Klei Yap 23:1 - Klei Aê Diê Blŭ 2015

¹ Y-Balaam lač kơ Y-Balak, “Mdơ̆ng bĕ tinei kơ kâo kjuh boh knưl, leh anăn mkra tinei kơ kâo kjuh drei êmô knô leh anăn kjuh drei biăp knô.”

Klei Yap 23:1 Iomraidhean Croise

II Bruă Mtao 18:22

Ƀiădah tơdah ih lač kơ kâo, “Hmei knang kơ Yêhôwa Aê Diê hmei,” amâo djŏ hĕ jing dŏ ñu yơh anôk dlông leh anăn knưl Y-Hêsêkia mă mđuĕ leh, êjai lač kơ phung Yuđa leh anăn kơ phung ƀuôn Yêrusalem, “Brei diih kkuh mpŭ ti anăp knưl anei hlăm ƀuôn Yêrusalem”?

I Klei Yăl Dliê 15:26

Kyuadah Aê Diê đru leh phung Lêwi kkung hip klei bi mguôp Yêhôwa, diñu ngă yang kjuh drei êmô knô leh anăn kjuh drei biăp knô.

II Klei Yăl Dliê 29:21

Diñu đoh ba kjuh drei êmô knô, kjuh drei biăp knô, kjuh drei êđai biăp, leh anăn kjuh drei bê knô pioh kơ mnơ̆ng myơr kyua klei soh kơ ƀuôn ala mtao, kơ adŭ doh jăk, leh anăn kơ phung Yuđa. Ñu mtă kơ phung khua ngă yang phung anak êkei Y-Arôn brei myơr dŏ anăn ti dlông knưl Yêhôwa.

Y-Yôp 42:8

Snăn ară anei mă bĕ kjuh drei êmô knô leh anăn kjuh drei biăp knô, nao bĕ kơ dĭng buăl Kâo Y-Yôp, leh anăn myơr kyua diih pô sa mnơ̆ng myơr čuh. Leh anăn dĭng buăl Kâo Y-Yôp srăng wah lač brei kơ diih, leh anăn Kâo srăng tŭ klei ñu wah lač akâo kơ Kâo đăm ngă ôh kơ diih tui si klei mluk diih; kyuadah diih amâo tuôm blŭ ôh klei djŏ kơ Kâo msĕ si dĭng buăl Kâo Y-Yôp blŭ leh.”

Klei Kbiă 20:24

Brei ih mdơ̆ng sa boh knưl lăn kơ Kâo, leh anăn ngă yang ti dlông anăn mnơ̆ng myơr čuh, mnơ̆ng myơr kơ klei êđăp ênang, biăp leh anăn êmô ih. Ti grăp anôk Kâo brei arăng hdơr anăn Kâo, Kâo srăng hriê kơ ih leh anăn brei klei jăk jĭn kơ ih.

Klei Bi Hriêng 15:8

Yêhôwa bi êmut kheh kơ mnơ̆ng phung ƀai ngă yang, ƀiădah klei phung kpă wah lač bi mơak kơ Ñu.

Y-Êsêkiêl 33:31

Diñu hriê kơ ih msĕ si phung ƀuôn sang mưng hriê, diñu dôk gŭ ti anăp ih, leh anăn diñu hmư̆ klei ih lač, ƀiădah diñu amâo gưt klei anăn ôh; kyuadah hŏng êlah diñu bi êdah lu klei khăp, ƀiădah ai tiê diñu khăp kơ klei tŭ dưn pô!

Y-Êsêkiêl 45:23

Êjai jih kjuh hruê knăm, brei ñu myơr jing mnơ̆ng myơr čuh kơ Yêhôwa kjuh drei êmô knô dam leh anăn kjuh drei biăp knô amâo mâo anôk jhat ôh, ti grăp hruê êjai kjuh hruê anăn; leh anăn sa drei bê knô grăp hruê pioh kơ mnơ̆ng myơr kyua klei soh.

Klei Yap 22:41

Tơl si mgi Y-Balak atăt Y-Balaam brei ñu nao ti Bamôt-Baal, leh anăn mơ̆ng anôk anăn Y-Balaam dưi ƀuh đa đa phung ƀuôn sang Israel.

Klei Yap 23:2

Y-Balak ngă tui si Y-Balaam lač leh; leh anăn Y-Balak hŏng Y-Balaam myơr sa drei êmô knô leh anăn sa drei biăp knô ti dlông grăp knưl.

Klei Yap 23:29

Y-Balaam lač kơ Y-Balak, “Mdơ̆ng bĕ tinei kơ kâo kjuh boh knưl leh anăn mkra tinei kơ kâo kjuh drei êmô knô leh anăn kjuh drei biăp knô.”

Klei Yap 23:30

Y-Balak ngă tui si klei Y-Balaam lač leh, leh anăn ñu myơr sa drei êmô knô leh anăn sa drei biăp knô ti dlông grăp boh knưl.

Klei Yap 29:32

Ti hruê tal kjuh diih srăng myơr kjuh drei êmô knô, dua drei biăp knô, pluh pă drei êđai biăp knô mâo sa thŭn amâo mâo anôk jhat ôh,

Y-Mathiơ 23:13

“Knap mñai yơh kơ diih, Ơ phung khua čih hră leh anăn phung Pharisi, phung ai ngăm! Kyuadah diih kđăl ƀuôn ala mtao adiê kơ mnuih, diih pô amâo mŭt hlăm ƀuôn ala mtao anăn ôh, kăn brei rei phung čiăng mŭt tinăn. [

Y-Yut 1:11

Knap mñai yơh kơ diñu! Kyuadah diñu tui hlue êlan Y-Kain, leh anăn jao diñu pô kơ klei ƀơ̆ng ngăn tui si klei soh Y-Balaam, leh anăn rai luč hŏng klei Y-Kôrê bi kdơ̆ng.

I Y-Samuel 15:22

Y-Samuel lač, “Yêhôwa ƀuh mơ̆ klei mơak hlăm mnơ̆ng myơr čuh leh anăn mnơ̆ng ngă yang msĕ si hlăm klei gưt asăp kơ Yêhôwa? Nĕ anei, klei gưt asăp jing jăk hĭn kơ klei ngă yang, leh anăn klei dôk hmư̆ jing jăk hĭn kơ prăi biăp knô.