Klei Yap 22:18 - Klei Aê Diê Blŭ 2015

¹⁸ Ƀiădah Y-Balaam lŏ wĭt lač kơ phung dĭng buăl Y-Balak, “Wăt tơdah Y-Balak brei kơ kâo sang ñu bŏ hŏng prăk leh anăn mah dưn, kâo amâo dưi gao ôh klei Yêhôwa Aê Diê kâo mtă, thâodah ngă ƀiă hĭn amâodah lu hĭn.

Klei Yap 22:18 Iomraidhean Croise

I Bruă Mtao 13:8

Mnuih Aê Diê lač kơ mtao, “Tơdah ih brei kơ kâo mkrah sang ih, kâo amâo srăng mŭt mbĭt hŏng ih ôh. Leh anăn kâo amâo srăng ƀơ̆ng kpŭng amâodah mnăm êa ôh hlăm anôk anei;

I Bruă Mtao 22:14

Ƀiădah Y-Mika lač, “Tui si Yêhôwa dôk hdĭp, ya klei Yêhôwa lač kơ kâo, klei anăn kâo srăng blŭ.”

II Klei Yăl Dliê 18:13

Ƀiădah Y-Mika lač, “Tui si Yêhôwa dôk hdĭp, ya Aê Diê kâo lač, kâo srăng blŭ klei anăn.”

Y-Yôp 3:15

amâodah mbĭt hŏng phung khua mâo mah, phung bi bŏ sang diñu hŏng prăk.

Y-Đaniel 5:17

Leh klei anăn, Y-Đaniel lŏ wĭt lač ti anăp mtao, “Brei ih pioh kơ ih pô mnơ̆ng brei anăn, leh anăn brei klei mưn kơ pô mkăn; ƀiăđah ăt kâo srăng dlăng kơ mtao klei čih anei leh anăn mblang ñu kơ ih.

Klei Yap 22:19

Ară anei, kâo kwưh kơ diih, dôk bĕ tinei mlam anei msĕ mơh, čiăng kơ kâo dưi thâo ya klei Yêhôwa srăng lŏ lač kơ kâo.”

Klei Yap 22:38

Y-Balaam lač kơ Y-Balak, “Nĕ anei, kâo hriê leh kơ ih. Kâo mâo mơ̆ klei dưi blŭ đa đa klei ară anei? Klei blŭ Aê Diê dưm hlăm ƀăng êgei kâo, klei anăn kâo srăng blŭ.”

Klei Yap 22:8

Y-Balaam lač kơ diñu, “Đăm bĕ tinei mlam anei, leh anăn kâo srăng lŏ wĭt lač kơ diih tui si Yêhôwa blŭ kơ kâo.” Snăn phung khua ala čar Môap dôk mbĭt hŏng Y-Balaam.

Klei Yap 23:26

Ƀiădah Y-Balaam lŏ wĭt lač kơ Y-Balak, “Amâo djŏ hĕ kâo hưn kơ ih leh, ‘Jih ya klei Yêhôwa lač, kâo srăng ngă klei anăn’?”

Klei Yap 24:12

Y-Balaam lač kơ Y-Balak, “Kâo amâo tuôm hưn hĕ kơ phung ih tiŏ hriê leh kơ kâo,

Klei Yap 24:13

‘Wăt tơdah Y-Balak srăng brei kơ kâo sang ñu bŏ hŏng prăk leh anăn mah, kâo amâo dưi ngă mdê hŏng klei Yêhôwa blŭ leh ôh, čiăng ngă jăk thâodah jhat tui si klei kâo pô čiăng; ya klei Yêhôwa blŭ, kâo srăng blŭ klei anăn’?

Bruă Phung Khua Ƀĭng Kna 8:20

Ƀiădah Y-Pêtrôs lač kơ gơ̆, “Brei prăk ih rai mbĭt hŏng ih, kyuadah ih mĭn dưi blei klei Aê Diê brei hŏng prăk!

Y-Tit 1:16

Diñu hưn kơ diñu thâo kral Aê Diê, ƀiădah diñu hngah Aê Diê hŏng bruă diñu ngă. Diñu jing phung arăng bi êmut, phung amâo gưt asăp ôh, leh anăn amâo dưi ngă sa mta bruă jăk ôh.

Y-Yôsuê 24:10

Ƀiădah Kâo amâo dôk hmư̆ Y-Balaam ôh; kyuanăn ñu hơêč hmưi kơ diih. Snăn Kâo bi mtlaih diih mơ̆ng kngan Y-Balak.