Klei Yap 28:3 - Klei Aê Diê Blŭ 2015

³ Brei ih lač kơ diñu, Anei mnơ̆ng myơr brei pui ƀơ̆ng diih srăng myơr kơ Yêhôwa: grăp hruê dua drei êđai biăp knô mâo sa thŭn, amâo mâo anôk jhat ôh, jing mnơ̆ng myơr ngă nanao.

Klei Yap 28:3 Iomraidhean Croise

I Klei Yăl Dliê 16:40

čiăng myơr mnơ̆ng myơr čuh kơ Yêhôwa ti dlông knưl čuh mnơ̆ng myơr nanao aguah leh anăn tlam, tui si jih klei čih leh hlăm klei bhiăn Yêhôwa mtă leh kơ phung Israel.

II Klei Yăl Dliê 8:13

tui si bruă kơ grăp hruê, myơr tui si klei Y-Môis mtă djŏ kơ Hruê Sabat, hruê ƀlĕ Mlan Mrâo, leh anăn tlâo blư̆ hruê knăm grăp thŭn — hruê knăm Ƀơ̆ng Kpŭng Amâo Mâo Kpei, hruê knăm kơ Hruê Kăm, leh anăn hruê knăm kơ Sang Trưng.

Y-Êsra 3:5

Êdei kơ anăn diñu myơr mnơ̆ng myơr čuh nanao, mnơ̆ng myơr ti mlan mrâo ƀlĕ, leh anăn ti jih jang klei huă mnăm kơ Yêhôwa bi kčah leh, leh anăn mnơ̆ng grăp čô myơr hŏng ai tiê čŏng čiăng kơ Yêhôwa.

Y-Đaniel 11:31

Đa đa phung kahan ñu srăng nao bi čhŏ adŭ doh jăk leh anăn kđông, leh anăn brei arăng lui hĕ myơr mnơ̆ng myơr čuh nanao. Leh anăn diñu srăng mdơ̆ng mnơ̆ng bi êmut kheh brei jing ênguôl.

Y-Đaniel 12:11

Leh anăn dơ̆ng mơ̆ng hruê arăng brei lui hĕ myơr mnơ̆ng myơr čuh nanao, leh anăn arăng mdơ̆ng mnơ̆ng bi êmut kheh brei jing ênguôl, srăng mâo sa êbâo dua êtuh dua păn pluh hruê.

Y-Đaniel 8:11

Ñu bi mđĭ ñu pô jing mđơr hŏng Khua kơ phung kahan. Ñu mă hĕ klei myơr mnơ̆ng myơr čuh nanao mơ̆ng Khua kơ phung kahan leh anăn mdlưh hĕ adŭ doh jăk Gơ̆.

Y-Đaniel 8:13

Leh anăn kâo hmư̆ sa čô doh jăk blŭ; leh anăn sa čô doh jăk mkăn lač kơ pô doh jăk blŭ tal êlâo, “Dŭm boh sui tơl bi leh klei bi ƀuh djŏ kơ klei myơr mnơ̆ng myơr čuh nanao, klei gao klei bhiăn mjing klei ênguôl, leh anăn klei arăng jao adŭ doh jăk leh anăn phung kahan brei arăng juă?”

Bruă Lêwi 3:5

Phung anak êkei Y-Arôn srăng čuh jih dŏ anăn ti knưl ti dlông mnơ̆ng myơr čuh dôk ti dlông djuh pui dôk ƀơ̆ng; gơ̆ jing mnơ̆ng myơr brei pui ƀơ̆ng, mnâo ƀâo mngưi kơ Yêhôwa.

Bruă Lêwi 6:9

Anei jing klei bhiăn kơ mnơ̆ng myơr čuh. Mnơ̆ng myơr čuh srăng dôk ti anôk arăng kuč pui ti dlông knưl jih mlam tơl aguah, leh anăn arăng srăng kiă pui ti dlông knưl brei dôk ƀơ̆ng nanao.

