Klei Yap 24:6 - Klei Aê Diê Blŭ 2015

⁶ Jing msĕ si tlung yah bi prŏng, msĕ si war djam ti djiêô êa krông, msĕ si ana kyâo alôê Yêhôwa pla leh, msĕ si ana kyâo sêdar ti djiêô hnoh êa.

Klei Yap 24:6 Iomraidhean Croise

Klei Mphŭn Dơ̆ng 13:10

Y-Lot kngưr ală dlăng kơ jih lăn dap êa krông Yurdan truh kơ Ƀuôn Sôar, djăp anôk mâo êa sơăi, jing msĕ si war djam Khua Yang, msĕ si čar Êjip. Ka Khua Yang bi rai ôh ƀuôn Sôdôm leh anăn ƀuôn Gômôrơ.

Klei Mmuñ Hđăp 1:3

Ñu jing msĕ si sa ƀĕ ana kyâo pla giăm êa hnoh, mboh tơdah truh yan gơ̆; wăt hla ñu amâo thâo krô ôh, leh anăn jih klei ñu ngă srăng jing.

Klei Mmuñ Hđăp 104:16

Kyâo Yêhôwa, ana kyâo sêdar čar Liƀan Ñu pla leh, arăng krih lu êa leh.

Klei Mmuñ Hđăp 45:8

Jih jang čhiăm ao ih bi ƀâo mngưi hŏng êa mir, alôê, leh anăn kas; klei arăng pĕ đĭng brô̆ bi mơak kơ ih hlăm sang mtao ngă hŏng mla.

Klei Mmuñ Siam Hĭn 6:11

Kâo trŭn nao kơ đang ana boh čiăng dlăng kơ mnga hlăm tlung, čiăng ƀuh thâodah phŭn boh kriăk ƀâo bi knăt leh, thâodah boh pomgranat bi mnga leh.

Y-Êsai 41:19

Kâo srăng dưm hlăm dliê êhŏng ana kyâo sêdar, ana kyâo akasi, ana kyâo mirtơ, leh anăn ana kyâo ôliwơ. Kâo srăng dưm mđrăm mbĭt hlăm kdrăn tač ana kyâo čiprơ, ana kyâo hngô, leh anăn ana kyâo buis,

Y-Êsai 58:11

Yêhôwa srăng atăt ih nanao; Ñu srăng bi trei ih hlăm anôk lăn yang hruê hơr, leh anăn Ñu srăng brei klang ih jing ktang. Ih srăng jing msĕ si sa boh war djam arăng krih êa, msĕ si sa akŏ êa amâo thâo khuôt ôh.

Y-Yêrêmi 17:18

Brei phung ngă jhat kơ kâo mâo klei hêñ, ƀiădah amâo djŏ kâo ôh, brei diñu yơh jing huĭ hyưt, ƀiădah amâo djŏ kâo ôh. Bi truh kơ diñu ênuk jhat, bi rai diñu dua blư̆ lu hĭn!

Y-Yêrêmi 31:12

Digơ̆ srăng truh leh anăn mmuñ kraih ti dlông čư̆ Siôn, leh anăn digơ̆ srăng hơ̆k mơak kyua klei jăk Yêhôwa, kyua mdiê, kpiê leh anăn êa prăi boh ôliwơ, leh anăn kyua lu êđai biăp bê leh anăn êmô aseh; mngăt diñu srăng jing msĕ si war djam msah hĕ hŏng êa, leh anăn diñu amâo srăng lŏ ênguôt ôh.

Y-Êsêkiêl 47:12

Ti hang jih dua nah êa krông, djăp mta ana kyâo mâo boh ƀơ̆ng srăng čăt. Hla diñu amâo srăng dliu ôh, boh diñu kăn srăng kƀah rei, ƀiădah grăp mlan diñu srăng mâo boh mrâo, kyuadah êa đoh mơ̆ng adŭ doh jăk pioh kơ diñu. Boh diñu pioh jing mnơ̆ng ƀơ̆ng, leh anăn hla diñu pioh kơ klei bi hlao.”

Y-Yôel 3:18

Hlăm hruê anăn kpiê mrâo mmih srăng rôč mơ̆ng čư̆, êa ksâo êmô srăng đoh mơ̆ng kbuôn, leh anăn jih jang anôk hnoh êa čar Yuđa srăng mâo êa đoh, leh anăn sa bĭt akŏ êa srăng ƀlĕ mơ̆ng sang Yêhôwa, leh anăn krih tlung Sitim.

Klei Yap 24:5

Ơ Y-Yakôp, siam snăk sang čhiăm ih, Ơ Y-Israel, siam snăk anôk ih dôk jưh!