Klei Yap 22:7 - Klei Aê Diê Blŭ 2015

⁷ Snăn phung khua mduôn ala čar Môap leh anăn phung khua mduôn ala čar Madian đuĕ nao djă ba mnơ̆ng mưn kơ phung mjâo. Diñu truh kơ Y-Balaam leh anăn yăl dliê klei Y-Balak mtă.

Klei Yap 22:7 Iomraidhean Croise

Y-Êsai 1:23

Phung khua kiă kriê ih jing phung bi kdơ̆ng, găp hŏng phung knĕ. Grăp čô khăp kơ ngăn sun leh anăn tui tiŏ klei mưn. Diñu amâo mgang phung anak êrĭt ôh, kăn diñu uêñ rei kơ klei kpă phung mniê djiê ung.

Y-Êsai 56:11

Jih jang asâo anăn ră, amâo thâo trei ôh. Diñu jing phung mgăt biăp amâo mâo klei thâo săng ôh; jih jang diñu wir tui êlan diñu pô, grăp čô čiăng ƀơ̆ng đĭ kơ ñu pô sơăi.

Y-Êsêkiêl 13:19

Diih bi hêñ Kâo leh ti krah phung ƀuôn sang Kâo čiăng mâo sa kpăt mdiê ôrgơ leh anăn čiăng mâo djah kpŭng. Hŏng klei diih luar kơ phung ƀuôn sang Kâo, phung dôk hmư̆ klei diih luar. Diih bi mdjiê phung mnuih amâo năng djiê ôh leh anăn pioh hdĭp phung mnuih amâo năng hdĭp ôh.’

Y-Êsêkiêl 21:21

Kyuadah mtao Ƀaƀilôn dôk dơ̆ng ti anôk êlan bi ktlah, ti phŭn dua bĭt êlan, čiăng ngă klei mdian; ñu êyuh bi mđăo hŏng ƀrăm, ñu êmuh kơ phung rup yang têraphim, ñu ksiêm dlăng kơ tiê.

Y-Mika 3:11

Phung khua ñu phat kđi kyua ngăn sun, phung khua ngă yang ñu mtô kyua ênoh mưn, phung khua pô hưn êlâo ñu bi êdah klei hgăm kyua prăk. Ƀiădah diñu knang kơ Yêhôwa leh anăn lač, “Amâo djŏ hĕ Yêhôwa dôk ti krah drei? Amâo mâo klei jhat ôh srăng truh kơ drei.”

Klei Yap 22:8

Y-Balaam lač kơ diñu, “Đăm bĕ tinei mlam anei, leh anăn kâo srăng lŏ wĭt lač kơ diih tui si Yêhôwa blŭ kơ kâo.” Snăn phung khua ala čar Môap dôk mbĭt hŏng Y-Balaam.

Klei Yap 23:23

Amâo mâo klei blŭ mdian dưi bi kdơ̆ng hŏng phung Yakôp ôh; amâo mâo bruă mjâo dưi bi kdơ̆ng hŏng phung Israel ôh. Ară anei arăng srăng lač kơ phung Yakôp leh anăn kơ phung Israel, ‘Dlăng bruă yuôm bhăn Aê Diê ngă leh!’

Klei Yap 24:1

Tơdah Y-Balaam ƀuh Yêhôwa mơak hơêč hmưi kơ Israel, ñu amâo lŏ nao ôh msĕ si êlâo čiăng ƀuh klei bi knăl, ƀiădah ñu wir ƀô̆ mta ñu phă kdrăn tač.

Hră Y-Pôl Mơĭt kơ Phung Rôm 16:18

Kyuadah phung msĕ snăn amâo mă bruă kơ Krist Khua Yang drei ôh, ƀiădah kơ tian diñu pô, leh anăn hŏng klei blŭ siam leh anăn myâo mă diñu mplư ai tiê phung kgưt.

Y-Tit 1:11

Brei diñu dôk ñăt, kyuadah diñu bi rŭng jih găp djuê hlăm lu boh sang hŏng klei mtô amâo bhiăn mtô ôh kyua diñu čiăng ƀơ̆ng ngăn.

Y-Yôsuê 13:22

Đơ hlăm phung diñu phung ƀuôn sang Israel bi mdjiê leh hŏng đao gưm, mâo wăt Y-Balaam anak êkei Y-Bêor, pô hưn êlâo.

II Y-Pêtrôs 2:15

Êjai diñu hngah êlan kpă, diñu klah đuĕ leh. Diñu tui hlue leh êlan Y-Balaam anak êkei Y-Bôsôr, pô khăp ênoh mưn kơ bruă soh.

Y-Yut 1:11

Knap mñai yơh kơ diñu! Kyuadah diñu tui hlue êlan Y-Kain, leh anăn jao diñu pô kơ klei ƀơ̆ng ngăn tui si klei soh Y-Balaam, leh anăn rai luč hŏng klei Y-Kôrê bi kdơ̆ng.