Klei Yap 26:29 - Klei Aê Diê Blŭ 2015

²⁹ Phung anak êkei Y-Manasê: mơ̆ng Y-Makir kbiă hriê phung djuê Makir; Y-Makir jing ama kơ Y-Galaat; mơ̆ng Y-Galaat kbiă hriê phung djuê Galaat.

Klei Yap 26:29 Iomraidhean Croise

Klei Mphŭn Dơ̆ng 48:14

Y-Israel yơr kngan hnuă ñu leh anăn ênă ti boh kŏ Y-Êphraim adei mda. Leh anăn ñu ênă kngan điâo ñu ti boh kŏ Y-Manasê, tui si ñu čiăng, kyuadah Y-Manasê jing anak kkiêng tal êlâo.

Klei Mphŭn Dơ̆ng 50:23

Y-Yôsep ƀuh phung anak Y-Êphraim truh ti ênuk tal tlâo. Phung anak Y-Makir mơh, anak êkei Y-Manasê, Y-Yôsep pŭ ti kơŭt ñu.

I Klei Yăl Dliê 2:21

Êdei tinăn tơdah Y-Hêsron mâo leh năm pluh thŭn, ñu dôk mô̆ hŏng anak mniê Y-Makir, ama Y-Galaat; leh anăn gơ̆ kkiêng kơ ñu Y-Sêgup;

Klei Yap 36:1

Phung khua phung sang ama găp djuê phung anak êkei Galaat anak êkei Y-Makir, čô Y-Manasê, mơ̆ng sang ama phung anak êkei Yôsep nao giăm leh anăn blŭ ti anăp Y-Môis leh anăn ti anăp phung khua gai gĭt, phung khua kơ sang ama phung ƀuôn sang Israel.

Klei Mtô Mñă Klei Bhiăn 3:15

Kâo brei čar Galaat kơ Y-Makir.

Y-Yôsuê 17:1

Leh anăn arăng bi mbha čar kơ phung găp djuê Manasê, kyuadah ñu jing anak Y-Yôsep kkiêng êlâo hĭn. Kơ Y-Makir, anak êkei Y-Manasê kkiêng êlâo hĭn, jing ama Y-Galaat, arăng brei čar Galaat leh anăn čar Basan, kyuadah ñu jing mnuih bi blah.

Phung Khua Phat Kđi 5:14

Mơ̆ng Êphraim truh phung mâo phŭn Amalek, tui tluôn ih, mâo Benjamin, mbĭt hŏng phung ƀuôn sang ih; phung khua kahan hriê mơ̆ng Makir, leh anăn mâo wăt phung khua kahan hriê mơ̆ng Sabulôn.