Klei Yap 24:16 - Klei Aê Diê Blŭ 2015

¹⁶ klei blŭ mơ̆ng pô hmư̆ klei Aê Diê blŭ, leh anăn thâo săng klei Pô Ti Dlông Hĭn thâo mĭn, pô ƀuh klei bi ƀuh mơ̆ng Pô Mâo Jih Klei Myang, pô lĕ buh, ƀiădah mâo ală pŏk leh.

Klei Yap 24:16 Iomraidhean Croise

Klei Mphŭn Dơ̆ng 14:18

Y-Mêlkisadek mtao ƀuôn Salem djă ba mdơ̆ng kpŭng leh anăn kpiê. Y-Mêlkisadek jing khua ngă yang kơ Aê Diê, Pô Ti Dlông Hĭn.

Klei Mphŭn Dơ̆ng 17:1

Tơdah Y-Abram mâo dua păn pluh dua păn thŭn, Khua Yang bi êdah kơ Y-Abram, lač kơ ñu, “Kâo jing Aê Diê Pô Mâo Jih Klei Myang. Êbat bĕ ti anăp Kâo leh anăn brei ih jing pô amâo mâo klei arăng dưi ƀuah ôh.

Klei Yap 24:15

Ñu hưn klei bi êdah ñu mâo leh, lač, “Klei Y-Balaam anak êkei Y-Bêor blŭ, klei blŭ mơ̆ng mnuih mâo ală pŏk leh,

Klei Yap 24:17

Kâo ƀuh ñu, ƀiădah amâo djŏ ară anei ôh; kâo dlăng kơ ñu, ƀiădah amâo djŏ giăm ôh. Sa asăr mtŭ srăng ƀlĕ mơ̆ng phung Yakôp, leh anăn sa ƀĕ giê mtao srăng kbiă mơ̆ng phung Israel. Ñu srăng bi mčah adhei čar Môap, leh anăn bi êbuh jih jang phung anak êkei Y-Set.

Klei Yap 24:3

Ñu hưn klei bi êdah ñu mâo leh, lač, “Klei Y-Balaam anak êkei Y-Bêor blŭ, klei mnuih mâo ală pŏk blŭ,

Klei Yap 24:4

klei blŭ mơ̆ng pô hmư̆ leh klei Aê Diê blŭ, pô ƀuh leh klei bi ƀuh mơ̆ng Pô Mâo Jih Klei Myang, pô lĕ buh, ƀiădah mâo ală pŏk leh:

I Kôrantô 13:2

Tơdah kâo mâo klei dưi hưn êlâo, leh anăn thâo jih klei hgăm leh anăn mâo jih klei thâo săng, leh anăn tơdah kâo mâo jih klei đăo tơl dưi bi klưh čư̆, ƀiădah amâo mâo klei khăp ôh, kâo jing hơăi mang.

I Kôrantô 8:1

Bi kơ mnơ̆ng arăng myơr leh kơ rup yang: drei thâo “jih jang drei mâo leh klei thâo săng.” “Klei thâo săng” bi mgao arăng, ƀiădah klei khăp bi mđĭ ai.