Y-Amôs 4:4

“Nao bĕ kơ ƀuôn Bêthel leh anăn gao klei bhiăn, nao bĕ kơ ƀuôn Gilgal leh anăn bi lar klei soh. Ba bĕ mnơ̆ng diih ngă yang grăp aguah, mnơ̆ng myơr sa kdrêč hlăm pluh grăp tlâo hruê.

Klei Yap 28:10

Anăn jing mnơ̆ng myơr čuh grăp hruê sabat, êngao kơ mnơ̆ng myơr čuh ngă nanao leh anăn mnơ̆ng myơr mnăm mbĭt.

Klei Yap 28:15

Brei ih myơr msĕ mơh kơ Yêhôwa sa drei bê knô jing mnơ̆ng myơr kyua klei soh, êngao kơ mnơ̆ng myơr čuh ngă nanao mbĭt hŏng mnơ̆ng myơr mnăm.”

Klei Yap 28:23

Diih srăng myơr mnơ̆ng anei êngao kơ mnơ̆ng myơr čuh aguah, jing mnơ̆ng myơr čuh ngă nanao.

Klei Yap 28:24

Msĕ snăn mơh brei ih myơr grăp hruê êjai kjuh hruê mnơ̆ng ƀơ̆ng huă jing mnơ̆ng myơr brei pui ƀơ̆ng, mnâo ƀâo mngưi kơ Yêhôwa. Brei diih myơr mnơ̆ng anăn êngao kơ mnơ̆ng myơr čuh ngă nanao leh anăn mnơ̆ng myơr mnăm mbĭt.

Klei Yap 28:31

Brei diih myơr mnơ̆ng anăn êngao kơ mnơ̆ng myơr čuh ngă nanao mbĭt hŏng mnơ̆ng myơr kpŭng ƀhĭ. Diih srăng myơr dŏ anăn mbĭt hŏng mnơ̆ng myơr mnăm. Hlô mnơ̆ng diih myơr amâo mâo anôk jhat ôh.”

Klei Yap 28:4

Êjai aguah brei ih myơr sa drei êđai biăp, leh anăn ti wai băk brei ih myơr êđai biăp mkăn.

Klei Yap 29:11

leh anăn sa drei bê knô jing mnơ̆ng myơr kyua klei soh, êngao kơ mnơ̆ng myơr kyua klei soh hlăm klei bi doh klei soh, leh anăn mnơ̆ng myơr čuh ngă nanao mbĭt hŏng mnơ̆ng myơr kpŭng ƀhĭ, leh anăn mnơ̆ng myơr mnăm.

Klei Yap 29:16

leh anăn sa drei bê knô jing mnơ̆ng myơr kyua klei soh, êngao kơ mnơ̆ng myơr čuh ngă nanao, mbĭt hŏng mnơ̆ng myơr kpŭng ƀhĭ leh anăn mnơ̆ng myơr mnăm.

Klei Yap 29:6

êngao kơ mnơ̆ng myơr čuh ti mlan mrâo mbĭt hŏng mnơ̆ng myơr kpŭng ƀhĭ, leh anăn mnơ̆ng myơr čuh ngă nanao mbĭt hŏng mnơ̆ng myơr kpŭng ƀhĭ mbĭt hŏng mnơ̆ng myơr mnăm, tui si klei mtă leh kơ dŏ anăn, sa mnâo ƀâo mngưi, sa mnơ̆ng myơr brei pui ƀơ̆ng kơ Yêhôwa.

Y-Yôhan 1:29

Hruê mgi Y-Yôhan lŏ ƀuh Yêsu hriê kơ ñu leh anăn ñu lač, “Nĕ anei, Êđai Biăp Aê Diê, Pô lăm hĕ klei soh lăn ala!

Hêbrơ 9:6

Leh mkra jih mnơ̆ng anăn, phung khua ngă yang mŭt nanao hlăm adŭ ti êngao ngă bruă diñu bhiăn ngă;

Klei Bi Êdah 13:8

Jih jang mnuih dôk ti lăn ala srăng kkuh mpŭ kơ ñu, grăp čô amâo mâo anăn čih leh mơ̆ng êlâo klei hrih lăn ala hlăm hdruôm hră klei hdĭp Êđai Biăp, Pô arăng bi mdjiê leh.