Klei Yap 24:7 - Klei Aê Diê Blŭ 2015

⁷ Êa srăng đoh mơ̆ng thŭng diñu, leh anăn mjeh diñu srăng dôk hlăm lu anôk êa. Mtao diñu srăng jing prŏng hĭn kơ Y-Agak, leh anăn ƀuôn ala mtao diñu srăng hriê kơ đĭ.

Klei Yap 24:7 Iomraidhean Croise

II Y-Samuel 5:12

Y-Đawit thâo kơ Yêhôwa mjing ñu leh mtao kiă kriê phung Israel, leh anăn bi mđĭ ƀuôn ala mtao ñu kyua phung ƀuôn sang Gơ̆ Israel.

I Bruă Mtao 4:21

Y-Salômôn kiă kriê jih jang ƀuôn ala mtao dơ̆ng mơ̆ng êa krông Ơprat truh kơ čar phung Philistin, leh anăn truh kơ knông lăn čar Êjip. Diñu tuh jia leh anăn mă bruă kơ Y-Salômôn jih hruê gơ̆ dôk hdĭp.

I Bruă Mtao 5:1

Y-Hiram mtao ƀuôn Tir tiŏ nao phung dĭng buăl ñu kơ Y-Salômôn tơdah ñu hmư̆ leh arăng trôč êa ƀâo mngưi kơ ñu brei jing mtao čuê ama ñu. Kyuadah Y-Hiram khăp nanao kơ Y-Đawit.

I Klei Yăl Dliê 14:2

Y-Đawit thâo kơ Yêhôwa mjing ñu leh mtao kiă kriê phung Israel, leh anăn thâo kơ ƀuôn ala mtao mâo klei arăng mpŭ kyua phung ƀuôn sang ñu phung Israel.

Y-Êsra 4:20

Tuôm mâo leh phung mtao ktang kiă kriê ƀuôn Yêrusalem, phung kiă kriê leh jih kluôm čar Nah yŭ Êa Krông Ơphrat, leh anăn arăng tuh jia lăn, jia asei, leh anăn blei hră êrô êbat kơ diñu.

H'Êsther 3:1

Leh klei anăn, Mtao Asuêrus bi mđĭ Y-Haman êkei Agak, anak êkei Y-Hamêdatha, leh anăn brei ñu dôk ti anôk dlông hĭn kơ jih jang phung khua mbĭt hŏng ñu.

Klei Mmuñ Hđăp 18:43

Ih bi mtlaih kâo leh mơ̆ng klei phung ƀuôn sang bi kdơ̆ng hŏng kâo; Ih brei kâo jing khua kơ phung găp djuê mnuih; phung ƀuôn sang kâo amâo thâo kral ôh mă bruă leh kơ kâo.

Klei Mmuñ Hđăp 68:26

“Mpŭ mni kơ Aê Diê hlăm klei bi kƀĭn prŏng, bi mni bĕ kơ Yêhôwa, Ơ phung anak čô Israel.”

Klei Mmuñ Hđăp 72:11

Brei jih jang phung mtao buôn ti anăp ñu, brei jih jang găp djuê mă bruă kơ ñu!

Klei Mmuñ Hđăp 89:27

Leh anăn Kâo srăng brei ñu jing anak êkei Kâo kkiêng tal êlâo, mtao prŏng hĭn kơ phung mtao ti lăn ala.

Y-Êsai 2:2

Hlăm ênuk knhal tuč čư̆ sang yang Yêhôwa arăng srăng mđĭ brei jing čŏng čư̆ dlông hĭn, leh anăn bi mđĭ ñu ti dlông jih jang kbuôn; leh anăn jih jang găp djuê mnuih srăng kluh nao kơ ñu.

Y-Êsai 30:25

Ti dlông jih jang čư̆ dlông leh anăn kbuôn kngư srăng mâo êa hnoh đoh, ti hruê mâo klei bi mdjiê prŏng tơdah kđông klưh.

Y-Êsai 48:1

“Dôk hmư̆ bĕ klei anei, Ơ sang Yakôp, phung arăng bi anăn Israel, phung kbiă hriê mơ̆ng akŏ êa Yuđa, phung kat asei hŏng anăn Yêhôwa, leh anăn kwưh kơ Aê Diê phung Israel, amâo djŏ hŏng klei sĭt nik kăn hŏng klei kpă ênô rei.

Y-Êsai 9:7

Amâo srăng mâo knhal ôh kơ klei đĭ kyar klei Ñu kiă kriê leh anăn klei êđăp ênang, ti jhưng mtao Y-Đawit leh anăn kơ ƀuôn ala mtao Ñu, čiăng bi kjăp leh anăn krơ̆ng gơ̆ hŏng klei djŏ leh anăn hŏng klei kpă ênô mơ̆ng hruê anăn nanao hlŏng lar. Klei hur har Yêhôwa kơ phung kahan srăng ngă sĭt klei anăn.

Y-Yêrêmi 51:13

Ih, ơ pô dôk leh giăm lu hnoh êa, mdrŏng hŏng ngăn drăp, klei knhal tuč kơ ih truh leh, truh leh mông arăng srăng bi rai ih.

Y-Đaniel 2:44

Hlăm ênuk phung mtao anăn, Aê Diê hlăm adiê srăng mdơ̆ng sa boh ƀuôn ala mtao amâo srăng tuôm rai luč ôh, kăn klei kiă kriê anăn srăng lĕ kơ găp djuê mkăn rei, ƀiădah ƀuôn ala mtao Aê Diê srăng bi mčah leh anăn bi rai jih jang ƀuôn ala mtao anei, leh anăn ñu srăng dôk nanao hlŏng lar.

Klei Yap 24:20

Leh anăn Y-Balaam ƀuh phung Amalek leh anăn hưn klei bi êdah ñu mâo leh, lač, “Phung Amalek jing phung mrô sa hlăm phung găp djuê mnuih, ƀiădah ti knhal tuč diñu srăng rai.”

Y-Yôhan 1:49

Y-Natanel lŏ wĭt lač kơ Yêsu, “Ơ Nai, Ih jing Anak Aê Diê! Ih jing Mtao phung Israel!”

Klei Bi Êdah 11:15

Leh anăn dĭng buăl jăk tal kjuh ayŭ ki ñu, leh anăn mâo hlăm adiê lu asăp kraih lač, “Ƀuôn ala mtao lăn ala jing leh ƀuôn ala mtao Khua Yang drei leh anăn Krist Ñu, leh anăn Ñu srăng kiă kriê hlăm jih jang ênuk.”

Klei Bi Êdah 17:1

Êdei tinăn sa čô hlăm phung kjuh čô dĭng buăl jăk djă kjuh boh êlŭ hriê leh anăn lač kơ kâo, “Hriê bĕ, kâo srăng ktrâo kơ ih klei phat kđi kơ mniê knhông prŏng, pô dôk gŭ ti dlông lu êa.

Klei Bi Êdah 17:15

Leh anăn dĭng buăl jăk lač kơ kâo, “Êa ih ƀuh anăn, anôk mniê knhông dôk gŭ, jing phung ƀuôn sang, phung lu, phung găp djuê mnuih, leh anăn phung blŭ klei mdê mdê.

Klei Bi Êdah 19:16

Arăng čih ti ao jhung Ñu leh anăn ti pha Ñu sa anăn, Mtao kơ phung mtao leh anăn Khua Yang kơ phung khua yang.