Klei Yap 23:23 - Klei Aê Diê Blŭ 2015

²³ Amâo mâo klei blŭ mdian dưi bi kdơ̆ng hŏng phung Yakôp ôh; amâo mâo bruă mjâo dưi bi kdơ̆ng hŏng phung Israel ôh. Ară anei arăng srăng lač kơ phung Yakôp leh anăn kơ phung Israel, ‘Dlăng bruă yuôm bhăn Aê Diê ngă leh!’

Klei Yap 23:23 Iomraidhean Croise

Y-Yôsuê 13:22

Đơ hlăm phung diñu phung ƀuôn sang Israel bi mdjiê leh hŏng đao gưm, mâo wăt Y-Balaam anak êkei Y-Bêor, pô hưn êlâo.

Y-Mathiơ 12:27

Tơdah Kâo suôt yang jhat hŏng anăn Bêlsêbul, bi phung anak diih, hŏng diñu suôt lĕ? Kyuanăn diñu yơh srăng jing phung phat kđi diih.

Klei Mmuñ Hđăp 64:9

Leh anăn jih jang mnuih srăng huĭ; diñu srăng hưn ya bruă Aê Diê ngă leh, leh anăn srăng mĭn kơ klei gơ̆ ngă leh.

Hră Y-Pôl Mơĭt kơ Phung Rôm 16:20

Snăn Aê Diê klei êđăp ênang, srăng bi rai djăl Satan ti gŭ jơ̆ng diih. Brei klei pap Khua Yang drei Yêsu Krist dôk mbĭt hŏng diih.

Klei Yap 24:1

Tơdah Y-Balaam ƀuh Yêhôwa mơak hơêč hmưi kơ Israel, ñu amâo lŏ nao ôh msĕ si êlâo čiăng ƀuh klei bi knăl, ƀiădah ñu wir ƀô̆ mta ñu phă kdrăn tač.

Klei Bi Êdah 12:9

Leh anăn arăng dlăm anak rai prŏng ti gŭ, ala hđăp anăn, arăng pia Yang Jhat leh anăn Satan, pô mplư jih lăn ala. Arăng dlăm phung dĭng buăl ñu mbĭt hŏng ñu.

Bruă Phung Khua Ƀĭng Kna 10:38

si Aê Diê trôč leh êa ƀâo mngưi kơ Yêsu ƀuôn Nasaret hŏng Yang Mngăt Jăk leh anăn klei myang; si Ñu hiu ngă klei jăk leh anăn bi hlao jih jang mnuih yang jhat ktư̆ juă, kyuadah Aê Diê dôk mbĭt hŏng Ñu.

Y-Mathiơ 16:18

Kâo hưn kơ ih, ih jing Y-Pêtrôs, ti dlông boh tâo anei Kâo srăng mdơ̆ng Phung Sang Aê Diê Kâo, leh anăn ƀăng jang Ƀuôn Phung Djiê amâo srăng dưi hŏng ñu ôh.

Y-Mika 7:15

“Msĕ si hlăm dŭm ênuk ih kbiă mơ̆ng čar Êjip, Kâo srăng bi êdah kơ diñu bruă yuôm bhăn Kâo.”

Bruă Phung Khua Ƀĭng Kna 4:16

“Ya drei srăng ngă kơ dua čô anăn? Kyuadah jih jang phung ƀuôn sang Yêrusalem thâo sĭt nik digơ̆ ngă sa leh klei yuôm bhăn, leh anăn drei amâo dưi hngah klei anăn ôh.

Y-Mathiơ 12:25

Yêsu thâo klei mĭn diñu leh anăn lač kơ diñu, “Tơdah sa boh ƀuôn ala mtao bi mbha hĕ ñu pô, srăng rai tuč yơh, leh anăn sa boh ƀuôn amâodah sa boh sang bi mbha hĕ ñu pô, amâo srăng dưi dôk ôh.

Y-Êsai 41:4

Hlei pô ngă leh anăn bi leh hĕ klei anăn, iêô leh ênuk mơ̆ng mphŭn dơ̆ng? Kâo gơ̆, Yêhôwa, Pô êlâo hĭn, leh anăn Pô dôk tơl knhal tuč, Kâo gơ̆ yơh Pô anăn.

Bruă Phung Khua Ƀĭng Kna 5:12

Phung khua ƀĭng kna ngă lu klei bi knăl yuôm bhăn leh anăn klei yuôm bhăn myang ti krah phung ƀuôn sang. Jih jang diñu bi kƀĭn sa ai ti Adring Salômôn.

Klei Mmuñ Hđăp 31:19

Ơ, klei jăk Ih prŏng snăk, pioh leh kơ phung huĭ mpŭ kơ Ih, mkra leh kơ phung đuĕ dăp hlăm Ih, ti anăp phung anak mnuih!

Bruă Phung Khua Ƀĭng Kna 15:12

Jih jang phung bi kƀĭn dôk ñăt, leh anăn hmư̆ klei Y-Barnabas leh anăn Y-Pôl yăl dliê jih jang klei bi knăl yuôm bhăn leh anăn klei yuôm bhăn myang Aê Diê yua diñu ngă leh ti krah phung tue.

Bruă Phung Khua Ƀĭng Kna 5:14

Phung đăo kơ Khua Yang lŏ thiăm lu hĭn êjai, wăt êkei wăt mniê.

Y-Yôhan 11:47

Snăn phung knơ̆ng khua ngă yang leh anăn phung Pharisi iêô bi kƀĭn phung khua phat kđi leh anăn lač, “Ya drei srăng ngă lĕ, kyuadah mnuih anei ngă lu klei bi knăl yuôm bhăn?

Y-Đaniel 9:15

Ară anei, Ơ Yêhôwa Aê Diê hmei, Pô atăt ba leh phung ƀuôn sang Ih kbiă mơ̆ng čar Êjip hŏng kngan myang, leh anăn mâo anăn hing ang msĕ si mâo leh truh ti hruê anei, hmei ngă leh klei soh leh anăn klei ƀai.

Klei Mphŭn Dơ̆ng 3:15

Kâo srăng mjing klei bi roh ŏng hŏng mniê anăn, wăt klei bi roh phung anak čô ŏng hŏng phung anak čô ñu; gơ̆ srăng bi êka boh kŏ ŏng, leh anăn ŏng srăng bi êka kđul gơ̆.”

Y-Êsêkiêl 21:21

Kyuadah mtao Ƀaƀilôn dôk dơ̆ng ti anôk êlan bi ktlah, ti phŭn dua bĭt êlan, čiăng ngă klei mdian; ñu êyuh bi mđăo hŏng ƀrăm, ñu êmuh kơ phung rup yang têraphim, ñu ksiêm dlăng kơ tiê.

Klei Mtô Mñă Klei Bhiăn 3:24

‘Ơ Khua Yang Yêhôwa, Ih knŏng dơ̆ng bi êdah kơ dĭng buăl Ih klei Ih jing prŏng leh anăn kngan myang Ih; kyuadah hlei yang ti adiê amâodah ti lăn ala dưi ngă bruă leh anăn klei yuôm bhăn msĕ si Ih?

Y-Êsai 44:25

Pô bi luč klei bi knăl phung hưn êlâo soh, leh anăn Pô brei phung mjâo jing mluk, Pô bi kdŭn hĕ phung thâo mĭn, leh anăn brei klei diñu thâo săng jing klei mluk;