Klei Yap 22:5 - Klei Aê Diê Blŭ 2015

⁵ tiŏ nao phung hưn kơ Y-Balaam anak êkei Y-Bêor ti ƀuôn Pêthôr giăm Êa Krông hlăm čar phung aê ñu, čiăng iêô ñu, lač, “Nĕ anei, sa phung ƀuôn sang kbiă leh mơ̆ng ala čar Êjip; diñu guôm rŏng lăn ala, leh anăn diñu dôk giăm phă kâo.

Klei Yap 22:5 Iomraidhean Croise

Klei Mphŭn Dơ̆ng 13:16

Kâo srăng brei phung anak čô ih jing lu msĕ si ƀruih lăn. Snăn tơdah arăng dưi yap ƀruih lăn, arăng dưi mơh yap phung anak čô ih.

Klei Mmuñ Hđăp 105:24

Yêhôwa brei phung ƀuôn sang Ñu jing lar êngŭm, leh anăn brei digơ̆ jing ktang hĭn kơ phung ktư̆ juă digơ̆.

Klei Kbiă 10:15

Diñu guôm tar rŏng lăn tơl lăn jing jŭ tŭt. Diñu ƀơ̆ng jih jang rơ̆k ti lăn leh anăn jih jang boh ana kyâo ăt dôk mơ̆ng boh tâo pliêr, leh anăn amâo lŏ adôk mnơ̆ng mtah ôh, thâodah ana kyâo amâodah rơ̆k hma tar ƀar čar Êjip.

Y-Mika 6:5

Ơ ƀuôn sang Kâo, brei ih hdơr ya klei Y-Balak mtao čar Môap kčĕ, leh anăn ya klei Y-Balaam anak êkei Y-Bêor lŏ wĭt lač kơ ñu; leh anăn hdơr bĕ ya truh leh mơ̆ng ƀuôn Sitim truh ti ƀuôn Gilgal, čiăng kơ ih thâo bruă kpă Yêhôwa ngă.”

Klei Yap 23:7

Y-Balaam hưn klei bi êdah ñu mâo leh, lač, “Mơ̆ng ala čar Aram Y-Balak brei kâo hriê, mtao ala čar Môap brei kâo hriê mơ̆ng čư̆ ngŏ. ‘Hriê tăm pah bĕ kơ phung Yakôp; hriê bĕ, blŭ jhat kơ phung Israel!’

Klei Yap 31:8

Diñu bi mdjiê phung mtao Madian mbĭt hŏng phung diñu bi mdjiê leh, Y-Êwi, Y-Rêkem, Y-Sur, Y-Hur, leh anăn Y-Rêba, êma čô mtao phung Madian. Diñu bi mdjiê msĕ mơh Y-Balaam anak êkei Y-Bêor hŏng đao gưm.

Klei Mtô Mñă Klei Bhiăn 23:4

kyuadah diñu amâo tuôm hriê drông ôh diih hŏng kpŭng leh anăn êa ti êlan hlăk diih kbiă mơ̆ng čar Êjip, leh anăn kyuadah diñu mưn Y-Balaam anak êkei Y-Bêor ƀuôn Pêthôr čar Mêsapôtami brei tăm pah kơ diih.

Klei Mtô Mñă Klei Bhiăn 23:5

Ƀiădah Yêhôwa Aê Diê diih amâo dôk hmư̆ Y-Balaam ôh; ƀiădah Yêhôwa Aê Diê diih bi mbliư̆ leh klei tăm pah jing klei hơêč hmưi kơ diih, kyuadah Yêhôwa Aê Diê diih khăp kơ diih.

Y-Yôsuê 13:22

Đơ hlăm phung diñu phung ƀuôn sang Israel bi mdjiê leh hŏng đao gưm, mâo wăt Y-Balaam anak êkei Y-Bêor, pô hưn êlâo.

Y-Yôsuê 24:9

Y-Balak anak êkei Y-Sipôr mtao čar Môap kgŭ bi blah hŏng phung Israel. Ñu tiŏ nao arăng jak Y-Balaam anak êkei Y-Bêor brei tăm pah kơ diih.

Y-Yut 1:11

Knap mñai yơh kơ diñu! Kyuadah diñu tui hlue êlan Y-Kain, leh anăn jao diñu pô kơ klei ƀơ̆ng ngăn tui si klei soh Y-Balaam, leh anăn rai luč hŏng klei Y-Kôrê bi kdơ̆ng.

Klei Bi Êdah 2:14

Ƀiădah Kâo mâo đa đa klei hŏng ih: ih mâo tinăn đa đa mnuih tui hlue klei Y-Balaam mtô. Ñu bi hriăm Y-Balak ngă sa klei mplư bi têč hnêč kơ phung anak čô Israel, čiăng kơ digơ̆ ƀơ̆ng mnơ̆ng arăng myơr leh kơ rup yang leh anăn ngă klei knhông.