Klei Yap 28:7 - Klei Aê Diê Blŭ 2015

⁷ Mnơ̆ng myơr mnăm mbĭt srăng jing sa kdrêč hlăm pă hin kơ grăp êđai biăp; hlăm anôk doh jăk brei ih tuh mnơ̆ng myơr mnăm êa kpiê kơ Yêhôwa.

Klei Yap 28:7 Iomraidhean Croise

Klei Kbiă 29:42

Ñu srăng jing mnơ̆ng myơr čuh nanao hlăm jih jang ênuk ih ti ƀăng bhă sang čhiăm klei bi kƀĭn ti anăp Yêhôwa. Tinăn yơh Kâo srăng bi tuôm hŏng ih, čiăng blŭ kơ ih.

Philip 2:17

Wăt tơdah êrah kâo srăng tuh msĕ si mnơ̆ng myơr mnăm ti dlông mnơ̆ng ngă yang myơr leh anăn klei đăo diih, kâo hơ̆k leh anăn mơak mbĭt hŏng diih jih jang.

Y-Yôel 2:14

Hlei thâo tơdah Ñu srăng bi mlih leh anăn pap brei, leh anăn lui sa klei jăk jĭn ti tluôn Ñu, jing mnơ̆ng myơr kpŭng ƀhĭ leh anăn sa mnơ̆ng myơr mnăm kơ Yêhôwa Aê Diê diih?”

Y-Yôel 1:13

Ơ phung khua ngă yang, hơô klŭng leh anăn čŏk hia bĕ, čŏk hia bĕ, Ơ phung mă bruă ti knưl. Mŭt bĕ, hơô klŭng êjai mlam, Ơ phung mă bruă kơ Aê Diê kâo! Kyuadah amâo lŏ mâo ôh mnơ̆ng myơr kpŭng ƀhĭ leh anăn mnơ̆ng myơr mnăm kơ sang Aê Diê diih.

Y-Yôel 1:9

Arăng bi luč hĕ leh mnơ̆ng myơr kpŭng ƀhĭ leh anăn mnơ̆ng myơr mnăm mơ̆ng sang Yêhôwa. Phung khua ngă yang, phung mă bruă kơ Yêhôwa, kơŭ kyăm.

Y-Êsai 57:6

Ti krah boh tâo ƀlia hlăm tlung jing anôk pioh kơ diih; dŏ anăn, dŏ anăn yơh kdrêč pioh kơ diih. Kơ dŏ anăn yơh diih tuh leh mnơ̆ng myơr mnăm, diih myơr leh mnơ̆ng myơr kpŭng ƀhĭ. Klei anăn srăng bi hlai ai ngêñ Kâo mơ̆?

Klei Yap 28:31

Brei diih myơr mnơ̆ng anăn êngao kơ mnơ̆ng myơr čuh ngă nanao mbĭt hŏng mnơ̆ng myơr kpŭng ƀhĭ. Diih srăng myơr dŏ anăn mbĭt hŏng mnơ̆ng myơr mnăm. Hlô mnơ̆ng diih myơr amâo mâo anôk jhat ôh.”

Klei Yap 28:14

Mnơ̆ng myơr mnăm mbĭt srăng jing sa mkrah hin kpiê kơ sa drei êmô knô, sa kdrêč hlăm tlâo hin kơ sa drei biăp knô, leh anăn sa kdrêč hlăm pă hin kơ sa drei êđai biăp; anăn jing mnơ̆ng myơr čuh grăp akŏ mlan hlăm sa thŭn.

Klei Yap 15:10

leh anăn brei ih myơr mnơ̆ng myơr mnăm sa mkrah hin kpiê jing mnơ̆ng myơr brei pui ƀơ̆ng, mnâo ƀâo mngưi kơ Yêhôwa.

Klei Yap 15:7

leh anăn pioh kơ mnơ̆ng myơr mnăm brei ih myơr sa kdrêč hlăm tlâo hin kpiê jing mnâo ƀâo mngưi kơ Yêhôwa.

Klei Yap 15:5

leh anăn kpiê pioh kơ mnơ̆ng myơr mnăm sa kdrêč hlăm pă hin ih srăng mkra mbĭt hŏng mnơ̆ng myơr čuh, amâodah kơ mnơ̆ng ngă yang, kơ grăp drei êđai biăp.

Bruă Lêwi 23:13

Leh anăn mnơ̆ng myơr kpŭng ƀhĭ mbĭt hŏng gơ̆ srăng jing dua kdrêč hlăm pluh êphah kpŭng ƀhĭ bi lŭk hŏng êa prăi boh ôliwơ, jing mnơ̆ng myơr brei pui ƀơ̆ng, mnâo ƀâo mngưi kơ Yêhôwa. Mnơ̆ng myơr mnăm mbĭt hŏng gơ̆ srăng jing kpiê, sa kdrêč hlăm pă hin.

Klei Kbiă 30:9

Đăm čuh ôh ti dlông knưl anăn mnơ̆ng ƀâo mngưi amâo doh, kăn myơr rei mnơ̆ng myơr čuh, mnơ̆ng myơr kpŭng ƀhĭ, amâodah mnơ̆ng myơr tuh.

Klei Kbiă 29:40

Brei ih myơr mbĭt hŏng êđai biăp tal êlâo sa kdrêč hlăm pluh hnơ̆ng kpŭng ƀhĭ kpit mmai hlăm sa kdrêč hlăm pă hin êa prăi mơ̆ng boh ôliwơ bi ƀhĭ leh, leh anăn sa kdrêč hlăm pă hin êa kpiê jing mnơ̆ng myơr tuh.

Klei Yap 28:6

Anăn jing mnơ̆ng myơr čuh ngă nanao, arăng mtă leh ti čư̆ Sinai jing mnâo ƀâo mngưi, mnơ̆ng myơr brei pui ƀơ̆ng kơ Yêhôwa.

Klei Yap 28:8

Sa drei êđai biăp mkăn brei ih myơr ti wai băk; msĕ si mnơ̆ng myơr kpŭng ƀhĭ ti aguah, leh anăn msĕ si mnơ̆ng myơr mnăm mbĭt, brei ih myơr gơ̆ jing mnơ̆ng myơr brei pui ƀơ̆ng, mnâo ƀâo mngưi kơ Yêhôwa.”

Bruă Lêwi 1:9

Ƀiădah ñu srăng rao hŏng êa prôč êhŭng leh anăn jơ̆ng gơ̆. Leh anăn khua ngă yang srăng čuh jih ti dlông knưl, jing mnơ̆ng myơr čuh, mnơ̆ng myơr brei pui ƀơ̆ng, mnâo ƀâo mngưi kơ Yêhôwa.