Klei Yap 27:21 - Klei Aê Diê Blŭ 2015

²¹ Ñu srăng dôk dơ̆ng ti anăp khua ngă yang Y-Êlêasar, pô srăng êmuh kyua Y-Yôsuê kơ klei phat kđi Urim ti anăp Yêhôwa; tui si klei ñu blŭ diñu srăng kbiă, leh anăn tui si klei ñu blŭ diñu srăng mŭt, Y-Yôsuê wăt jih phung ƀuôn sang Israel mbĭt hŏng ñu, jih jang phung bi kƀĭn.”

Klei Yap 27:21 Iomraidhean Croise

II Y-Samuel 21:1

Êjai tlâo thŭn mâo klei ư̆ êpa hlăm ênuk Y-Đawit. Y-Đawit duah ƀô̆ mta Yêhôwa. Leh anăn Yêhôwa lač, “Mâo klei soh tuh êrah ti Y-Sôl leh anăn phung sang ñu yơh, kyuadah ñu bi mdjiê leh phung Gabaôn.”

Y-Êsra 2:63

Khua kiă kriê čar hưn kơ diñu kơ diñu amâo dưi ƀơ̆ng mnơ̆ng doh jăk hĭn ôh tơl mâo sa čô khua ngă yang êmuh kơ Urim leh anăn Thumim.

Y-Nêhêmi 7:65

Khua kiă kriê lač kơ diñu, diñu amâo dưi ƀơ̆ng ôh mnơ̆ng ƀơ̆ng huă doh jăk hĭn tơl mâo sa čô khua ngă yang mâo Urim leh anăn Thumim kgŭ dơ̆ng hưn klei Aê Diê čiăng.

Klei Kbiă 28:30

Brei ih dưm hlăm mnal đah da klei phat kđi Urim leh anăn Thumim; leh anăn diñu srăng dôk ti dlông tiê boh Y-Arôn tơdah ñu mŭt ti anăp Yêhôwa. Snăn Y-Arôn srăng djă nanao ti dlông tiê boh ñu klei phat kđi phung ƀuôn sang Israel ti anăp Yêhôwa.

Bruă Lêwi 8:8

Ñu dưm mnal đah da ti gơ̆, leh anăn ti mnal đah da ñu dưm Urim leh anăn Thumim.

Y-Malaki 2:7

Kyuadah jing djŏ kơ kƀuê sa čô khua ngă yang srăng pioh klei thâo mĭn, leh anăn arăng srăng duah klei bi hriăm mơ̆ng ƀăng êgei ñu, kyuadah ñu yơh jing pô Yêhôwa kơ phung kahan tiŏ hriê hưn.

Klei Yap 27:17

pô srăng kbiă nao ti anăp diñu leh anăn lŏ mŭt ti anăp diñu, pô srăng atăt diñu kbiă leh anăn atăt diñu mŭt; čiăng kơ phung Yêhôwa bi kƀĭn amâo jing msĕ si phung biăp amâo mâo mgăt ôh.”

Klei Yap 27:2

Diñu dôk dơ̆ng ti anăp Y-Môis, ti anăp Y-Êlêasar khua ngă yang, ti anăp phung khua, leh anăn ti anăp jih jang phung bi kƀĭn ti ƀăng bhă sang čhiăm klei bi kƀĭn, lač,

Klei Yap 27:20

Ih srăng brei kơ ñu đa đa klei dưi ih, čiăng kơ jih jang phung ƀuôn sang Israel bi kƀĭn gưt kơ ñu.

Klei Yap 27:22

Y-Môis ngă tui si klei Yêhôwa mtă leh kơ ñu. Ñu mă Y-Yôsuê leh anăn brei gơ̆ dôk dơ̆ng ti anăp khua ngă yang Y-Êlêasar leh anăn jih jang phung bi kƀĭn.

Klei Yap 27:5

Y-Môis ba klei diñu ti anăp Yêhôwa,

Klei Mtô Mñă Klei Bhiăn 31:3

Yêhôwa, Aê Diê diih, Ñu pô srăng êbat găn êa krông ti anăp diih; Ñu srăng bi rai phung găp djuê anei ti anăp ih, snăn diih srăng mă bha ala čar diñu; leh anăn Y-Yôsuê srăng găn êlâo jing khua diih, tui si Yêhôwa blŭ leh.

Klei Mtô Mñă Klei Bhiăn 33:8

Ñu lač klei djŏ kơ Lêwi: “Brei Thumim ih, leh anăn Urim Ih kơ pô doh jăk Ih, pô Ih lông dlăng leh ti Masa, pô Ih bi tăng leh ti êa Mêriba;

Y-Yôsuê 9:14

Snăn phung khua Israel mă đa đa mnơ̆ng diñu pioh ƀơ̆ng huă, leh anăn diñu amâo êmuh klei kčĕ mnơ̆ng Yêhôwa ôh.

Phung Khua Phat Kđi 1:1

Leh Y-Yôsuê djiê, phung ƀuôn sang Israel êmuh kơ Yêhôwa, “Hlei hlăm phung hmei srăng đĭ nao êlâo bi kdơ̆ng hŏng phung Kanaan, čiăng bi blah hŏng diñu?”

Phung Khua Phat Kđi 20:18

Phung ƀuôn sang Israel kgŭ đĭ nao kơ ƀuôn Bêthel, leh anăn êmuh kơ Aê Diê, “Hlei hlăm phung hmei srăng nao êlâo hĭn bi blah hŏng phung Benjamin?” Yêhôwa lač, “Phung Yuđa srăng nao êlâo.”

Phung Khua Phat Kđi 20:23

Leh anăn phung ƀuôn sang Israel đĭ nao leh anăn hia ti anăp Yêhôwa tơl tlam. Diñu êmuh kơ Yêhôwa, “Hmei srăng lŏ nao giăm čiăng bi blah hŏng phung ayŏng adei hmei phung Benjamin mơ̆?” Yêhôwa lač, “Đĭ nao bi blah hŏng diñu bĕ.”

I Y-Samuel 14:19

Êjai Y-Sôl blŭ kơ khua ngă yang, klei hao hao hlăm kđông phung Philsitin jing ktang hĭn êjai; leh anăn Y-Sôl lač kơ khua ngă yang, “Kñŭn bĕ kngan ih.”

I Y-Samuel 23:9

Tơdah Y-Đawit thâo Y-Sôl trông čhai čiăng ngă jhat kơ ñu; leh anăn ñu lač kơ Y-Abiathar khua ngă yang, “Ba ao êphôt tinei.”

I Y-Samuel 28:6

Tơdah Y-Sôl êmuh kơ Yêhôwa, Yêhôwa amâo lŏ wĭt lač kơ ñu ôh, kăn hŏng klei êpei, hŏng Urim, amâodah hŏng phung khua pô hưn êlâo rei.

I Y-Samuel 30:7

Y-Đawit lač kơ Y-Abiathar khua ngă yang, anak êkei Y-Ahimalek, “Ba bĕ kơ kâo ao êphôt.” Snăn Y-Abiathar djă ba ao êphôt kơ Y-Đawit.