Biblia Todo Logo
Bìoball air-loidhne

- Sanasan -




Klei Yap 24:14 - Klei Aê Diê Blŭ 2015

14 Leh anăn nĕ ară anei, kâo nao kơ phung ƀuôn sang kâo pô. Hriê bĕ, kâo srăng hưn kơ ih ya phung ƀuôn sang anei srăng ngă kơ phung ƀuôn sang ih hruê êdei anăp.”

Faic an caibideil Dèan lethbhreac




Klei Yap 24:14
16 Iomraidhean Croise  

Y-Yakôp iêô phung anak êkei ñu leh anăn lač, “Bi kƀĭn bĕ diih, čiăng kơ kâo dưi hưn klei srăng truh kơ diih hlăm ênuk êdei.


Arăng srăng bi kƀĭn diñu msĕ si arăng bi kƀĭn phung mnă hlăm ƀăng, arăng srăng krư̆ diñu hlăm war mnă; leh anăn êgao lu hruê, arăng srăng bi kmhal diñu.


Ăt Kâo srăng brei klei jăk jĭn kơ čar Môap, ƀiădah hlăm ênuk knhal tuč,” Yêhôwa lač. Snăn yơh jing klei phat kđi kơ čar Môap.


“Ƀiăđah hlăm ênuk êdei Kâo srăng lŏ bi wĭt klei mdrŏng kơ phung Êlam,” Yêhôwa lač.


Ară anei kâo hriê čiăng brei ih thâo săng klei srăng truh kơ phung ƀuôn sang ih hlăm ênuk knhal tuč, kyuadah klei bi ƀuh djŏ kơ ênuk êdei.”


Ƀiădah mâo Aê Diê hlăm adiê bi êdah klei hgăm, leh anăn Ñu brei mtao Nebukatnetsar thâo klei srăng truh hlăm ênuk knhal tuč. Klei ih êpei ƀuh leh anăn klei ih bi ƀuh êjai ih đih ti jhưng pĭt ih snei:


Êdei kơ klei anăn phung anak čô Israel srăng lŏ wĭt leh anăn tui duah Yêhôwa Aê Diê diñu, leh anăn Y-Đawit mtao diñu. Diñu srăng hriê hŏng klei huĭ mpŭ kơ Yêhôwa leh anăn hriê mă tŭ klei jăk jĭn Ñu hlăm ênuk knhal tuč.


Ơ ƀuôn sang Kâo, brei ih hdơr ya klei Y-Balak mtao čar Môap kčĕ, leh anăn ya klei Y-Balaam anak êkei Y-Bêor lŏ wĭt lač kơ ñu; leh anăn hdơr bĕ ya truh leh mơ̆ng ƀuôn Sitim truh ti ƀuôn Gilgal, čiăng kơ ih thâo bruă kpă Yêhôwa ngă.”


Kâo ƀuh ñu, ƀiădah amâo djŏ ară anei ôh; kâo dlăng kơ ñu, ƀiădah amâo djŏ giăm ôh. Sa asăr mtŭ srăng ƀlĕ mơ̆ng phung Yakôp, leh anăn sa ƀĕ giê mtao srăng kbiă mơ̆ng phung Israel. Ñu srăng bi mčah adhei čar Môap, leh anăn bi êbuh jih jang phung anak êkei Y-Set.


Leh klei anăn Y-Balaam kgŭ lŏ wĭt kơ anôk ñu pô; msĕ mơh Y-Balak đuĕ nao êlan ñu pô.


‘Aê Diê lač, Hlăm ênuk knhal tuč srăng truh snei: Kâo srăng tuh Mngăt Myang Kâo ti jih jang kđeh; phung anak êkei leh anăn anak mniê diih srăng hưn êlâo, phung êkei hlăk ai diih srăng mâo klei bi ƀuh, leh anăn phung êkei mduôn diih srăng mâo klei êpei.


Ƀiădah brei ih thâo săng klei anei, hlăm hruê knhal tuč srăng mâo ênuk dleh.


Đơ hlăm phung diñu phung ƀuôn sang Israel bi mdjiê leh hŏng đao gưm, mâo wăt Y-Balaam anak êkei Y-Bêor, pô hưn êlâo.


Đăm huĭ ôh kơ klei knap mñai ih srăng tŭ. Nĕ anei yang jhat srăng hwiê hlăm war mnă đa đa hlăm phung diih; čiăng lông dlăng diih; leh anăn êjai pluh hruê diih srăng mâo klei knap mñai. Brei ih dôk sĭt suôr tơl djiê, leh anăn Kâo srăng brei kơ ih đuôn mtao klei hdĭp.


Ƀiădah Kâo mâo đa đa klei hŏng ih: ih mâo tinăn đa đa mnuih tui hlue klei Y-Balaam mtô. Ñu bi hriăm Y-Balak ngă sa klei mplư bi têč hnêč kơ phung anak čô Israel, čiăng kơ digơ̆ ƀơ̆ng mnơ̆ng arăng myơr leh kơ rup yang leh anăn ngă klei knhông.


Lean sinn:

Sanasan


Sanasan