Klei Yap 28:1 - Klei Aê Diê Blŭ 2015

¹ Yêhôwa lač kơ Y-Môis,

Klei Yap 28:1 Iomraidhean Croise

I Klei Yăl Dliê 23:31

leh anăn tơdah arăng myơr mnơ̆ng myơr čuh kơ Yêhôwa ti hruê sabat, ti hruê mlan mrâo ƀlĕ, ti hruê knăm prŏng, tui si ênoh arăng mtă kơ diñu nanao ti anăp Yêhôwa.

II Klei Yăl Dliê 2:4

Nĕ anei kâo dơ̆ng mdơ̆ng sa boh sang pioh kơ Anăn Yêhôwa Aê Diê kâo, leh anăn myơr pioh sang anăn kơ Ñu pioh čuh mnơ̆ng ƀâo mngưi ti anăp Ñu, leh anăn kơ klei myơr nanao kpŭng myơr kơ Aê Diê, leh anăn kơ mnơ̆ng myơr čuh aguah leh anăn tlam, ti hruê sabat leh anăn ti hruê mlan mrâo ƀlĕ, leh anăn kơ hruê knăm bi kčah leh kơ Yêhôwa Aê Diê hmei, tui si mâo klei mtă leh hlŏng lar kơ phung Israel.

II Klei Yăl Dliê 23:18

Y-Jêhôida dưm phung kahan gak kơ sang Yêhôwa ti gŭ klei phung khua ngă yang Lêwi leh anăn phung Lêwi, phung anăn Y-Đawit mkŏ mjing leh brei djă bruă sang Yêhôwa, myơr mnơ̆ng myơr čuh kơ Yêhôwa tui si klei čih leh hlăm hdruôm hră klei bhiăn Y-Môis hŏng klei hơ̆k mơak leh anăn klei mmuñ tui si klei Y-Đawit mtă leh.

II Klei Yăl Dliê 31:3

Mnơ̆ng mtao pô myơr mơ̆ng dŏ ñu pô pioh kơ mnơ̆ng myơr čuh mâo: mnơ̆ng myơr čuh kơ aguah leh anăn tlam, mnơ̆ng myơr čuh kơ hruê sabat, kơ hruê mlan mrâo ƀlĕ, leh anăn kơ hruê knăm bi kčah leh, tui si arăng čih leh hlăm hdruôm hră klei bhiăn Yêhôwa.

II Klei Yăl Dliê 8:13

tui si bruă kơ grăp hruê, myơr tui si klei Y-Môis mtă djŏ kơ Hruê Sabat, hruê ƀlĕ Mlan Mrâo, leh anăn tlâo blư̆ hruê knăm grăp thŭn — hruê knăm Ƀơ̆ng Kpŭng Amâo Mâo Kpei, hruê knăm kơ Hruê Kăm, leh anăn hruê knăm kơ Sang Trưng.

Y-Êsra 6:9

Leh anăn ya mta mnơ̆ng diñu kƀah: êmô knô êdam, biăp knô, amâodah êđai biăp pioh kơ mnơ̆ng myơr čuh kơ Aê Diê hlăm adiê, mdiê, hra, kpiê, amâodah êa boh ôliwơ tui si phung khua ngă yang ti ƀuôn Yêrusalem akâo; brei arăng brei dŏ anăn kơ diñu grăp hruê amâo kƀah ôh,

Y-Nêhêmi 10:33

kơ kpŭng myơr kơ Aê Diê, kpŭng ƀhĭ myơr tui si bhiăn, mnơ̆ng myơr čuh tui si bhiăn, kơ hruê sabat, kơ mlan mrâo, kơ klei huă mnăm bi kčah leh, kơ mnơ̆ng myơr doh jăk, leh anăn kơ mnơ̆ng myơr kyua klei soh čiăng ngă klei bi doh klei soh kơ phung Israel, leh anăn kơ jih jang bruă sang Aê Diê hmei.

Y-Êsai 1:13

Đăm lŏ ba mnơ̆ng myơr amâo yuôm ôh. Kâo bi êmut kơ mnơ̆ng ƀâo mngưi, kơ klei huă mnăm ti mlan mrâo ƀlĕ, kơ hruê sabat, leh anăn kơ klei iêô bi kƀĭn. Kâo amâo dưi tŭ ôh klei wê hlăm klei bi kƀĭn mpŭ.

Y-Êsêkiêl 44:24

Hlăm klei phat kđi phung khua ngă yang srăng jing phung khua phat kđi, leh anăn diñu srăng phat kđi tui si klei bhiăn Kâo. Diñu srăng djă pioh klei bhiăn Kâo leh anăn klei Kâo mtă hlăm jih jang hruê knăm Kâo bi kčah leh, leh anăn diñu srăng hdơr mpŭ kơ hruê sabat Kâo doh jăk.

Y-Êsêkiêl 45:17

Srăng jing bruă pô jing khua brei mnơ̆ng myơr čuh, mnơ̆ng myơr kpŭng ƀhĭ, leh anăn mnơ̆ng myơr mnăm êjai hruê knăm, ti mlan mrâo ƀlĕ, leh anăn ti hruê sabat, jih jang hruê knăm bi kčah leh kơ sang Israel; ñu srăng brei mnơ̆ng myơr kyua klei soh, mnơ̆ng myơr kpŭng ƀhĭ, mnơ̆ng myơr čuh, leh anăn mnơ̆ng myơr kơ klei êđăp ênang, čiăng ngă klei bi doh klei soh kơ sang Israel.

Y-Êsêkiêl 46:11

Hlăm klei knăm leh anăn yan bi kčah leh mnơ̆ng myơr kpŭng ƀhĭ mbĭt hŏng sa drei êmô knô dam srăng jing sa êphah, mbĭt hŏng sa drei biăp knô srăng jing sa êphah, leh anăn mbĭt hŏng êđai biăp srăng jing dŭm tui si ñu dưi brei, mbĭt hŏng sa hin êa boh ôliwơ kơ sa êphah.

Bruă Lêwi 9:15

Leh klei anăn ñu bi êdah mnơ̆ng phung ƀuôn sang myơr. Ñu mă bê mnơ̆ng myơr kyua klei soh phung ƀuôn sang, koh gơ̆, leh anăn myơr gơ̆ kyua klei soh, msĕ si mnơ̆ng myơr kyua klei soh tal êlâo.

Klei Yap 27:23

Ñu ênă kngan ñu ti gơ̆ leh anăn jao bruă kơ gơ̆ tui si klei Yêhôwa mtă leh kơ Y-Môis.

Klei Yap 28:2

“Mtă bĕ kơ phung ƀuôn sang Israel leh anăn lač kơ diñu, ‘Brei diih răng myơr kơ Kâo ti djŏ yan mnơ̆ng myơr kơ Kâo, mnơ̆ng ƀơ̆ng huă kơ Kâo jing mnơ̆ng myơr brei pui ƀơ̆ng, mnâo ƀâo mngưi kơ Kâo.’

Klei Yap 7:15

sa drei êmô knô dam, sa drei biăp knô, sa drei êđai biăp knô mâo sa thŭn jing mnơ̆ng myơr čuh;

Galati 4:10

Diih hdơr mpŭ kơ hruê, mlan, yan, leh anăn thŭn.

Kôlôs 2:16

Kyuanăn đăm brei arăng phat kđi diih ôh kyua mnơ̆ng ƀơ̆ng mnăm, amâodah kyua hruê knăm, hruê mlan mrâo ƀlĕ, amâodah hruê sabat.