Klei Yap 27:11 - Klei Aê Diê Blŭ 2015

¹¹ Tơdah ama ñu amâo mâo ayŏng adei ôh, diih srăng brei ngăn dưn ñu kơ pô jing găp djuê giăm hŏng ñu, leh anăn gơ̆ srăng dưn ngăn anăn. Klei anăn srăng jing sa klei bhiăn leh anăn klei mtă kơ phung ƀuôn sang Israel, tui si Yêhôwa mtă leh kơ Y-Môis.’ ”

Klei Yap 27:11 Iomraidhean Croise

Y-Yêrêmi 32:8

Snăn Y-Hanamel, knai kâo hriê kơ kâo hlăm wăl anôk phung kahan gak, tui si klei Yêhôwa blŭ, leh anăn lač kơ kâo, ‘Blei bĕ hma kâo ti ƀuôn Anathôt hlăm čar Benjamin, kyuadah klei bhiăn dưi mâo leh anăn bi tui jing djŏ kơ ih; blei bĕ gơ̆ kơ ih pô; snăn kâo thâo klei anăn jing klei Yêhôwa blŭ.’

Bruă Lêwi 25:25

Tơdah ayŏng adei ih jing ƀun, leh anăn čhĭ sa kdriêk lăn ñu, pô jing găp djuê ñu giăm srăng hriê leh anăn bi tui ya ayŏng adei ñu čhĭ leh.

Bruă Lêwi 25:49

amâodah amiêt awa, amâodah dam knai dưi bi tui gơ̆, amâodah sa čô hlăm phung găp djuê gơ̆ giăm dưi bi tui gơ̆; amâodah tơdah gơ̆ hriê kơ mdrŏng gơ̆ dưi bi tui gơ̆ pô.

Klei Yap 27:10

Tơdah ñu amâo mâo ayŏng adei ôh, diih srăng brei ngăn dưn ñu kơ phung ayŏng adei ama ñu.

Klei Yap 35:29

“Klei anei srăng jing kơ diih klei bhiăn leh anăn klei mtă hlăm jih jang ênuk diih, hlăm jih jang anôk diih dôk.

I Y-Samuel 30:25

Mơ̆ng hruê anăn kơ anăp, ñu mjing klei anăn sa klei bhiăn leh anăn sa klei mtă kơ phung Israel truh ti hruê anei.