Klei Yap 24:9 - Klei Aê Diê Blŭ 2015

⁹ Diñu lua, diñu đih msĕ si sa drei êmông gu knô, msĕ si sa drei êmông gu ana; hlei pô srăng bi mdih diñu? Jăk mơak yơh kơ hlei pô srăng brei klei jăk jĭn kơ ih; tăm pah hĕ kơ hlei pô srăng tăm pah kơ ih.”

Klei Yap 24:9 Iomraidhean Croise

Klei Mphŭn Dơ̆ng 12:3

Kâo srăng brei klei jăk jĭn kơ hlei pô brei klei jăk jĭn kơ ih; Kâo srăng tăm pah kơ hlei pô tăm pah kơ ih; leh anăn hlăm ih jih jang găp djuê mnuih hlăm lăn ala srăng mâo klei jăk jĭn.”

Klei Mphŭn Dơ̆ng 27:29

Brei lu mnuih ƀuôn sang jing dĭng buăl ih, leh anăn lu phung găp djuê buôn ti anăp ih. Brei ih jing khua kơ phung adei ih, leh anăn brei phung anak êkei amĭ ih buôn ti anăp ih. Brei hlei pô tăm pah ih jing mnuih arăng tăm pah; leh anăn brei hlei pô ngă klei jăk jĭn kơ ih mâo klei jăk jĭn.”

Klei Mphŭn Dơ̆ng 49:9

Y-Yuđa jing sa drei êđai êmông gu; Ơ dam, ih đĭ nao leh mơ̆ng mnơ̆ng ih hiêk ƀơ̆ng. Ñu buôn, ñu lua msĕ si sa drei êmông gu, msĕ si sa drei ana êmông gu; hlei pô jhŏng bi mdih ñu?

I Bruă Mtao 10:20

leh anăn mâo pluh dua boh rup êmông gu dôk dơ̆ng tinăn, sa boh rup ti jih dua nah ti grăp năm tal boh êñan. Arăng amâo tuôm ngă msĕ snăn ôh hlăm ƀuôn ala mtao mkăn.

II Klei Yăl Dliê 9:18

Jhưng mtao anăn mâo năm tal leh anăn sa mnơ̆ng trông jơ̆ng hŏng mah, dŏ anăn bi đuôm hŏng jhưng mtao, leh anăn ti grăp djiêô mdhô̆ mâo anôk dưh kngan leh anăn dua drei rup êmông gu dôk dơ̆ng ti djiêô anôk dưh kngan,

H'Êsther 6:13

Y-Haman yăl dliê kơ mô̆ ñu H'Sêres leh anăn kơ jih jang phung mah jiăng ñu grăp mta klei truh leh kơ ñu. Snăn phung knhâo ñu leh anăn mô̆ ñu H'Sêres lač kơ ñu, “Tơdah Y-Môrdêkai, jing sa čô Yuđa, ti anăp ñu ih dơ̆ng lĕ leh, ih amâo srăng dưi hŏng ñu ôh, ƀiădah sĭt nik ih srăng êbuh ti anăp ñu.”

Y-Yôp 41:10

Amâo mâo ôh sa čô ktang jhŏng čuih ai ñu. Snăn, hlei pô dưi bi kdơ̆ng hŏng Kâo?

Klei Mmuñ Hđăp 122:6

Wah lač bĕ kơ klei êđăp ênang ƀuôn Yêrusalem; brei phung khăp kơ ih mâo klei đĭ kyar!

Klei Mmuñ Hđăp 2:12

Čŭm Anak huĭdah Ñu ăl, leh anăn diih rai luč hlăm êlan diih, kyuadah klei Ñu ngêñ srăng djăl đĭ. Jăk mơak yơh jih jang phung kđap hlăm Ñu.

Klei Kbiă 23:22

Ƀiădah tơdah ih dôk hmư̆ asăp ñu leh anăn ngă jih klei Kâo srăng lač, snăn Kâo srăng jing roh hŏng phung roh ih, leh anăn Pô kdơ̆ng hŏng phung bi kdơ̆ng hŏng ih.

