Klei Yap 23:5 - Klei Aê Diê Blŭ 2015

⁵ Yêhôwa dưm klei blŭ hlăm ƀăng êgei Y-Balaam leh anăn lač, “Lŏ wĭt bĕ kơ Y-Balak leh anăn blŭ snei.”

Klei Yap 23:5 Iomraidhean Croise

Klei Kbiă 4:15

Brei ih blŭ kơ ñu, leh anăn dưm boh blŭ hlăm ƀăng êgei ñu; leh anăn Kâo srăng dôk mbĭt hŏng ƀăng êgei ih leh anăn ƀăng êgei ñu, leh anăn Kâo srăng bi hriăm ih ya klei ih srăng ngă.

Klei Bi Hriêng 16:1

Hdră mĭn kbiă hriê mơ̆ng mnuih, ƀiădah klei lŏ wĭt lač kbiă hriê mơ̆ng Yêhôwa.

Klei Bi Hriêng 16:9

Klei mĭn mnuih ruah êlan ñu čiăng ngă, ƀiădah Yêhôwa atăt gai knhuang ñu.

Y-Êsai 51:16

Kâo dưm leh klei Kâo blŭ hlăm ƀăng êgei ih, leh anăn mdăp ih leh hŏng êyui kngan Kâo, êjai mblang phung adiê leh anăn dưm atur lăn ala, leh anăn lač kơ ƀuôn Siôn, ‘Ih jing phung ƀuôn sang Kâo.’ ”

Y-Êsai 59:21

Bi Kâo dê, anei jing klei Kâo bi mguôp hŏng diñu, Yêhôwa lač. “Mngăt Myang Kâo pô dôk ti dlông ih, leh anăn klei Kâo blŭ Kâo dưm leh hlăm ƀăng êgei ih amâo srăng kbiă đuĕ ôh mơ̆ng ƀăng êgei ih, wăt mơ̆ng ƀăng êgei phung anak ih, kăn kbiă rei mơ̆ng ƀăng êgei phung čô ih, mơ̆ng ară anei truh kơ hlŏng lar,” Yêhôwa lač.

Y-Yêrêmi 1:9

Snăn Yêhôwa yơr kngan Ñu ruêh ƀăng kƀông kâo, leh anăn lač kơ kâo, “Nĕ anei, Kâo dưm leh klei Kâo blŭ hlăm ƀăng kƀông ih.

Klei Yap 22:20

Aê Diê truh kơ Y-Balaam êjai mlam leh anăn lač kơ ñu, “Kyuadah phung êkei anei hriê leh iêô ih, kgŭ nao bĕ mbĭt hŏng diñu, ƀiădah brei ih ngă knŏng ya klei kâo srăng mtă kơ ih.”

Klei Yap 22:35

Dĭng buăl jăk Yêhôwa lač kơ Y-Balaam, “Nao bĕ mbĭt hŏng phung êkei anăn; ƀiădah brei ih blŭ knŏng klei kâo mtă kơ ih.” Snăn Y-Balaam hlŏng nao mbĭt hŏng phung khua Y-Balak.

Klei Yap 23:16

Yêhôwa bi tuôm hŏng Y-Balaam leh anăn dưm klei blŭ hlăm ƀăng êgei ñu, lač, “Lŏ wĭt bĕ kơ Y-Balak leh anăn blŭ snei.”

Klei Yap 23:4

Aê Diê bi tuôm hŏng Y-Balaam, leh anăn Y-Balaam lač kơ ñu, “Kâo mdơ̆ng leh kjuh boh knưl leh anăn kâo myơr leh sa drei êmô knô leh anăn sa drei biăp knô ti dlông grăp boh knưl.”

Klei Yap 23:6

Ñu lŏ wĭt kơ Y-Balak leh anăn nĕ anei, Y-Balak leh anăn jih jang phung khua ala čar Môap dôk dơ̆ng ti djiêô mnơ̆ng ñu myơr čuh.

Y-Luk 12:12

Kyuadah Yang Mngăt Jăk srăng bi hriăm diih ti mông anăn mtam ya klei djŏ diih srăng lač.”

Y-Yôhan 11:51

Ñu amâo blŭ ôh klei anăn tui si klei mĭn ñu pô, ƀiădah kyua ñu jing khua ngă yang prŏng thŭn anăn, ñu hưn êlâo kơ Yêsu srăng djiê kyua jih jang găp djuê Yuđa,

Klei Mtô Mñă Klei Bhiăn 18:18

Kâo srăng mđĭ kơ diñu sa čô khua pô hưn êlâo msĕ si ih mơ̆ng krah phung ayŏng adei diñu; Kâo srăng dưm klei Kâo blŭ hlăm ƀăng êgei ñu, leh anăn ñu srăng blŭ kơ diñu jih klei Kâo mtă kơ ñu.