Klei Yap 24:18 - Klei Aê Diê Blŭ 2015

¹⁸ Êđôm jing phung arăng srăng plah mă, Sêir srăng jing lăn arăng kiă kriê, êjai phung Israel đĭ hriê jhŏng ktang hĭn.

Klei Yap 24:18 Iomraidhean Croise

Klei Mphŭn Dơ̆ng 27:29

Brei lu mnuih ƀuôn sang jing dĭng buăl ih, leh anăn lu phung găp djuê buôn ti anăp ih. Brei ih jing khua kơ phung adei ih, leh anăn brei phung anak êkei amĭ ih buôn ti anăp ih. Brei hlei pô tăm pah ih jing mnuih arăng tăm pah; leh anăn brei hlei pô ngă klei jăk jĭn kơ ih mâo klei jăk jĭn.”

Klei Mphŭn Dơ̆ng 27:40

Ih srăng dôk hdĭp hŏng đao gưm ih, leh anăn jing dĭng buăl kơ adei ih. Ƀiădah êjai ih hiu hdĭp tinei tinăn, ih srăng bi joh hĕ knông ñu mơ̆ng kkuê ih.”

Klei Mphŭn Dơ̆ng 32:3

Y-Yakôp tiŏ nao phung mnuih êlâo kơ ñu hưn kơ ayŏng ñu Y-Êsâo ti čar Sêir hlăm ala čar Êđôm.

II Y-Samuel 8:14

Ñu ngă đa đa kđông kahan hlăm čar Êđôm, ñu ngă kđông kahan tar ƀar čar Êđôm, leh anăn jih jang phung Êđôm jing dĭng buăl kơ Y-Đawit. Yêhôwa brei klei dưi kơ Y-Đawit grăp anôk ñu nao.

I Bruă Mtao 11:14

Yêhôwa bi mđĭ sa čô roh hŏng Y-Salômôn, Y-Hadat êkei Êđôm; ñu jing sa čô hlăm sang mtao Êđôm.

I Bruă Mtao 11:15

Kyuadah tơdah Y-Đawit dôk hlăm čar Êđôm leh anăn Y-Jôap khua kơ phung kahan đĭ nao dơr phung djiê, ñu bi mdjiê jih jang phung êkei hlăm čar Êđôm

Klei Mmuñ Hđăp 60:1

Ơ Aê Diê, Ih hngah kơ hmei leh, hmei bra đuĕ leh; Ih ăl leh, ară anei lŏ kơrŭ hmei bĕ.

Y-Êsai 34:5

Tơdah đao gưm Kâo mnăm trei leh hlăm adiê; nĕ anei, ñu srăng trŭn čiăng phat kđi čar Êđôm, phung ƀuôn sang Kâo tăm pah leh.

Y-Êsai 63:1

Hlei Pô anei hriê mơ̆ng čar Êđôm, mơ̆ng ƀuôn Bôsra hơô čhiăm ao hrah, čhiăm ao guh kơang, êbat phă anăp hŏng klei ktang myang Ñu? “Kâo gơ̆ yơh, Pô hưn klei kpă ênô, Pô myang dưi bi mtlaih.”

Y-Amôs 9:11

“Hlăm hruê anăn Kâo srăng lŏ mdơ̆ng sang čhiăm Y-Đawit klưh leh, leh anăn lŏ mkra ƀăng hluh ñu, leh anăn srăng lŏ mdơ̆ng dŏ ñu rai leh, leh anăn lŏ mdơ̆ng ñu msĕ si ênuk mphŭn dô,

Y-Amôs 9:12

čiăng kơ phung Êđôm adôk leh anăn jih jang găp djuê mnuih arăng iêô hŏng anăn Kâo dưi jing dŏ diñu,” Ñu yơh Pô ngă klei anăn, Yêhôwa lač.

Y-Apđia 1:2

Nĕ anei, Kâo srăng brei ih jing điêt ti krah phung găp djuê mnuih, arăng srăng bi êmut kơ ih lu snăk.

Klei Yap 20:18

Ƀiădah Êđôm lač kơ ñu, “Ih amâo dưi găn ôh, tơ găn mgô̆ kâo srăng kbiă hŏng đao gưm bi blah hŏng ih.”

Klei Yap 24:19

Sa čô mơ̆ng phung Yakôp srăng kiă kriê leh anăn srăng bi rai hlei pô tlaih leh mơ̆ng ƀuôn prŏng.”