah arăng ruh hĕ sang čhiăm, phung anak êkei Y-Gersôn leh anăn phung anak êkei Y-Mêrari, phung kkung ba sang čhiăm, đuĕ nao.

Klei Yap 3:24

mâo Y-Êliasap anak êkei Y-Laêl jing khua kơ sang ama phung Gersôn.

Klei Yap 3:7

Digơ̆ srăng mă bruă kơ ñu leh anăn kơ jih jang phung bi kƀĭn ti anăp sang čhiăm klei bi kƀĭn, êjai digơ̆ mă bruă ti sang čhiăm.

Klei Yap 7:7

Ñu brei dua boh êdeh leh anăn pă drei êmô kơ phung anak êkei Y-Gersôn tui si bruă diñu.

Y-Markôs 13:34

Klei anăn jing msĕ si sa čô mnuih đuĕ hiu čar kbưi. Tơdah ñu kbiă mơ̆ng sang, ñu jao bruă mdê mdê kơ grăp čô phung dĭng buăl ñu, leh anăn mtă kơ pô kiă ƀăng jang dôk răng nanao.

Kôlôs 4:17

Leh anăn lač bĕ kơ Y-Arčip, “Brei ih bi leh bruă ih mă tŭ leh mơ̆ng Khua Yang.”

I Y-Timôthê 1:18

Ơ Y-Timôthê, anak kâo, klei mtă anăn kâo jao kơ ih, tui si klei hưn êlâo djŏ kơ ih hlăk anăn, čiăng kơ hŏng klei bi mđĭ ai mơ̆ng klei hưn êlâo anăn ih dưi bi blah jăk,