Y-Êsai 31:4

Kyuadah snei Yêhôwa lač leh kơ kâo: “Msĕ si êmông gu amâodah êđai êmông gu grêñ giăm mnơ̆ng ñu mă leh, leh anăn wăt tơdah arăng iêô phung mgăt biăp čiăng ngă kơ ñu, ñu amâo huĭ ôh kơ asăp digơ̆, kăn rŭng rei kyua ênai digơ̆, msĕ snăn mơh Yêhôwa kơ phung kahan srăng trŭn hriê bi blah ti čư̆ Siôn leh anăn ti kbuôn ñu.

Y-Mika 5:8

Leh anăn kdrêč adôk mơ̆ng Yakôp srăng dôk ti krah phung găp djuê mnuih, ti krah lu phung ƀuôn sang, msĕ si sa drei êmông gu ti krah hlô dliê, msĕ si sa drei êđai êmông gu ti krah lu biăp, tơdah ñu găn, ñu juă leh anăn hiêk đơ điêt, leh anăn amâo mâo pô dưi bi mtlaih ôh.

Klei Yap 22:12

Aê Diê lač kơ Y-Balaam, “Đăm ih nao mbĭt hŏng phung anăn ôh; đăm ih tăm pah kơ phung ƀuôn sang anei ôh, kyuadah diñu jing phung mâo leh klei hơêč hmưi.”

Klei Yap 22:6

Hriê tăm pah bĕ kơ phung ƀuôn sang anei, kyuadah diñu jing ktang hĭn kơ kâo. Năng ai kâo srăng dưi hŏng diñu leh anăn suôt diñu mơ̆ng čar; kyuadah kâo thâo hlei pô ih hơêč hmưi mâo klei hơêč hmưi yơh, leh anăn hlei pô ih tăm pah mâo klei tăm pah yơh.”

Klei Yap 23:24

Nĕ anei sa phung ƀuôn sang kgŭ msĕ si sa drei êmông gu ana, leh anăn diñu dôk dơ̆ng msĕ si sa drei êmông gu knô. Ñu amâo đih ôh tơl ñu kĕ ƀơ̆ng leh knuôp ñu, leh anăn mnăm leh êrah mnơ̆ng ñu bi mdjiê leh.”

Klei Yap 24:10

Y-Balak čuh ai ngêñ kơ Y-Balaam, leh anăn ñu pah kngan ñu ktang; leh anăn Y-Balak lač kơ Y-Balaam, “Kâo iêô ih leh brei tăm pah kơ phung roh kâo, leh anăn nĕ anei, ih hơêč hmưi kơ diñu leh tlâo blư̆ hŏng anei.

Y-Mathiơ 25:40

Leh anăn Mtao srăng lŏ wĭt lač kơ diñu, ‘Sĭt nik Kâo lač kơ diih, êjai diih ngă leh klei anăn kơ sa čô hlăm phung ayŏng adei Kâo đơ điêt anei jing klei diih ngă leh kơ Kâo yơh.’

Y-Mathiơ 25:45

Ñu srăng lŏ wĭt lač kơ phung anăn, ‘Sĭt nik Kâo lač kơ diih, tơdah diih amâo tuôm ngă klei anăn kơ sa čô hlăm phung đơ điêt anei, jing msĕ si diih amâo tuôm ngă kơ Kâo ôh.’

Bruă Phung Khua Ƀĭng Kna 9:5

Ñu lač, “Hlei ih, Ơ Khua Yang?” Khua Yang lač, “Kâo gơ̆, Yêsu, Pô ih ngă jhat.

Klei Mtô Mñă Klei Bhiăn 30:7

Yêhôwa, Aê Diê diih srăng bi lĕ jih jang klei tăm pah anei ti dlông phung ngă kơ diih leh anăn phung roh diih, phung bi knap diih.