Klei Yap 23:9 - Klei Aê Diê Blŭ 2015

⁹ Kyuadah mơ̆ng čŏng čư̆ kâo ƀuh ñu, mơ̆ng kbuôn kâo dlăng kơ ñu; nĕ anei, sa phung ƀuôn sang dôk hjăn, leh anăn amâo yap ñu pô mbĭt hŏng phung găp djuê mnuih ôh!

Klei Yap 23:9 Iomraidhean Croise

Y-Êsra 9:2

Kyuadah diñu mă leh đa đa mơ̆ng phung anak mniê digơ̆ brei jing mô̆ kơ diñu pô leh anăn kơ phung anak êkei diñu, tơl găp djuê doh jăk bi lŭk leh diñu pô hŏng phung ƀuôn sang hlăm čar. Hlăm klei amâo dôk sĭt suôr anei phung khua leh anăn phung khua knơ̆ng hlăm phung ƀuôn sang jing phung êlâo hĭn ngă klei anăn.”

H'Êsther 3:8

Y-Haman lač kơ Mtao Asuêrus, “Mâo sa phung ƀuôn sang bra dôk tar ƀar leh anăn dôk mbĭt hŏng phung ƀuôn sang hlăm jih jang čar ƀuôn ala mtao ih. Klei bhiăn diñu mdê hŏng klei bhiăn jih jang phung ƀuôn sang mkăn, leh anăn diñu amâo djă pioh ôh klei bhiăn mtao, tơl amâo jing jăk ôh kơ mtao tŭ diñu ngă snăn.

Klei Kbiă 33:16

Kyuadah si arăng srăng thâo sĭt kơ kâo mâo leh klei pap ti anăp ală Ih, kâo leh anăn phung ƀuôn sang Ih? Amâo djŏ hĕ hŏng klei Ih nao mbĭt hŏng hmei, snăn hmei srăng jing phung mdê, kâo leh anăn phung ƀuôn sang Ih, mơ̆ng jih jang phung ƀuôn sang mkăn dôk ti rŏng lăn ala?”

Y-Yêrêmi 46:28

Đăm huĭ ôh, Ơ phung Yakôp, phung dĭng buăl Kâo,” Yêhôwa lač, “kyuadah Kâo dôk mbĭt hŏng diih, Kâo srăng bi rai luč jih jang phung găp djuê mnuih ti krah diñu Kâo suôt leh diih, ƀiădah bi kơ diih, Kâo amâo srăng bi rai jih ôh. Kâo srăng mkra diih djŏ hnơ̆ng, leh anăn Kâo amâo lui ôh diih tlaih mơ̆ng klei bi kmhal.”

Y-Yêrêmi 49:31

“Kgŭ bĕ, ksŭng ngă kơ sa găp djuê mnuih dôk êđăp ênang, phung dôk hơĭt,” Yêhôwa lač, “sa phung găp djuê amâo mâo ƀăng jang, kăn mâo giê kal rei, sa phung dôk hjăn.

Y-Amôs 9:9

“Kyuadah nĕ anei, Kâo srăng mtă leh anăn êyuh sang Israel ti krah jih jang găp djuê mnuih, msĕ si arăng êyuh hŏng mnơ̆ng hdei, ƀiădah amâo mâo sa asăr điêt srăng lĕ ti lăn ôh.

Y-Mika 7:14

Kiă kriê phung ƀuôn sang ih hŏng giê knuăk ih, jih jang biăp jing ngăn dưn ih, phung dôk hjăn hlăm kmrơ̆ng ti krah Karmel; brei diñu ƀơ̆ng rơ̆k ti čar Basan leh anăn hlăm čar Galaat msĕ si ênuk đưm đă.

II Kôrantô 6:17

Kyuanăn kbiă bĕ diih mơ̆ng krah diñu, leh anăn bi ktlah bĕ mơ̆ng diñu, Khua Yang lač, leh anăn đăm ruêh ôh mnơ̆ng čhŏ, snăn Kâo srăng jum diih;

Klei Mtô Mñă Klei Bhiăn 32:8

Tơdah Pô Ti Dlông Hĭn brei leh kơ phung găp djuê mnuih ngăn dưn diñu, tơdah Ñu bi ktlah phung anak mnuih, Ñu bi kčah kdriêl phung ƀuôn sang tui si dŭm čô phung anak Israel.

Klei Mtô Mñă Klei Bhiăn 33:28

Snăn Israel dôk hlăm klei hơĭt, akŏ êa kơ phung Yakôp dôk êđăp ênang hlăm ala čar mâo mdiê leh anăn kpiê lu, anôk adiê bi rôč êa nguôm.

Y-Tit 2:14

Ñu jao leh Ñu pô kyua drei čiăng bi tui drei mơ̆ng jih jang klei wê, leh anăn čiăng bi doh jăk drei pioh kơ Ñu pô sa phung ƀuôn sang hur har kơ bruă jăk.

I Y-Pêtrôs 2:9

Ƀiădah diih jing sa phung găp djuê Aê Diê ruah leh, phung khua ngă yang kơ mtao, sa phung găp djuê doh jăk, phung ƀuôn sang Aê Diê pô, čiăng kơ diih dưi hưn bruă yuôm bhăn Pô iêô leh diih kbiă mơ̆ng klei mmăt truh kơ klei mngač yuôm bhăn Ñu.