Klei Yap 26:5 - Klei Aê Diê Blŭ 2015

⁵ Y-Ruben, anak kkiêng tal êlâo kơ Y-Israel, phung anak êkei Y-Ruben: mơ̆ng Y-Hanôk kbiă hriê phung djuê Hanôk; mơ̆ng Y-Palu kbiă hriê phung djuê Palu;

Klei Yap 26:5 Iomraidhean Croise

Klei Mphŭn Dơ̆ng 29:32

H'Lêa ba tian leh anăn kkiêng kơ sa čô anak êkei. Ñu bi anăn gơ̆ Y-Ruben, kyuadah ñu lač, “Yêhôwa dlăng leh kơ klei ênguôt kâo. Kyuanăn sĭt nik ară anei ung kâo srăng khăp kơ kâo.”

Klei Mphŭn Dơ̆ng 35:22

Êjai Y-Israel dôk hlăm čar anăn, Y-Ruben nao đih hŏng H'Bilha mô̆ hjŭng ama ñu; leh anăn Y-Israel hmư̆ klei anăn. Y-Yakôp mâo pluh dua čô anak êkei.

Klei Mphŭn Dơ̆ng 35:23

Phung anak êkei H'Lêa: Y-Ruben anak kkiêng êlâo kơ Y-Yakôp, Y-Simêôn, Y-Lêwi, Y-Yuđa, Y-Isakar, leh anăn Y-Sabulôn.

I Klei Yăl Dliê 5:1

Phung anak êkei Y-Ruben anak tal êlâo kơ Y-Israel (kyuadah arăng kkiêng kơ ñu tal êlâo, ƀiădah kyuadah ñu bi čhŏ leh jhưng pĭt ama ñu, klei jing ayŏng khua arăng jao leh kơ phung anak êkei Y-Yôsep anak êkei Y-Israel, snăn yơh arăng amâo čih anăn ñu ôh hlăm hră răk anăn tui si klei jing ayŏng khua;

I Klei Yăl Dliê 5:3

phung anak êkei Y-Ruben, anak tal êlâo Y-Israel: Y-Hanôk, Y-Palu, Y-Hêsron, leh anăn Y-Karmi.

Klei Kbiă 6:14

Nĕ anei phung khua găp djuê ama diñu: phung anak êkei Y-Ruben, pô Y-Israel kkiêng êlâo hĭn: Y-Hanôk, Y-Palu, Y-Hêsron, leh anăn Y-Karmi. Dŭm anăn phung găp djuê Y-Ruben.

Klei Yap 1:20

Phung Ruben, anak Y-Israel kkiêng tal êlâo, phung anak čô diñu, tui si djuê diñu, tui si sang ama diñu, tui si mrô čih yap anăn diñu, sa čô sa čô, grăp čô êkei mâo dua pluh thŭn kơ dlông, phung dưi nao kơ klei bi blah:

Klei Yap 26:4

“Ngă bĕ klei yap phung ƀuôn sang mơ̆ng pô mâo dua pluh thŭn kơ dlông,” tui si Yêhôwa mtă leh kơ Y-Môis. Phung ƀuôn sang Israel kbiă leh mơ̆ng čar Êjip mâo:

Klei Yap 26:6

mơ̆ng Y-Hêsron kbiă hriê phung djuê Hêsron; mơ̆ng Y-Karmi kbiă hriê phung djuê Karmi.