Klei Yap 22:8 - Klei Aê Diê Blŭ 2015

⁸ Y-Balaam lač kơ diñu, “Đăm bĕ tinei mlam anei, leh anăn kâo srăng lŏ wĭt lač kơ diih tui si Yêhôwa blŭ kơ kâo.” Snăn phung khua ala čar Môap dôk mbĭt hŏng Y-Balaam.

Klei Yap 22:8 Iomraidhean Croise

I Bruă Mtao 13:8

Mnuih Aê Diê lač kơ mtao, “Tơdah ih brei kơ kâo mkrah sang ih, kâo amâo srăng mŭt mbĭt hŏng ih ôh. Leh anăn kâo amâo srăng ƀơ̆ng kpŭng amâodah mnăm êa ôh hlăm anôk anei;

I Bruă Mtao 22:14

Ƀiădah Y-Mika lač, “Tui si Yêhôwa dôk hdĭp, ya klei Yêhôwa lač kơ kâo, klei anăn kâo srăng blŭ.”

Y-Yêrêmi 12:2

Ih pla leh diñu, diñu mtrŭn agha; diñu hriê kơ prŏng mâo boh. Hŏng ƀăng êgei diñu blŭ jăk kơ Ih, ƀiădah ai tiê diñu kbưi hŏng Ih.

Y-Êsêkiêl 33:31

Diñu hriê kơ ih msĕ si phung ƀuôn sang mưng hriê, diñu dôk gŭ ti anăp ih, leh anăn diñu hmư̆ klei ih lač, ƀiădah diñu amâo gưt klei anăn ôh; kyuadah hŏng êlah diñu bi êdah lu klei khăp, ƀiădah ai tiê diñu khăp kơ klei tŭ dưn pô!

Klei Yap 12:6

Ñu lač, “Dôk hmư̆ klei Kâo blŭ: Tơdah mâo khua pô hưn êlâo hlăm phung diih, Kâo gơ̆ Yêhôwa, Pô bi êdah Kâo pô kơ diñu hlăm klei bi ƀuh, Kâo blŭ kơ diñu hlăm klei êpei.

Klei Yap 22:18

Ƀiădah Y-Balaam lŏ wĭt lač kơ phung dĭng buăl Y-Balak, “Wăt tơdah Y-Balak brei kơ kâo sang ñu bŏ hŏng prăk leh anăn mah dưn, kâo amâo dưi gao ôh klei Yêhôwa Aê Diê kâo mtă, thâodah ngă ƀiă hĭn amâodah lu hĭn.

Klei Yap 22:38

Y-Balaam lač kơ Y-Balak, “Nĕ anei, kâo hriê leh kơ ih. Kâo mâo mơ̆ klei dưi blŭ đa đa klei ară anei? Klei blŭ Aê Diê dưm hlăm ƀăng êgei kâo, klei anăn kâo srăng blŭ.”

Klei Yap 22:7

Snăn phung khua mduôn ala čar Môap leh anăn phung khua mduôn ala čar Madian đuĕ nao djă ba mnơ̆ng mưn kơ phung mjâo. Diñu truh kơ Y-Balaam leh anăn yăl dliê klei Y-Balak mtă.

Klei Yap 22:9

Aê Diê hriê kơ Y-Balaam leh anăn lač, “Hlei phung êkei mbĭt hŏng ih?”

Klei Yap 23:12

Ñu lŏ wĭt lač, “Kâo amâo srăng răng hĕ čiăng blŭ ya klei Yêhôwa dưm leh hlăm ƀăng êgei kâo?”

Klei Yap 23:3

Y-Balaam lač kơ Y-Balak, “Dôk dơ̆ng ti djiêô mnơ̆ng ih myơr čuh, leh anăn kâo srăng nao; năng ai Yêhôwa srăng hriê bi tuôm hŏng kâo, leh anăn ya klei ñu srăng bi êdah kơ kâo, kâo srăng hưn kơ ih.” Leh anăn ñu nao kơ čư̆ kla.

Klei Yap 24:13

‘Wăt tơdah Y-Balak srăng brei kơ kâo sang ñu bŏ hŏng prăk leh anăn mah, kâo amâo dưi ngă mdê hŏng klei Yêhôwa blŭ leh ôh, čiăng ngă jăk thâodah jhat tui si klei kâo pô čiăng; ya klei Yêhôwa blŭ, kâo srăng blŭ klei anăn’?